Je 38:5 - Sơ̆p Hlabơar Nơ̆r 'Bok Kei-Dei

⁵ Pơtao Sêđekia khan: “Âu, inh jao sư kơ iĕm; inh pơtao ưh kơ gơh găn lu iĕm ôh.”

Je 38:5 ပူးပေါင်းရင်းမြစ်များ

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Je 26:14

Bĕ gah inh, inh âu, lăm tơpang ti lu iĕm, pơm bĕ kơ inh kiơ̆ thoi lu iĕm khan trŏ khan lăp.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 6:17

Đe iŏk hloi minh pôm tơmo tih wă đơ̆p 'măng sơlŭng păng pơtao chơ̆m tơdra sư păng tơdra lu yŏng pơgơ̆r tơring hai, wă kơ ưh kơ đei tơdrong kiơ mă gơh tơplih tơdrong truh kơ Đaniel.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 29:9

Akis tơl nơ̆r Đawit: Inh băt dôm tơdrong noh. Inh lăp đon kơ ih nhen thoi minh 'nu linh jang 'lơ̆ng đơ̆ng Kră Yang 'Bok Kei-Dei; mă-lei lu yŏng pơgơ̆r bơngai Philistin pơkă khan: Sư ưh kơ gơh năm kiơ tơblah hăm lu nhôn.