Je 37:13 - Sơ̆p Hlabơar Nơ̆r 'Bok Kei-Dei

¹³ Mă-lei lăp sư truh tơ 'Măng Jang Bênjamin đei minh 'nu yŏng lu linh bơngai gak anăn sư Irijah, kon drŏ-nglo Sêlemia, sâu Hanania, oei gak tơ noh; rôp Jêrêmi bơngai khan lê̆ adrol khan: “Ih kơdâu lê̆ bơngai Juđa mơ̆t kiơ̆ lu bơngai Kalđê.”

Je 37:13 ပူးပေါင်းရင်းမြစ်များ

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Je 21:9

Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Je 27:6

Dang ei, Inh jao đĭ-đăng teh đak iĕm lăm ti Nebukatnessar, pơtao Babilôn, đĭch đam Inh; Inh kư̆m ăn đĭ lu sem bri chu kơ sư.

Je 28:14

'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Je 36:12

sư jur năm tơ hnam pơtao, mơ̆t tơ lăm anih 'bok chih hla bơar; tơ'bơ̆p lu yŏng pơgơ̆r oei ngôi lăm noh, lu sư đei Êlisama; 'bok chih hla bơar, Đêlaia kon drŏ-nglo Sêmaia, Êlnathan kon drŏ-nglo Akbôr, Gêmaria kon Saphan, Sêđekia, kon Hanania păng lu yŏng pơgơ̆r nai.

Je 38:1

Sêphatia, kon drŏ-nglo Mattan, Gêđalia, kon drŏ-nglo Pashur, Jêhukal kon drŏ-nglo Sêlemia păng Pashur kon drŏ-nglo Malkija kơtơ̆ng nơ̆r Jêrêmi bơtho kơ đĭ-đăng kon pơlei.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Je 38:7

Êbet Mêlek bơngai Êthiôpi, sư khŭl linh bơngai jang oei wei lăm hnam pơtao kơtơ̆ng khan đe tah lê̆ Jêrêmi lăm sơlŭng đak, kơplah noh pơtao oei ngôi 'bơ̆t 'Măng Jang Bênjamin.

Nhom 4:18

Lu sư lăng pơglăn tơ jơ̆ng lu bơ̆n. Dĭng mă lu bơ̆n pă gơh năm rok trong pơlei. Tơdrong jang lu bơ̆n wă jê̆ tôch boih! Năr lu bơ̆n trŏ boih! Tơpă, tơdrong năr tôch lu bơ̆n truh boih!

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Jang 24:13

Lu sư jâu inh, mă-lei lu sư ưh kơ đei 'bôh inh pơm kơnê̆ tơdrong kiơ ôh.

Jang 6:11

Na lu sư năm khan kơ bôl sư na athei bôl sư chă roi kơ đe thoi âu: “Nhôn kơtơ̆ng Êtien pơma kơnê̆ kơ Môis păng 'Bok Kei-Dei.”

II Kor 6:8

Mă đe pơư bơnê, mă đe pơchê pơjăm, mă đe bâu roi, nhôn kư̆ kơ pơm 'lơ̆ng kơ đe; đe khan nhôn bơngai hơlĕnh pơdăr, nhôn kư̆ kơ pơm tơpăt.