Je 35:8 - Sơ̆p Hlabơar Nơ̆r 'Bok Kei-Dei

⁸ Lu nhôn chu kiơ̆ nơ̆r Jônađap kon drŏ-nglo Rêkap 'bok lu nhôn lăm rim tơdrong sư đei bơtho pơkă boih kơ lu nhôn, lăm đĭ chăl arih lu nhôn, truh tơ kon akăn, kon drŏ-nglo kon drŏ-kăn lu nhôn, ưh kơ et sik.

Je 35:8 ပူးပေါင်းရင်းမြစ်များ

Tơdrông Pơđơk 13:1

Kon gơh hơgei đei đon mơ̆ng kiơ̆ nơ̆r 'bă bơtho khan. Mă-lei bơngai kơ chu lu sư ưh kơ wă mơ̆ng đe chrih bơtho.

Tơdrông Pơđơk 4:10

Ơ dăm, mơ̆ng păng iŏk bĕ nơ̆r inh pơma, Na sơnăm ih arih sot đunh sơnăm;

Tơdrông Pơđơk 6:20

Ơ dăm, wei răk bĕ nơ̆r mĕ ih pơkă, 'nĕ hiơt nơ̆r 'bă ih bơtho.

Êphêsô 6:1

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm, yua kơ iĕm bơngai lui boih kơ Yêsu Krist, tơ̆ng iĕm pơm thoi noh trŏ tơpă.

Kôlôsê 3:20

Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm lăm tôm tơdrong yua kơ iĕm lui boih kơ Kră Yang Yêsu Krist. 'Bok Kei-Dei Sư lăp đon thoi noh.