Je 36:29 - Sơ̆p Hlabơar Nơ̆r 'Bok Kei-Dei

²⁹ Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Je 36:29 ပူးပေါင်းရင်းမြစ်များ

Jop 15:24

Sư hli tơrơ tơdrong pơmat-tat ơh sơ'ngon wă truh, Tŭn drŭt sư thoi pơtao pran kơtang wă tơblah.

Jop 15:25

Noh yua kơ sư yơ̆r ti blah plơ̆ Kră Yang 'Bok Kei-Dei, Pơm thoi nuih pran wă tơblah Kră Yang mă Mơsêh Mơyang tih.

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Êsai 29:21

Lu bơngai chă yua 'bơ̆r pơma sơlam hơlĕnh pơm kơ đe yoch, chă pơma sơlam hơlĕnh kơ lu kră sek tơlang. Chă roi pơma sơlam hơlĕnh kơ lu bơngai 'lơ̆ng tơpăt mă ưh kơ đei yoch gô lôch đĭ.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 25:13

Inh gô pơm kơ char noh thoi nơ̆r Inh đei pơma, nơ̆r mă đei chih răk boih lăm sơ̆p hla bơar âu, noh đơ̆ng nơ̆r Jêrêmi khan lê̆ adrol pơm kơ đĭ-đăng adrĕch.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Je 33:12

Kră Yang Tih Hloh khan: “Lăm anih juơ 'nâu, ưh kơ đei kon bơngai oei păng kư̆m ưh kơ đei sem bri păng tơ rim pơlei, gô đei tơmăn 'nhĕt ăn kơ lu bơngai wei triu ăn kơ triu sư 'bĭch pơdơh.

Je 36:23

Kơplah Jêhuđi oei đŏk 'nao pêng puăn trong lăm sơnôm hla bơar noh 'bok pơtao iŏk săng iĕ rek kơtĕch klơ̆m lăm ŭnh mă đe tơkuh noh dĭng mă ŭnh sa pơđĭ hloi sơnôm hla bơar noh.

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 5:39

Mă-lei dah tơdrong sư 'noh lĕch đơ̆ng 'Bok Kei-Dei, iĕm ưh kơ layơ gơh pơrăm lu sư. Iĕm pơm kơnê̆ kơ lu sư, noh dang iĕm wă blah 'Bok Kei-Dei.”

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 29:19

Bơngai bu kơtơ̆ng dôm nơ̆r pơkă pơkăm lăm tơdrong pơgơ̆p 'nâu, 'nĕ sơkat pŭn hiôk kơdih 'nâu, 'nĕ kơ đei lăm jơhngơ̆m tơchĕng khan: Inh gô oei arih sa kiơ̆ tơdrong inh kơdih kư̆m bưh, huay kơ đei kiơ. Pơm thoi noh pơrăm iĕm kư̆m thoi teh hơiuh hăm teh hrĕng kro.