Je 4:30 - Sơ̆p Hlabơar Nơ̆r 'Bok Kei-Dei

³⁰ Bĭ iĕm, ơ bơngai mă oei wă pơrăm. Iĕm pơm kiơ mă hrŭk ao 'brê hơhĭm, pơguăng hăm maih se, Iŏk 'long chih chhơ̆ gơnur măt, pơguăng wă kơ 'lơ̆ng liĕm, kư̆m đĭ pă yua: Bơngai mă hơyuh kơ iĕm kư̆m achăng lê̆ iĕm, kư̆m wă chă pơlôch ih.

Je 4:30 ပူးပေါင်းရင်းမြစ်များ

II Pot 9:30

Kơplah Jêhu năm truh tơ pơlei Jêsreel. Jêsebel kơtơ̆ng băt na iŏk chŭr pik muh măt, hơmet sŏk, pơhrôp hơbĕn 'nao mă 'lơ̆ng, đơ̆ng noh dơ̆ng tơmang đơ̆ng 'măng-'mŏk sư.

Tơdrông Pơđơk 6:25

Ih 'nĕ hưch kơ akâu sư 'lơ̆ng hơbŏ, Phŏ kơnh măt ih pơ̆k huŏng kơ tơdrong sư pơhlŭ.

Tơdrông Pơđơk 7:10

Lăng to, minh 'nu adruh năm tơ'bơ̆p sư, Hrŭk hơbĕn ao 'nao pơguăng thoi drŏ-kăn đi jơhngơ̆m hơlĕnh bơkuĕch.

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 22:23

Ơ lu bơngai oei lăm char Liban, pơm anih oei lăm kơdrơ̆ng 'long hơngo, ih gô tơngưih dêh kơplah đei tơdrong jĭ tuĕnh truh kơ ih, thoi lu bơngai drŏ-kăn jĭ wă hơiơch!

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Nhom 1:19

Inh krao pơtơm boih lu bơngai mă 'mêm kơ inh, mă-lei lu sư hơlĕnh kơ inh. Đĭ lu 'bok soi păng lu kră wei-lăng tơ lăm pơlei tih kơtĕch jơhngơ̆m boih. Kơplah lu sư chă tơmam sa wă pơrih bơhngol lu sư kơdih.

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 28:13

Ih oei tơ pơgar Êđen, pơgar Kră Yang 'Bok Kei-Dei. Ih pơguăng hăm tơmam tơmo gĭt thoi jơmŏng tơmo jasper, tơmo saphirê, tơmo Shơkêđô tơmo samarađô, tơmo siađô, tơmo krisôlia, tơmo borelô, tơmo tôpasiô, ih hling hrâu hăm maih dơ̆ng. Đơ̆ng năr mă đei pơjing ih đei hơmet lê̆ boih dôm tơmam noh.

Êsêkiên 28:9

'Bơ̆t anăp lu bơngai pơlôch ih, ih hăm pơ̆n pơma; “Inh âu yang?” Tơpă ih bơngai đĕch, ưh kơ sĭ yang ôh, lăm ti lu bơngai pơlôch ih.

Ob 1:7

Khŭl đe pôm đon hăm ih pơpuh boih ih dĭng truh tơ anih tôch. Dôm lu bơngai lăp đon hăm ih, na hơlĕnh kơ ih, jei lu sư, gah lu bơngai sa 'bĕng ih; hơ'năk hơđong ala ih, na ih ưh kơ băt hloi.

Hêbrơ 2:3

Mă tơdrong Yêsu Kon 'Bok Kei-Dei kăl hloh kơ noh dơ̆ng. Thoi noh, tơ̆ng bu ưh kơ gơnang kơ Yêsu pơklaih sư, bơngai noh gô đei tơdrong phak tơpă. Tơdrong Kră Yang Yêsu Krist pơklaih bơ̆n, Sư kơdih tơbăt ăn kơ đe sơ̆ na đe tơbăt ăn kơ bơ̆n.

Tơdrông Tơ'bôh 17:13

Đĭ dôm lu sư pôm đon pơjao ăn kơ sem brem mă lôch iung arih noh pơgơ̆r.

Tơdrông Tơ'bôh 17:2

Lu 'bok pơtao jơ̆p kơ teh đak kư̆m ngôi pơyô hăm sư mơ̆n, sư boih pơm pơyô kư̆ kă tơ'bôh kơ đe jơ̆p kơ teh đak adrol, dang sư ăn kơ đe et sik suai.”

Tơdrông Tơ'bôh 17:4

Bơngai drŏ-kăn ei hrŭk ao tai 'brê 'lơ̆ng, 'băk kong kiơng maih, đoh sơle rang gơhlâu, ti sư chĕp pơnhan maih 'bĕnh kơ tơdrong 'mê̆-'mach păng tơdrong sư pơm kư̆ kă.