Je 37:10 - Sơ̆p Hlabơar Nơ̆r 'Bok Kei-Dei

¹⁰ Mă khan lu iĕm tơblah hăm lu linh Kalđê, jei lu iĕm ră mă lăm lu sư oei pă dôm 'nu lu bơngai rơka đĕch, lu sư gô lĕch dơ̆ng lăm bơsŭn iŏk ŭnh soh pơlei 'nâu.”

Je 37:10 ပူးပေါင်းရင်းမြစ်များ

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 13:15

Bơngai bu đe tơ'bơ̆p đe gô rôp 'bet sư, Bơngai bu đe đei rôp gô pơlôch hăm đao.

Êsai 14:19

Mă-lei đe klơ̆m lê̆ ih tơ 'nguaih kơ bơsat ih, thoi dơng 'long bŭk đơ̆ng đe chre tŭk lê̆ đơ̆ng tơm, akâu ih klơ̆p 'bĕnh kơ bơngai lôch, đe 'bet hăm đao gưm đe tơlơ̆ lăm sơlŭng tơmo jrŭ, thoi akâu bơngai lôch đe juă gơhlơ̆r tơ ala jơ̆ng!

Êsai 30:17

Minh-rơbâu 'nu bơngai kơdâu ôn Minh 'nu bơngai ayăt tơhli, pơđăm 'nu bơngai ayăt tơhli đĭ dang lu iĕm kơdâu ôn, Dĭng truh oei pă minh 'bar 'nu nhen thoi minh pôm jrăng kơ kơpal kơ̆l kông, nhen thoi hla-kơ hơtol kơpal groi.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 37:11

Đơ̆ng rŏng kơ lu linh bơngai Kalđê lĕch weh đơ̆ng pơlei Jêrusalem, yua kơ hli kơ lu linh Pharaôn.

Je 37:8

Lu linh Kalđê gô hơlơ̆k tơ âu, wang blah pơlei âu, lu sư blah iŏk pơlei âu păng soh pơlei âu.

Je 49:20

Thoi noh mơ̆ng bĕ Kră Yang wă pơm kơ char Eđôm, păng tơdrong sư pơkă wă pơm kơ kon pơlei Têman: Mă lu kon triu oei iĕ đe gô rôp ba pơđĭ, Tơpă sư gô pơrăm lê̆ tơmăn 'nhĕt lu sư.

Je 50:45

Thoi noh, mơ̆ng bĕ tơdă Kră Yang đei hơmet boih wă pơrăm dêh char Babilôn, păng tơdrong sư pơkă wă pơm kơ dêh char bơngai Kalđê. Mă lu kon triu iĕ đe kư̆m rôp ba đĭ đe gô pơrăm đĭ tơmăn 'nhĕt jing bri.

Je 51:4

Lu sư gô pơ̆k lôch lăm char bơngai Kalđê, bơngai rơka pơ̆k lôch tơ rok trong pơlei.

Nhom 1:15

Lu linh pran kơtang inh, Kră Yang pơrăm lê̆ đĭ boih. Sư akŭm pơpôi lu linh wă pơm kơnê̆ kơ inh, wă pơjuă pơhĕch lê̆ lu kon tơdăm inh, Kră Yang pơjuă gơhlơ̆r lê̆ lu kon adruh Juđa thoi gơ'bang đe hmĕt plei hơmu.

Jôel 2:11

Kră Yang pơma re thoi grơ̆m glaih 'bơ̆t anăp lu linh Sư; lu linh Sư lơ dêh, ưh kơ gơh jô̆. Lu linh pơm kiơ̆ pơsĭt nơ̆r Sư, tơtă jing pran kơtang. Tơpă năr Kră Yang wă phak tih dêh păng hli krưp, bu kĕ dơ̆ng lăm năr noh?