Je 34:2 - Sơ̆p Hlabơar Nơ̆r 'Bok Kei-Dei

² Kră Yang 'Bok Kei-Dei Isơrael khan: “Năm roi bĕ kơ Sêđekia, pơtao đe Juđa, 'nâu Kră Yang khan: Inh wă jê̆ jao pơlei tih âu lăm ti pơtao Babilôn, sư gô iŏk ŭnh soh pơlei.

Je 34:2 ပူးပေါင်းရင်းမြစ်များ

II Pot 25:1

Lăm sơnăm mă tơsĭn, chăl Sêđekia pơgơ̆r, lăm năr mơjĭt, khei mơjĭt, Nebukatnessar, pơtao đe Babilôn chông đĭ-đăng lu linh sư năm blah Pơlei Jêrusalem. Lu sư wang tăp dăr kơ pơlei, lu sư bơ̆ teh wă tŏk mơ̆t lăm pơlei.

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 21:4

‘'Nâu nơ̆r Kră Yang 'Bok Kei-Dei lu bơngai Isơrael khan: Âu Inh gô tơwih plơ̆, dôm lu đao kơtuang iĕm oei chĕp lăm ti wă blah puh pơtao Babilôn păng bơngai Kalđê dang ei oei wang tăp tơ đaih kơ dur pơlei, Inh gô akŭm lu sư lăm tŏk-bŏk pơlei tih âu.

Je 27:22

‘Gô iŏk ba tơ char Babilôn păng 'măn lê̆ tơ noh dĭng truh năr Inh athei lu sư 'ba pơdrâu tơ anih 'nâu.” Noh Kră Yang khan!

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 39:8

Bơngai Kalđê iŏk ŭnh soh hnam pơtao, đĭ hnam kon pơlei păng teh pơchah lê̆ dur pơlei Jêrusalem.