Je 4:31 - Sơ̆p Hlabơar Nơ̆r 'Bok Kei-Dei

³¹ Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 4:31 ပူးပေါင်းရင်းမြစ်များ

Bl 27:46

Rê'bêka khan kơ Isăk thoi âu: Inh ơh klai dêh rŏ ưh pă 'maih arih dơ̆ng, yua kơ lu kon adruh adrĕch Hêtit mă Êsâu pơm akăn. Tơdah Jakôp oei kơ lu adruh adrĕch Hêtit pơm akăn, wă khan iŏk minh 'nu lăm tơring âu thoi lu đe noh; mưh lei inh arih wă pơm kiơ?

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

Horiso 120:5

Răm-'băm dêh kơ inh oei lăm Mêsĕk. Păng oei tơ lăm kơđông Kêđa.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 21:3

Na kơdŭ inh jĭ dêh, inh jĭ tuĕnh nhen thoi drŏ-kăn tơpŭ, lăp inh kơtơ̆ng inh pơ̆k lăp inh 'bôh inh hli tơrơ.

Êsai 26:17

Nhen thoi drŏ-kăn ôr kơ jĭ anăp sư wă jê̆ tơpŭ. Ơ Kră Yang, lu nhôn oei tơ anăp Ih nhen thoi noh.

Êsai 42:14

“Inh oei hreh đunh bơih, Inh ngăn hrĕng ĕnh kơdih akâu. Mă-lei dang ei inh tơngưih re, dui jơhngơ̆m gleh nhen drŏ-kăn tơpŭ.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Je 10:19

Răm-'băm dêh kơ inh yua kơ inh jĭ rơka! Rơka inh ưh kơ gơh klaih. Inh khan: “'Nâu lăp tơdrong jĭ đĕch, na inh athei pŭ tơdrong noh.”

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 15:18

Yua kơ kiơ tơdrong chhŭr nuih inh oei đei ling-lang, jĭ rơka lăm jơhngơ̆m inh rai dêh ưh kơ kĕ kơ klaih? Hăm trŏ Ih pơm kơ inh thoi thong đak ro ưh kơ tơpă, thoi tu đak hrĕng kro?

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Je 30:6

Jet lăng: Hăm trŏ kơ bơngai drŏ-nglo tơpŭ kon hơ'lơ̆p? Lei liơ mă Inh 'bôh bơngai drŏ-nglo kơ'mĭn klak thoi drŏ-kăn wă tơpŭ? Liơ mă muh măt lu sư dreng hơ'blă?

Je 45:2

Ơ Baruk! Kră Yang 'Bok Kei-Dei khan kơ ih thoi âu:

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 49:22

'Nâu, lu ayăt thoi sem klang păr jruh, Bơyar pơnăr sư pơm kơ pơlei Bôsra, Lăm năr noh jơhngơ̆m lu drŏ-nglo nuih pran char Eđôm nhen thoi jơhngơ̆m bơngai drŏ-kăn oei tŏk-bŏk hơiơch.”

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Je 6:2

Inh gô pơrăm adruh 'lơ̆ng kơeng pơlei Siôn.

Nhom 1:17

Siôn yơ̆r ti, mă-lei ưh kơ đei bu pơlung sư; Kră Yang đei roi boih gah Jakôp; Đei lu bơngai cheng sư pơm kơnê̆ hăm sư. Jêrusalem mă lu sư oei noh jing 'mê̆-'mach.

Nhom 1:20

Ơ Kră Yang, lăng bĕ, yua kơ inh tơ'bơ̆p tơdrong gleh truh, Jơhngơ̆m inh chhŭr nuih, plei nuih inh pơpơ̆, Yua kơ inh pơm kơnê̆ dêh. Tơ 'nguaih đei đao gưm pơrăm đe, Tơ lăm hnam đei tơdrong lôch.

Nhom 2:21

Lu kon hơ'lơ̆p păng lu kră 'bĭch sơ̆k tơ teh rok trong lăm pơlei tih. Lu adruh 'lơ̆p păng tơdăm 'lơ̆p inh pơ̆k lôch kơ đao gưm. Lăm năr Ih hil, Ih pơlôch lu sư boih, Ih pơlôch pă đei mơnat.

Hôsia 13:13

Tơdrong jĭ thoi drŏ-kăn tơpŭ truh boih kơ lu sư, mă-lei lu sư thoi kon nge ngŏk kơ hlôh kơwao, Lăp truh jơ 'năr boih, mă-lei sư ưh kơ jah lĕch đơ̆ng tơpu kon.

Mi 4:10

Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Mi 4:9

Yua kơ kiơ iĕm krao ôr thoi noh? Lu iĕm ưh kơ đei pơtao hă? Dah mă lu bơngai nuih pran hơgei sư lôch boih, na iĕm mah ôr thoi bơngai drŏ-kăn tơpŭ?

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Mathiơ 21:5

“Khan kơ kon pơlei pơla Jêrusalem hŏ: Pơtao iĕm wă mơ̆t tơ pơlei iĕm năr âu. Sư bơngai iơ̆m dim, Sư ưh kơ băt pơang akâu kơdih ôh; Sư hao minh pôm aseh iĕ, Sư oei kơpal kơdŭ aseh iĕ đĕch.”

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.