Je 39:17 - Sơ̆p Hlabơar Nơ̆r 'Bok Kei-Dei

¹⁷ Kră Yang khan: “Mă-lei kơplah noh Inh gô pơklaih ih. Đe ưh pă pơjao ih lăm ti lu bơngai mă ih oei hli.

Je 39:17 ပူးပေါင်းရင်းမြစ်များ

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

I Pot 18:15

Êli tơl: “Inh dơ̆ng 'bơ̆t anăp Kră Yang tih hloh oei arih, inh gô tơ'bơ̆p Ahap năr 'nâu.”

I Pot 18:16

Thoi noh Ôbadia năm tơ'bơ̆p păng roi kơ Ahap, na Ahap năm tơ'bơ̆p Êli.

II Pot 6:16

Êlisê khan: “'Nĕ kơ hli đei lu bơngai oei hăm bơ̆n lơ hloh kơ bơngai oei hăm lu sư.”

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 38:1

Sêphatia, kon drŏ-nglo Mattan, Gêđalia, kon drŏ-nglo Pashur, Jêhukal kon drŏ-nglo Sêlemia păng Pashur kon drŏ-nglo Malkija kơtơ̆ng nơ̆r Jêrêmi bơtho kơ đĭ-đăng kon pơlei.

Je 38:9

“Ơ yŏng tơ'ngla pơtao inh. Lu đe noh pơm kơ Jêrêmi bơngai khan lê̆ adrol kơnê̆ dêh, tah lê̆ sư lăm sơlŭng. Sư gô lôch pơngot tơ noh, mưh tơmam sa lăm pơlei âu ưh pă đei boih.”

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Mathiơ 25:40

Na Inh bơngai mă pơm Pơtao iĕm gô khan kơ iĕm thoi âu: ‘Inh khan kơ iĕm tơpă, yua kơ iĕm băt tơgŭm mơnat kơ lu 'nhŏng oh Inh âu mă iĕ hloh kơ lu iĕm đe sơ̆, tơdrong iĕm pơm noh dang iĕm tơgŭm Inh mơ̆n.’