Je 4:20 - Sơ̆p Hlabơar Nơ̆r 'Bok Kei-Dei

²⁰ Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 4:20 ပူးပေါင်းရင်းမြစ်များ

Horiso 42:7

Anih jrŭ krao anih jrŭ, kiơ̆ jơwa đơ̆ng chơkơi đak Ih. Lu đak poh-yă păng đak tih Ih lơ̆p inh boih.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Le 33:5

Yua kơ Kră Yang khan bơih kơ Môis, khan bĕ lu kon pơlei pơla Isơrael, lu iĕm jing kon pơlei pơla arăng kơ̆l, dah Inh năm hơdai iĕm 'nao lăp hrei hrei đĕch, Inh gô pơrăm iĕm! Thoi noh dang ei plôh bĕ tơmam pơhrôp iĕm, wă kơ Inh băt gô pơm kiơ kơ iĕm.

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Êsai 33:20

Lăng bĕ tơ Siôn jơ̆ pơlei tih lu bơ̆n pơm giĕng tih. Măt ih gô 'bôh pơlei Jêrusalem, jơ̆ anih hiôk hơđơ̆ng, jơ̆ anih oei ưh kơ đei layơ pôk tơplih tơ nai dơ̆ng, lu 'long pơ̆ng, ưh kơ đei layơ toh lê̆ ôh, kư̆m ưh kơ đei tơlei minh dăng ayơ kơtĕch mơ̆n!

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Êsai 54:2

Pơih mă să bĕ hnam khăn ih. Pơih lang mă să bĕ anih ih oei; 'nĕ kơ rôp pơjăng; dăng tơlei mă kơjung rơdăng, pơ̆ng 'long hơdrơ̆ng mă kơjăp!

Je 12:11

Đe pơm kơ anih noh jing juơ rơhiăng; đe pơrăm boih sư ôr 'bơ̆t anăp Inh. Jơ̆p kơ dêh char noh jing juơ, ưh kơ đei bu wă lăng.

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Je 4:21

Inh gô 'bôh hla-kơ lu linh ayăt păng kơtơ̆ng keng re tơbăt, pă băt dĭng truh dang yơ?

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 9:18

Athei lu sư mă kuăng jah nhơ̆m hmoi kơ bơ̆n, Wă kơ măt lu bơ̆n kư̆m lĕch đak măt ăn kơ kon-ngai lăm măt lu bơ̆n đei đak măt ro.

Nhom 3:47

Lu nhôn đei hloi tơdrong hli tơrơ, Hơlŭng tơdrong pơlôch păng hư răm.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Lêwi 26:18

Thoi ei ră mă-lei iĕm oei ưh kơ mơ̆ng Inh, yua kơ tơdrong iĕm pơm yoch glăi noh Inh gô phak tơmal iĕm tơpơh wơ̆t.

Lêwi 26:21

Tơdah iĕm blơ̆ Inh păng ưh kơ wă mơ̆ng Inh, Inh gô ăn tơdrong gleh truh kơ iĕm tơpơh wơ̆t hloh kiơ̆ kơ tơdrong yoch iĕm pơm.

Lêwi 26:24

Inh kư̆m gô pơm tơwih kơ lu iĕm, Inh gô teh tôn lu iĕm tơpơh wơ̆t hloh kơ adrol, yua kơ tơdrong yoch lu iĕm.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Habakuk 3:7

Inh 'bôh anih oei char Kusan đei tơdrong pơmat-tat. Anih hnam char Midian tơdrŏ pơpơ̆.

Jo 16:21

Weh bĕ đơ̆ng tơpôl kon pơlei akŭm âu, na Inh gô pơlôch lu sư wă loh ưh kơ tam kơ băt.

Jo 16:45

Kơdâu weh bĕ đơ̆ng lu bơngai tơpôl akŭm âu; na Inh gô pơlôch pơrăm lê̆ lu sư ưh kơ tam băt. Mă-lei bre sư drap tơ teh kơkuh,

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.