Je 39:8 - Sơ̆p Hlabơar Nơ̆r 'Bok Kei-Dei

⁸ Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Je 39:8 ပူးပေါင်းရင်းမြစ်များ

II Pot 25:8

Năr tơpơh, khei pơđăm sơnăm mơjĭt-tơsĭn, chăl Nebukatnessar, pơtao đe Babilôn pơgơ̆r, Nêbusarađan, Yŏng linh pơtao đe Babilôn năm tơ Pơlei Jêrusalem.

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Ne 1:3

Lu bơngai noh roi kơ inh thoi âu: Lu bơngai mă đe rôp pơm bơnă oei đei lăm pơlei, đei tơdrong truh păng mơlâu răm dêh, dur pơlei Jêrusalem pơchah răm păng lu 'măng jang sư ŭnh kư̆m sa đĭ boih.

Horiso 79:7

Yua kơ lu sư luăn sa boih adrĕch Jakôp, păng pơrăm tơhiong boih teh tơring sư oei.

Êsai 5:9

Kră Yang Tih Hloh khan 'bơ̆t đon inh: “Sĭt tơpă gô đei lơ hnam gô lê̆ jing juơ, lu hnam tih kơjung păng 'lơ̆ng mă-lei ưh kơ đei bu oei lăm noh!

Je 17:27

Mă-lei tơdah lu iĕm kuă kơ mơ̆ng Inh, ưh kơ 'măn năr Sa'bat pơm năr giĕng 'lơ̆ng rơgoh păng pŭ tung tơmam kiơ yak rok trong 'măng jang pơlei Jêrusalem, lei Inh gô dan ŭnh 'bơ̆t 'măng jang pơlei tih, ŭnh noh gô sa pơrăm lu hnam tih kơjăp lăm pơlei tih Jêrusalem, ưh kơ đei layơ gơh păt.”

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 34:2

Kră Yang 'Bok Kei-Dei Isơrael khan: “Năm roi bĕ kơ Sêđekia, pơtao đe Juđa, 'nâu Kră Yang khan: Inh wă jê̆ jao pơlei tih âu lăm ti pơtao Babilôn, sư gô iŏk ŭnh soh pơlei.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 37:10

Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

Je 38:18

Mă-lei dah ih ưh kơ lĕch yơ̆r ti kơ lu bơngai pơgơ̆r Babilôn, lei pơlei tih âu lu bơngai Kalđê gô soh păng ih kư̆m ưh kơ gơh klaih đơ̆ng ti lu sư.

Je 5:10

Năm rok pơgar hơmu koh pơrăm bĕ lu sư, mă-lei 'nĕ kơ kăl pơđĭ, chre hŭt lê̆ lu tơmơ̆ng dơng 'nao bluh, yua kơ lu sư ưh kơ gah Kră Yang ôh.

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 2:2

Kră Yang pơrăm boih, ưh pă đei mơnat, đĭ-đăng anih Jakôp oei. Đơ̆ng tơdrong Sư hil teh pơchah kơđông kơjăp kon adruh Juđa; Sư teh tơjruh tơ teh, pơm kơ lu teh đak sư hăm lu kră pơgơ̆r lăm char sư mơlâu.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Êsêkiên 16:41

Lu sư gô iŏk ŭnh soh hnam ih, phak pơmat ih 'bơ̆t anăp lu drŏ-kăn. Inh gô pơm kơ ih pă đei pơm pơyô kư̆ kă dơ̆ng păng ih ưh pă chă apah đe dơ̆ng.

Êsêkiên 23:47

Tơpôl lơ noh gô klơ̆m tơmo tơ lu sư păng iŏk đao 'bet lu sư, pơlôch kon drŏ-nglo kon drŏ-kăn lu sư, iŏk ŭnh soh hnam lu sư.

Êsêkiên 33:21

Lăm năr pơđăm khei mơjĭt, sơnăm mơjĭt-'bar đơ̆ng rŏng kơ lu nhôn jing bơnă đe, đei minh 'nu bơngai klaih đơ̆ng pơlei Jêrusalem năm tơbăt kơ inh: “Pơlei Jêrusalem đe iŏk boih.”

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!