Je 38:20 - Sơ̆p Hlabơar Nơ̆r 'Bok Kei-Dei

²⁰ Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Je 38:20 ပူးပေါင်းရင်းမြစ်များ

Bl 12:13

Na inh apinh khan ih jơ̆ oh drŏ-kăn inh, wă kơ đơ̆ng ih na đe gô sơng iŏk inh hiôk-hian păng huay kơ pơlôch.”

Bl 19:20

To pơlei iĕ noh mă jĭ tăm, lăp kơ inh gơh ôn kơ'nơp tơ noh, ô hơpơi kơ ih rŏ ăn kơ inh ôn tơ pơlei noh wă pơklaih tơdrong arih inh. Pơlei âu hăm trŏ kơ iĕ ưh?”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Tơdrông Pơđơk 7:2

Pơm kiơ̆ nơ̆r Inh tơtă, lei na ih gô arih. Păng wei nơ̆r Inh bơtho khan thoi ih wei-lăng kon-ngai lăm măt ih.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Je 11:4

Inh đei tơtă boih hăm lu 'bok yă iĕm kơplah Inh chông tơlĕch lu sư đơ̆ng char Êyiptơ, lĕch đơ̆ng tơnuh kơdơ̆r đe rơ̆ mam.’ Inh khan: ‘Mơ̆ng bĕ nơ̆r Inh tơtă kơ lu iĕm păng pơm kiơ̆ bĕ dôm nơ̆r Inh đei bơtho tơtă, lei na lu iĕm jing kon pơlei pơla Inh, na Inh jing Kră Yang 'Bok Kei-Dei lu iĕm.

Je 11:8

Mă-lei lu sư ưh kơ chu ôh, kư̆m ưh kơ wă mơ̆ng, lu sư yak kiơ̆ kơ jơhngơ̆m kơnê̆ arăng lu sư kơdih. Yua kơ thoi noh na Inh đei phak lu sư kiơ̆ kơ nơ̆r pơgơ̆p âu, nơ̆r pơgơ̆p mă Inh đei tơtă boih kơ lu sư wă kơ pơm kiơ̆ mă-lei lu sư ưh kơ pơm kiơ̆ ôh.’ ”

Je 26:13

Na dang ei iĕm athei tơplih tơdrong arih iĕm păng tơdrong jang iĕm, mơ̆ng kiơ̆ bĕ nơ̆r Kră Yang 'Bok Kei-Dei lu iĕm, na Kră Yang gô tơplih đon tơdrong wă pơm kơ lu iĕm. Sư đei khan lê̆ adrol kơ lu iĕm băt.

Je 38:21

Mă-lei tơdah ih sơngah kuă kơ mơ̆t kiơ̆ ôh lu bơngai Kalđê, lei 'nâu boih tơdrong Kră Yang tơ'bôh kơ inh.

Je 7:23

Mă-lei 'nâu tơdrong Inh tơtă kơ lu sư. ‘Chu bĕ kơ nơ̆r Inh, Inh gô jing Kră Yang 'Bok Kei-Dei lu iĕm, iĕm jing kon pơlei pơla Inh. Arih yak kiơ̆ bĕ lăm rim trong Inh đei tơtă, wă kơ lu iĕm đei tơdrong pŭn hiôk.’

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Am 5:4

Kră Yang khan kơ adrĕch Isơrael: Chă bĕ inh na lu iĕm gô arih.

Am 5:6

Chơchă bĕ Kră Yang, na lu iĕm gô arih; tơdah ưh Kră Yang gô phak adrĕch Jôsep păng pơlei Bethel, thoi ŭnh sa ưh kơ đei bu kĕ pĭt.

Jang 26:29

Pôl khan: “Tơdah ih lui kơ Yêsu Krist hloi dang ei, dah ning-mônh dơ̆ng, kư̆m bưh. Mă-lei inh krao khan kơ 'Bok Kei-Dei apinh Sư tơgŭm ih, ơ 'bok pơtao păng đĭ-đăng iĕm mă mơ̆ng inh bơtho năr âu, wă kơ iĕm jing bơngai lui kơ Yêsu kư̆m lei-lăi thoi inh mơ̆n. Mă-lei inh ưh kơ wă đe chô̆ iĕm hăm tơlei glang mam thoi lĕ kơ đe chô̆ inh âu ôh.”

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

II Kor 5:20

Dang ei nhôn jang tang Yêsu Krist năm chă bơtho đe. 'Bok Kei-Dei yua nhôn wă pơlung kon bơngai wih tơ Sư. Nhôn jang tang Yêsu Krist khan kơ đe thoi âu: “Bĕ wih tơ 'Bok Kei-Dei.”

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Ya 1:22

Păng bơ̆n 'nĕ kơ mơ̆ng lăm đon đĕch, khan 'Bok Kei-Dei kư̆m iŏk. Ưh ôh, bơ̆n mơ̆ng păng pơm kiơ̆ hloi dôm tơdrong đe bơtho, noh na 'Bok Kei-Dei iŏk.