Je 37:7 - Sơ̆p Hlabơar Nơ̆r 'Bok Kei-Dei

⁷ “'Nâu Kră Yang 'Bok Kei-Dei bơngai Isơrael, khan: Iĕm khan kơ pơtao Juđa, tơ'ngla mă wơh iĕm năm apinh Inh, khan: ‘Lu linh Pharaôn năm wă dŏng iĕm wih brŏk tơ char sư Êyiptơ boih.’

Je 37:7 ပူးပေါင်းရင်းမြစ်များ

II Pot 22:18

Na gah pơtao đe Juđa mă wơh iĕm krao apinh Kră Yang noh, iĕm athei roi kơ sư: Gah lu nơ̆r mă ih hlôi kơtơ̆ng noh Kră Yang 'Bok Kei-Dei lu bơngai Isơrael khan thoi âu:

II Pot 24:7

Pơtao đe Êyiptơ ưh kơ pơ̆n lĕch jăk đơ̆ng dêh char sư kơdih, yua kơ pơtao đe Babilôn tơgar iŏk bơih dêh char sư pơgơ̆r noh, đơ̆ng đak glung Êyiptơ truh tơ đak krong Ơphrat.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 30:7

Tơdrong lu bơngai Êyiptơ tơgŭm jơ̆ tơdrong ưh kơ yua, na Inh anăn sư Rahap, wă khan bơngai oei minh 'bôt ưh kơ pơm kiơ.

Êsai 36:6

'Nâu ih gơnang kơ dêh char Êyiptơ, noh thoi 'long jra gơlăr đĭ tơgơ̆ bơih bu mă gơnang kơ sư, sư gô trŏ 'bet ti bơngai noh hlôh. Pharaôn, pơtao Êyiptơ đe bu mă gơnang kơ sư kư̆m gô thoi noh mơ̆n.

Je 2:18

Dang ei liơ iĕm jur tơ dêh Êyiptơ nhă đak Krong Nil. Iĕm năm tơ dêh Asiri nhă đak Krong Ơphrat, đei yua kiơ?

Je 2:36

Liơ lu iĕm tơplih trong lu iĕm 'bônh dêh? Lu bơngai Êyiptơ pơm kơ iĕm mơlâu kư̆m thoi lu bơngai Asiri pơm kơ iĕm sơ̆.

Je 2:37

Lu iĕm gô mơlâu kuăr ti tơ kơ̆l, lĕch đơ̆ng char noh, Yua kơ Kră Yang achăng boih lu bơngai mă iĕm gơnang, Lu sư ưh pă đei tơgŭm kiơ boih kơ lu iĕm.”

Je 21:1

Đei nơ̆r đơ̆ng Kră Yang khan kơ Jêrêmi, kơplah pơtao Sêđekia wơh Phashur, kon drŏ-nglo Malkija păng 'bok soi Sephania kon drŏ-nglo Maaseia năm tơ Jêrêmi khan:

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

Je 37:5

Lu linh Pharaôn lĕch đơ̆ng Êyiptơ. Lu bơngai Kalđê oei wang pơlei Jêrusalem kơtơ̆ng tơdrong ei, na lu sư kơdâu weh đơ̆ng pơlei Jêrusalem.

Je 37:6

Đei nơ̆r Kră Yang khan kơ Jêrêmi bơngai khan lê̆ adrol:

Nhom 1:7

Lăm năr pơmat-tat, Jêrusalem 'blŏk kơ đêl sư chơt hiôk; Kơplah kon pơlei sư huŏng lăm ti lu ayăt ưh pă đei bu năm dŏng sư dơ̆ng. Khŭl linh ayăt 'bôh sư thoi noh, na hiĕk ăr kơ sư yua kơ đĭ juơ juŏ!

Nhom 4:17

Măt lu bơ̆n gô rơgah đĕch gô tơdrong pơklaih ưh kơ đei yua kiơ. Lu bơ̆n chang gô lu kon pơlei mă ưh kơ đei dŏng pơklaih bơ̆n.

Êsêkiên 17:17

Pơtao Pharaôn hăm lu linh nuih kơtang păng lu linh lơlang ưh kơ năm tơgŭm sư kơplah đei tơdrong tơblah, kơplah lu đe bơ̆ bơnơ̆, pơm dur tăp dăr wă wang blah pơlôch lơ bơngai.

Êsêkiên 29:16

Char Êyiptơ ưh pă anih mă lu adrĕch Isơrael gơnang hơmĕng dơ̆ng mă-lei oei tơ'blŏk kơ lu sư tơdrong yoch kơnê̆ đêl lu sư pơm; păng lu sư gô băt Inh boih Kră Yang.

Êsêkiên 30:22

Na Kră Yang khan thoi âu: Âu, Inh blah Pharaôn pơtao Êyiptơ gô gơ̆ lê̆ 'bar pah ti sư, đao đơ̆ng ti sư gô huŏng tơ teh.