Je 34:4 - Sơ̆p Hlabơar Nơ̆r 'Bok Kei-Dei

⁴ Lei na mơ̆ng bĕ nơ̆r Kră Yang pơma. Ơ Sêđekia pơtao đe Juđa. Kră Yang pơma roi gah ih: Ih huay kơ lôch kơ đao gưm ôh.

Je 34:4 ပူးပေါင်းရင်းမြစ်များ

II Ho 18:18

Mikaia pơma dơ̆ng: “Thoi ei mơ̆ng bĕ nơ̆r Kră Yang khan: Inh 'bôh Kră Yang hơ-oei tơ kơpal tang-dŏ pơtao Sư, lu linh jang đĭ-đăng dơ̆ng kơkuh 'bar pah gah 'ma păng gah 'ngiĕo.

Je 2:4

“Ơ adrĕch Jakôp păng đĭ kon sâu Isơrael mơ̆ng bĕ nơ̆r Kră Yang khan”

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Je 34:3

Bĕ ih kư̆m ưh kơ gơh klaih đơ̆ng ti sư; đe gô rôp ih, jao ih lăm ti sư. Ih gô 'bôh tơm măt pơtao Babilôn păng kư̆m gô pơma dơnuh hăm sư, đe gô chông ba ih tơ char Babilôn.

Je 34:5

Ih gô lôch lăm tơdrong hiôk-hian, đe gô soh kơ ih pơgang 'bâu phu kư̆m thoi đe soh boih kơ 'bok ih, lu pơtao adrol kơ ih; păng đe gô nhơ̆m hmoi kơ ih: Ơ yŏng inh hô̆ lah! Inh đei khan pơkă boih nơ̆r âu.” Noh Kră Yang khan.

Je 7:2

“Dơ̆ng bĕ 'bơ̆t 'măng jang hnam Kră Yang, roi tơdrong 'nâu: ‘Mơ̆ng bĕ nơ̆r Kră Yang khan 'nâu: Ơ đĭ-đăng adrĕch Juđa lu bơngai mă mơ̆t trong 'măng jang 'nâu wă kơkuh kơ Kră Yang.’ ”

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.