Je 36:5 - Sơ̆p Hlabơar Nơ̆r 'Bok Kei-Dei

⁵ Jêrêmi khan kơ Baruk: “Đe khă inh, ưh kơ gơh năm tơ hnam Kră Yang.

Je 36:5 ပူးပေါင်းရင်းမြစ်များ

Ne 6:10

Đơ̆ng noh, inh mơ̆t lăm hnam Sêmaia kon drŏ-nglo Đêlaia, sâu Mêhatabêl bơngai đe chĭt sư boih khan: Lu bơ̆n athei tơ'bơ̆p băl lăm hnam Kră Yang 'Bok Kei-Dei, lăm tŏk-bŏk hnam akŭm, đơ̆ng noh lu bơ̆n gô tang lê̆ 'măng hnam akŭm, yua kơ lu sư wă năm pơlôch ih; lu sư chă đon truh wă pơlôch ih kơmăng.

Horiso 88:8

Ih pơm kơ lu buăl inh weh achăng lê̆ inh. Ih pơm kơ inh jing minh 'nu bơngai lu sư areh. Đe chĭt lê̆ inh, pă gơh lĕch dơ̆ng

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Je 32:12

Inh jao ăn hla bơar răt noh kơ Baruk, kon drŏ-nglo Nêria, sâu Mahseia, 'bơ̆t anăp Hanamel, kon drŏ-nglo ma inh păng 'bơ̆t anăp lu bơngai kơdranh đei kĭ anăn lăm noh, kư̆m 'bơ̆t anăp lu bơngai Juđa oei ngôi 'bơ̆t cham anih lu linh gak.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 33:1

Kơplah Jêrêmi đe phak tơ lăm cham lu linh gak, đei nơ̆r Kră Yang khan kơ sư wơ̆t mă 'bar.

Je 37:15

Lu Kră pơgơ̆r hil kơ Jêrêmi teh tôn păng chĭt phak tơ lăm hnam Jônathan bơngai chih hla bơar; yua kơ đe iŏk hnam noh pơm hnam phak.

Je 38:28

Jêrêmi đe chĭt lăm cham anih lu linh gak dĭng truh tơ năr đe blah iŏk pơlei Jêrusalem.

Je 38:6

Lei lu sư rôp Jêrêmi tah lê̆ lăm sơlŭng đak Malkija kon drŏ-nglo pơtao, sơlŭng 'nâu lăm anih cham linh gak, lu sư tơjur Jêrêmi hăm tơlei giĕn, sơlŭng âu ưh pă đei đak boih, oei đei hlŭt đĕch, na Jêrêmi đom jrŭ lăm hlŭt noh.

Je 40:4

Dang ei inh plôh lê̆ glang đơ̆ng ti ih, tơdah ih wă năm hơdai nhôn tơ char Babilôn, năm bĕ inh gô wei-lăng ih. Tơdah ih ưh kơ wă năm tơ char Babilôn ưh kơ đei tơdrong kiơ lei lê̆. Ih lăng tơ dêh char âu oei 'bơ̆t anăp ih. Ih rơngei boih wă năm tơ yơ mơ̆ng kơ Ih wă.”

II Kor 11:23

Lu sư đĭch đam Yêsu Krist hă? Inh wă pơma pơang thoi bơngai kơhlôh dơ̆ng: Inh jang 'lơ̆ng hloh kơ lu sư, inh jang hrat hloh kơ lu sư, đe tah inh tơ hnam phak lơ 'măng hloh kơ lu sư, đe tach pơjĭ inh lơ 'măng hloh kơ lu sư, lơ 'măng inh jĭ truh kơ wă lôch.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 6:20

Sư wơh inh năm bơtho kơ đĭ-đăng bơngai. Yua kơ thoi noh na đe areh kơ inh oei chô̆ inh dang ei. Mă-lei inh wă kơ iĕm krao khan tơgŭm inh, wă kơ inh nuih oei bơtho khŏm khŏm kiơ̆ thoi Sư lăp đon.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Hêbrơ 11:36

Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.