Je 36:26 - Sơ̆p Hlabơar Nơ̆r 'Bok Kei-Dei

²⁶ Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Je 36:26 ပူးပေါင်းရင်းမြစ်များ

I Pot 17:3

“Ih athei weh đơ̆ng âu năm tơ gah hơlĕch, ôn akâu ih tơ Thong đak Kêrit, gah hơlĕch kơ đak krong Jôrđăn.

I Pot 17:9

“Ih athei iung weh đơ̆ng anih 'nâu năm bĕ tơ Pơlei Sarepha lăm dêh char Siđôn ih oei hloi tơ noh. Na Inh đei pơkă bơih kơ minh 'nu drŏ-kăn adro 'me rong ih tơ noh”.

I Pot 18:4

Kơplah Jêsebel pơlôch lu bơngai khan lê̆ adrol mă Kră Yang yua, Ôbadia ba minh-hrĕng 'nu lu bơngai khan lê̆ adrol ôn lu sư tơ 'bar anih lăm hơgơp tơmo lăm minh anih pơđăm-jĭt 'nu, ăn kơ lu sư tơmam sa păng đak nhă.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

I Pot 19:14

Êli tơl: “Jơhngơ̆m inh oei adrin dêh yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi Ih pơlôch lu bơngai khan lê̆ adrol hăm đao gưm pă minh 'nu inh oei arih, dang ei lu sư kư̆m oei chă wă pơlôch inh.

I Pot 22:26

Pơtao đe Isơrael athei. “Rôp Mikai pơjao sư tơ Ammôn, kră pơgơ̆r pơlei păng jao kơ Jôas kon pơtao,

II Pot 11:2

Mă-lei Jêhôseba kon drŏ-kăn pơtao Jêhôram, sư noh mŏ Ahasia, rôp tơtông Jôas, kon drŏ-nglo Ahasia đơ̆ng lăm lu kon tơdăm pơtao mă yă Athalia wă pơlôch, đơ̆ng noh ôn lê̆ sư lăm anih tep, oei hăm yă mă rong sư păng ôn lê̆ sư wă kơ Athalia chă ưh kơ 'bôh; yua kơ thoi noh na đe huay kơ đei pơlôch sư.

II Ho 18:26

na khan: “Pơtao khan thoi âu: ‘Athei phak bơngai âu păng ăn kơ sư lăp 'bĕng sa đak nhă đĕch dĭng truh tơ inh wih brŏk hiôk-hian.’ ”

Horiso 105:15

Sư khan: “'Nĕ kơ hơtŭt 'bơm kơ lu bơngai mă inh đei tuh đak 'bâu phu, 'nĕ pơrăm lu bơngai khan lê̆ adrol Inh.”

Horiso 121:8

Kră Yang gô wei-lăng kơplah ih lĕch dah ih mơ̆t. Đơ̆ng dang ei dĭng truh tơ ning-mônh ling-lang.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 32:7

Ih bơih anih inh kơ'nơp, Ih tơgŭm inh lăm năr đei tơdrong truh, Ih wang tăp kơ inh hăm tơdrong hơrid dŏng pơklaih. Sêla

Horiso 57:1

Ơ Kră Yang 'Bok Kei-Dei! Apinh mơnat kơ inh, apinh mơnat kơ inh; Yua kơ bơhngol inh kơ'nơp tơ lăm Ih. Inh gô kơ'nơp tơ ala pơnăr Ih. Dĭng hloh kơ năr kơnê̆ pă đei.

Horiso 64:2

Ôn inh hlơp đơ̆ng lu bơngai kơnê̆ chă đon noh. Păng đơ̆ng lu bơngai tơpôl pơm kơnê̆.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Êsai 26:20

Ơ kon pơlei pơla Inh mơ̆t bĕ tơ anih ih păng tang bĕ 'măng gah rŏng ih, ôn bĕ akâu iĕm hơya tŏ sĕt năr, Dĭng truh kơ layơ tơdrong Kră Yang hil hlôi đĭ.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 26:24

Mă-lei Ahikam kon drŏ-nglo Saphan pơma dŏng Jêrêmi, na đe ưh kơ ăn kon pơlei pơlôch ôh.

Je 36:19

Lu yŏng pơgơ̆r noh pơma hăm Baruk: “Ih hăm Jêrêmi năm ôn bĕ, 'nĕ ăn kơ bu băt anih măr iĕm oei.”

Je 36:5

Jêrêmi khan kơ Baruk: “Đe khă inh, ưh kơ gơh năm tơ hnam Kră Yang.

Je 38:6

Lei lu sư rôp Jêrêmi tah lê̆ lăm sơlŭng đak Malkija kon drŏ-nglo pơtao, sơlŭng 'nâu lăm anih cham linh gak, lu sư tơjur Jêrêmi hăm tơlei giĕn, sơlŭng âu ưh pă đei đak boih, oei đei hlŭt đĕch, na Jêrêmi đom jrŭ lăm hlŭt noh.

Yo 11:57

Lu 'bok soi tih păng lu bơngai Pharisi pơkă khan: “Bơngai bu băt kơ Sư oei tơ yơ, 'bôh Sư tơ yơ, bơngai 'noh athei roi kơ nhôn wă kơ nhôn năm rôp.”

Yo 7:32

Bơngai Pharisi kơtơ̆ng ang kon pơlei pơma 'bơm Yêsu thoi noh, na lu bơngai Pharisi păng lu 'bok soi tih wơh lu linh sư năm rôp Yêsu.

Yo 8:20

Yêsu bơtho tơdrong âu, Sư bơtho lăm hnam akŭm 'Bok Kei-Dei tơm, 'bơ̆t anih đe tah jên pơyơ̆r kơ Kră Yang. Mă-lei ưh kơ đei ti bu chro rôp Sư ôh, yua kơ tam trŏ 'Bok Kei-Dei ăn.

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Jang 12:11

“Ơ tơpă boih, inh băt kơ 'Bok Kei-Dei wơh linh jang 'lơ̆ng Sư jur tơdŏng inh đơ̆ng 'bok pơtao Hêrôt păng lu bơngai Juđê wă pơlôch inh.”