Je 38:6 - Sơ̆p Hlabơar Nơ̆r 'Bok Kei-Dei

⁶ Lei lu sư rôp Jêrêmi tah lê̆ lăm sơlŭng đak Malkija kon drŏ-nglo pơtao, sơlŭng 'nâu lăm anih cham linh gak, lu sư tơjur Jêrêmi hăm tơlei giĕn, sơlŭng âu ưh pă đei đak boih, oei đei hlŭt đĕch, na Jêrêmi đom jrŭ lăm hlŭt noh.

Je 38:6 ပူးပေါင်းရင်းမြစ်များ

Bl 37:24

Đơ̆ng noh rôp chông ba klơ̆m lăm sơlŭng đak. Hơlŭng đak ei đĭ hrơ̆ boih.

Horiso 109:5

Lu sư pơm tơdrong kơnê̆ tơplih kơ tơdrong 'lơ̆ng inh. Lu sư hil areh tơplih kơ inh 'mêm.

Horiso 40:2

Sư dui hơtŏk inh đơ̆ng sơlŭng hli krưp. Pơklaih đơ̆ng hlŭt jrŭ, Sư dan jơ̆ng inh kơpal tơmo, Păng pơm ăn kơ rim yak inh kơjăp hơđơ̆ng.

Horiso 69:2

Inh puh lăm hlŭt jrŭ, anih chro jơ̆ng ưh pă tôch. Inh glơ̆k lăm đak jrŭ, đak lơ̆p lê̆ inh.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Je 37:16

Jêrêmi đe chĭt phak, lăm sơlŭng măng mu, sư oei tơ noh đunh năr.

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Je 38:13

Na lu sư dui hơtŏk Jêrêmi đơ̆ng lăm sơlŭng; na Jêrêmi oei chĭt lăm cham anih lu linh gak.

Je 38:22

Đĭ-đăng lu bơngai drŏ-kăn oei oei lăm hnam pơtao Juđa đe gô ba lu sư ăn kơ bơngai pơgơ̆r linh pơtao Babilôn; lu bơngai drŏ-kăn noh gô khan yak rah pơma rah: ‘Dôm lu buăl juăt pơtao pơhlŭ pơtao jei boih; jơ̆ng ih đom lăm hlŭt boih, lu buăl ih kơdŭn achăng lê̆ ih.’

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Sa 9:11

“Gah ih kư̆m lei-lăi, yua kơ đơ̆ng pham tơdrong Inh pơgơ̆p hăm ih, na Inh gô pơklaih lu bơnă đơ̆ng sơlŭng mă ưh kơ đei đak.

Jang 16:24

Kơtơ̆ng thoi noh na kră wei-lăng hnam phak ei tah bre sư tơ lăm tŏk-bŏk hnam phak păng dơlŏng jơ̆ng bre sư mơ̆n.

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.