Je 38:18 - Sơ̆p Hlabơar Nơ̆r 'Bok Kei-Dei

¹⁸ Mă-lei dah ih ưh kơ lĕch yơ̆r ti kơ lu bơngai pơgơ̆r Babilôn, lei pơlei tih âu lu bơngai Kalđê gô soh păng ih kư̆m ưh kơ gơh klaih đơ̆ng ti lu sư.

Je 38:18 ပူးပေါင်းရင်းမြစ်များ

II Pot 24:12

Na Jêhôiachin, pơtao đe Juđa, lu sư đe mĕ sư, đĭch đam sư, lu yŏng linh lu 'bok tih linh, năm kŭp kơ̆l yơ̆r ti kơ pơtao đe Babilôn. Lăm sơnăm mă tơhngam chăl pơtao đe Babilôn pơgơ̆r na rôp lu sư pơm bơnă.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 37:8

Lu linh Kalđê gô hơlơ̆k tơ âu, wang blah pơlei âu, lu sư blah iŏk pơlei âu păng soh pơlei âu.

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 38:3

Păng 'nâu Kră Yang khan: “Pơlei tih âu gô pơjao tơ lăm ti lu linh pơtao Babilôn lu sư gô blah iŏk.”

Je 39:3

Kơplah pơlei Jêrusalem đe blah iŏk đĭ-đăng lu yŏng pơgơ̆r kiơ̆ gah pơtao Babilôn mơ̆t hơ-oei 'bơ̆t 'măng jang Tŏk-Bŏk, đei Nergal Sareser, đơ̆ng Samgar, Nêbô Sarsêkim yŏng pơgơ̆r linh, Nergal Sareser yŏng pơgơ̆r tih păng đĭ-đăng lu yŏng nai gah pơtao Babilôn.

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.

Êsêkiên 12:13

Inh gô dăng hơnhuăl kơ sư, sư gô 'leh hơđong Inh, păng Inh gô chông ba sư tơ Babilôn, teh đak Kalđê. Mă-lei sư ưh kơ 'bôh teh đak noh ôh, sư gô lôch tơ noh.

Êsêkiên 17:15

Mă-lei pơtao dêh âu blah plơ̆ pơtao, wơh athei bơngai năm tơ char Êyiptơ wă apinh aseh, linh tơblah tơgŭm. Lu bơngai pơm thoi noh hăm kĕ jei ưh? Hăm gơh klaih hlôi ưh? Pơm thoi noh, lu bơngai mă pơrăm nơ̆r pơgơ̆p hăm gơh klaih ưh?