Je 36:2 - Sơ̆p Hlabơar Nơ̆r 'Bok Kei-Dei

² “Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 36:2 ပူးပေါင်းရင်းမြစ်များ

Esơra 6:2

Đe chă 'bôh tơ lăm hnam pơtao tơ pơlei Ekbatana tơ lăm tơring Mêđi, đei minh sơ̆p hla bơar so sơ̆ đei 'măn lê̆ đei chih thoi âu:

Jop 31:35

Ơ! Rŏ kơ đei bơngai mơ̆ng inh! 'Nâu inh chă kĭ chih anăn inh apinh Kră Yang Tih Hloh tơl nơ̆r inh; Apinh bơngai jâu inh chih tơ'bôh tơdrong yoch inh!

Horiso 40:7

Dang ei inh khan: “Âu inh truh, Lăm sơ̆p hla bơar đei chih boih gah inh.”

Le 17:14

Kră Yang khan kơ Môis: Athei chih tơdrong 'nâu lăm sơ̆p hla bơar akar wă 'blŏk hơdơ̆r păng tơbăt ăn kơ Jôsuê Inh gô sŭt pơgoh ưh pă đei bu 'blŏk kơ bơngai Amalek lăm teh âu dơ̆ng.

Êsai 8:1

Kră Yang khan kơ inh: “Iŏk bĕ minh hlak gơ'bang să păng chih tơ noh hăm chư hmă kon bơngai gơh băt: Maher-Salal-Hasbas.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Je 2:4

“Ơ adrĕch Jakôp păng đĭ kon sâu Isơrael mơ̆ng bĕ nơ̆r Kră Yang khan”

Je 25:3

“Đơ̆ng sơnăm mă mơjĭt-pêng lăm chăl Jôsia, kon drŏ-nglo Ammôn, pơtao đe Juđa dĭng truh dang ei đei 'bar-jĭt pêng sơnăm, nơ̆r Kră Yang pơma hăm inh. Đơ̆ng năr noh, inh iung đơ̆ng hrôih ling-lang roi tơbăt kơ iĕm, mă-lei iĕm ưh kơ wă mơ̆ng.

Je 30:2

'Nâu Kră Yang, 'Bok Kei-Dei bơngai Isơrael khan: “Chih răk bĕ lăm sơnôm hla bơar nơ̆r Inh đei bơtho khan kơ ih boih.”

Je 36:14

Đơ̆ng noh lu yŏng pơgơ̆r wơh Jêhuđi kon drŏ-nglo Nethania sâu Sêlemia sâu i Kusi năm krao Baruk khan: “Chĕp ba sơnôm hla bơar mă ih đei đŏk ăn kơ kon pơlei mơ̆ng noh năm kiơ̆ inh.” Na Baruk kon drŏ-nglo Nêria chĕp sơnôm hla bơar noh năm tơ'bơ̆p lu sư.

Je 36:18

Baruk tơl: “Sư roi kơ inh dôm nơ̆r noh na inh iŏk 'long chih đak mơ̆k chih lăm sơnôm hla bơar âu.”

Je 36:23

Kơplah Jêhuđi oei đŏk 'nao pêng puăn trong lăm sơnôm hla bơar noh 'bok pơtao iŏk săng iĕ rek kơtĕch klơ̆m lăm ŭnh mă đe tơkuh noh dĭng mă ŭnh sa pơđĭ hloi sơnôm hla bơar noh.

Je 36:29

Kŭm roi ăn kơ Jêhôiakim pơtao đe Juđa, 'nâu Kră Yang khan: ‘Ih soh boih sơnôm hla bơar âu păng jet: Liơ ih pơ̆n chih khan pơtao Babilôn gô truh, pơrăm dêh char âu păng pơlôch kon bơngai hăm sem dơrong.’

Je 36:6

Thoi noh ih athei năm mơ̆t tơ lăm hnam Kră Yang, lăm năr đe ơ̆t kơ sŏng sa, đŏk kơ kon pơlei pơla mơ̆ng dôm nơ̆r Kră Yang, inh roi ăn kơ ih chih tơ lăm sơnôm hla bơar noh. Ih kư̆m athei đŏk ăn kơ kon pơlei Juđa mă 'nao truh đơ̆ng pơlei lu sư mơ̆ng mơ̆n.

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Je 51:60

Jêrêmi chih lăm minh sơnôm hla bơar dôm tơdrong răm wă truh kơ dêh char Babilôn, chih dôm nơ̆r roi gah dêh char Babilôn.

Êsêkiên 2:9

Na inh lăng, inh 'bôh ti chro truh tơ inh; lăm ti đei minh sơnôm hla bơar.

Hôsia 8:12

Inh đei chih ăn boih tơdrong juăt Inh lơ, mă-lei lu sư lăng thoi tơdrong mă lu sư ưh kơ hlôh.

Both 31:24

Lăp Môis chih dôm lu nơ̆r khôi juăt 'nâu đơ̆ng tơm truh tơ tôch tơ lăm minh sơ̆p hla bơar keh đang boih.

Hêbrơ 10:7

Thoi noh na dang ei Inh wă khan kơ Ih, ơ Kră Yang, Inh wă jur jang dôm tơdrong thoi Ih wă, thoi đe chih roi lăm sơ̆p hla bơar Ih.”