Je 36:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng noh lu yŏng pơgơ̆r wơh Jêhuđi kon drŏ-nglo Nethania sâu Sêlemia sâu i Kusi năm krao Baruk khan: “Chĕp ba sơnôm hla bơar mă ih đei đŏk ăn kơ kon pơlei mơ̆ng noh năm kiơ̆ inh.” Na Baruk kon drŏ-nglo Nêria chĕp sơnôm hla bơar noh năm tơ'bơ̆p lu sư.

Je 36:14 ပူးပေါင်းရင်းမြစ်များ

II Pot 25:23

Kơplah lu đe yŏng linh anăn lu sư Ismael, kon drŏ-nglo Nêthania, Jôhanan, kon drŏ-nglo 'bok Karêat, Sêraja, kon drŏ-nglo Tanhumet oei tơ pơlei Nêtôpat păng Jaasania kon drŏ-nglo Makathit păng lu linh đe ei kơtơ̆ng pơtao đe Babilôn, jao kơ Gêđalia pơm 'bok tih pơgơ̆r, na lu sư năm tơ Gêđalia tơ Pơlei Mispa.

Je 36:2

“Iŏk bĕ minh sơnôm hla bơar chih bĕ lăm noh dôm tơdrong Inh đei bơtho khan kơ ih gah bơngai Juđa, Isơrael păng đĭ-đăng adrĕch adrung nai, iŏk đơ̆ng chăl Jôsia, dĭng truh kơ năr 'nâu.

Je 36:21

Pơtao wơh Jêhuđi năm iŏk sơnôm hla bơar; na Jêhuđi năm iŏk hla bơar noh đơ̆ng lăm anih Êlisama 'bok chih hla bơar, na đŏk ăn kơ pơtao păng lu yŏng pơgơ̆r mă oei tăp kơ pơtao wang mơ̆ng.

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Je 40:8

Lu sư năm tơ'bơ̆p Gêđalia tơ pơlei Mispa, đei Ismael kon drŏ-nglo Nethania, Jôhanan păng Jônathan lu kon drŏ-nglo Karea, Sêraia kon drŏ-nglo Tanhumet, lu kon drŏ-nglo Êphai kon pơlei bơngai Nêtophai, Jêsania bơngai Maakat păng đĭ-đăng lu linh năm hơdai sư.

Je 41:16

Jôhanan, kon drŏ-nglo Karea, hơdai hăm lu yŏng linh năm hơdai sư, dŏng chông ba lu khŭl kon pơlei Mispa đơ̆ng ti Ismael, kon drŏ-nglo Nethania, đang kơ Ismael, pơlôch Gêđalia kon drŏ-nglo Ahikam; sư rôp ba lu linh, lu drŏ-kăn, lu hơ'lơ̆p lu bơngai jang lăm hnam pơtao, Jôhanan chông ba lu sư lĕch đơ̆ng pơlei Gibeôn.

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Jêphania 1:1

'Nâu boih nơ̆r Kră Yang khan kơ Jêphania, kon drŏ-nglo Kusi, sâu Gêđalia, sâu Amaria, Hesekia. Lăm chăl Jôsia, kon drŏ-nglo Ammôn pơm pơtao đe Juđa:

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.