Je 39:14 - Sơ̆p Hlabơar Nơ̆r 'Bok Kei-Dei

¹⁴ Athei chă Jêrêmi ba sư lĕch đơ̆ng anih cham lu linh gak, jao Jêrêmi ăn kơ Gêđalia, kon drŏ-nglo Ahikam, sâu Saphan, wă kơ ba Jêrêmi năm tơ hnam sư. Sư oei hơdai hăm lu kon pơlei sư.

Je 39:14 ပူးပေါင်းရင်းမြစ်များ

II Pot 22:12

Đơ̆ng noh pơtao athei 'bok soi Hilkia păng Ahikam kon drŏ-nglo Saphan Akbôr kon drŏ-nglo Mikaia, Saphan bơngai chih hla bơar hăm Asaia đĭch đam sư, pơtao khan:

II Pot 22:14

Thoi noh, lu đe 'bok soi Hilkia, Ahikam, Akbôr, Saphan păng Asaia, lu sư năm tơ bơngai khan lê̆ adrol drŏ-kăn, anăn sư Hulda, akăn Sallum, bơngai wei ao kơ̆m giĕng, kon drŏ-nglo Tikwa, sâu Harhas; sư oei tơ lăm pơlei Jêrusalem, lăm tơring mă 'Bar, lu sư pơma dơnuh hăm duch ei,

II Ho 34:20

Pơtao athei Hilkia, Ahikam kon drŏ-nglo Saphan, Apđôn kon drŏ-nglo Mika. Saphan bơngai chih hla bơar păng Asaia bơngai kơiĕng pơtao khan:

Horiso 105:19

Dĭng truh 'blep kơ năr đêl sư khan, Nơ̆r Kră Yang pơsĭt nơ̆r sư khan trŏ.

Je 26:22

Pơtao Jêhôiakim wơh Êlnathan kon drŏ-nglo Akbôr hăm lu bơngai nai năm hơdai sư tơ dêh char Êyiptơ.

Je 26:24

Mă-lei Ahikam kon drŏ-nglo Saphan pơma dŏng Jêrêmi, na đe ưh kơ ăn kon pơlei pơlôch ôh.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Je 38:13

Na lu sư dui hơtŏk Jêrêmi đơ̆ng lăm sơlŭng; na Jêrêmi oei chĭt lăm cham anih lu linh gak.

Je 38:28

Jêrêmi đe chĭt lăm cham anih lu linh gak dĭng truh tơ năr đe blah iŏk pơlei Jêrusalem.

Je 39:13

Na Nebusaradan, yŏng lu linh gak, pơtao hăm Nebusasban pơgơ̆r tơm linh tơblah, Negai Sareser yŏng tih păng đĭ-đăng lu yŏng pơgơ̆r hăm pơtao Babilôn.

Je 39:15

Kră Yang khan kơ Jêrêmi kơplah đe oei phak sư lăm anih cham lu linh gak:

Je 40:1

Nơ̆r Kră Yang khan kơ Jêrêmi, đơ̆ng rŏng kơ Nebusaradan yŏng lu linh gak pơtao tơlĕch sư tơ pơlei Rama; kơplah noh, Jêrêmi đe oei chô̆ sư păng glang hơdai hăm lu kon pơlei đơ̆ng Jêrusalem păng char Juđa, rok trong đe chông ba năm tơ char Babilôn.

Je 40:5

Jêrêmi oei tam mă drơ̆ng Nebusaradan khan dơ̆ng: “Dah ih wă brŏk oei hơdai hăm Gêđalia kon drŏ-nglo Ahikam sâu Saphan bơngai mă pơtao Babilôn pôk sư pơm yŏng lu pơlei lăm dêh char Juđa, oei hơdai bĕ hăm lu kon pơlei, dah wă năm oei tơ yơ, ih kư̆ năm tơ noh.” Đơ̆ng noh 'bok yŏng linh ăn kơ sư tơmam lăng jơ̆ng ti tơmam sa na lê̆ sư yak năm.

Je 40:6

Na Jêrêmi sư năm oei hơdai Gêđalia, kon drŏ-nglo Ahikam, tơ pơlei Mispa, oei hơdai hăm lu kon pơlei mă đe oei lê̆ lăm teh đak noh.

Je 40:7

Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.

Je 41:1

Lăm khei tơpơh Ismael kon drŏ-nglo Nethania sâu Êlisama adrĕch pơtao, sư minh lăm lu yŏng pơgơ̆r linh pơtao, chông ba mơjĭt 'nu drŏ-nglo năm tơ Gêđalia kon drŏ-nglo Ahikam tơ pơlei Mispa. Kơplah lu sư oei sŏng sa hơdai tơ noh.