Je 4:21 - Sơ̆p Hlabơar Nơ̆r 'Bok Kei-Dei

²¹ Inh gô 'bôh hla-kơ lu linh ayăt păng kơtơ̆ng keng re tơbăt, pă băt dĭng truh dang yơ?

Je 4:21 ပူးပေါင်းရင်းမြစ်များ

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

II Ho 36:10

Truh lăm bơyan puih, pơtao Nebukatnessar wơh đe năm rôp chông ba sư tơ dêh char Babilôn, kư̆m iŏk dôm tơmam 'lơ̆ng gĭt đơ̆ng lăm Hnam Kră Yang, na pôk Sêdêkia ma sư pơm pơtao pơgơ̆r dêh char Juđa păng pơlei Jêrusalem.

II Ho 36:17

Kră Yang 'Bok Kei-Dei ăn pơtao bơngai Babilôn, iŏk đao gưm pơlôch lu kon tơdăm lăm anih rơgoh lu sư, ưh pă 'mêm mơnat kơ bu, tơdăm dah adruh 'lơ̆p, kră mă pă kĕ. Kră Yang 'Bok Kei-Dei jao đĭ lu sư lăm ti pơtao Babilôn.a

II Ho 36:3

Pơtao Êyiptơ tơjur lê̆ Jêhôahas đơ̆ng pơm pơtao pơlei Jêrusalem păng phak dêh char Juđa ra pêng tân puăn-hrĕng kĭ jên hu păng pêng-jĭt puăn kĭ maih.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Je 42:14

na khan: “Ưh lu nhôn gô jur năm tơ dêh char Êyiptơ, tơ noh lu nhôn gô ưh kơ 'bôh tơdrong tơblah wang păng ưh kơtơ̆ng đe hlôm keng dơ̆ng; tơ noh lu nhôn ưh kơ pơngot rơwĕt; lu nhôn gô năm oei tơ noh.’

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.