Je 34:14 - Sơ̆p Hlabơar Nơ̆r 'Bok Kei-Dei

¹⁴ Sơnăm tơpơh đĭ-đăng lăm lu iĕm athei ăn kơ lu 'nhŏng oh iĕm bơngai Hêbrơ rơngei, mă sư đei tĕch kơdih sư tơ lu iĕm. Mă đei bơ̆jang pơm đĭch iĕm lăm tơdrâu sơnăm boih, lu iĕm athei ăn kơ sư rơngei. Mă-lei lu 'bok yă iĕm ưh kơ wă mơ̆ng Inh, kư̆m kuă kơ pơgling đon lu sư.

Je 34:14 ပူးပေါင်းရင်းမြစ်များ

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

I Pot 9:22

Mă-lei gah lu bơngai Isơrael, Sôlômôn ưh kơ rôp lu sư pơm đĭch ôh, lu sư pơm linh tơblah, mơ'nah pơm 'bok pơgơ̆r linh, mơ'nah pơm 'bok pơgơ̆r lu yŏng linh, mơ'nah wei-lăng lu bơngai hao gre aseh păng lu bơngai hao aseh.

II Ho 28:10

Dang ei iĕm wă 'maih rôp lu bơngai Juđa păng lu bơngai lăm pơlei Jêrusalem pơm đĭch drŏ-nglo pơm đam drŏ-kăn kơ lu iĕm hă? Bĕ lu iĕm ưh kơ pơm yoch hăm Kră Yang 'Bok Kei-Dei lu iĕm hă?

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

Je 11:7

Inh đei bơtho tơtă boih ăn kơ lu 'bok yă lu iĕm kơplah Inh chông tơlĕch lu sư đơ̆ng char Êyiptơ sơ̆ dĭng truh năr 'nâu, Inh ling-lang tơbăt kơ lu sư: “Chu kiơ̆ bĕ nơ̆r Inh.”

Je 32:30

Kon sâu bơngai Isơrael păng kon sâu Juđa, iŏk đơ̆ng oei 'lơ̆p, tă kơ pơm kơnê̆ ngăl 'bơ̆t anăp Inh. Kon sâu Isơrael iŏk dôm tơmam jang păng ti kơdih sư na tơblĕk Inh.” Kră Yang khan:

Je 35:15

Inh đei lơ wơ̆t boih wơh đĭch đam Inh, lu bơngai khan lê̆ adrol năm khan kơ lu iĕm: Dang ei ăn đĭ kơ lu iĕm weh bĕ đơ̆ng yoch, tơplih bĕ tơdrong lu iĕm pơm; păng kư̆m 'nĕ kơ kiơ̆ lu yang nai, lei na lu iĕm gơh mơ̆t oei tơ lăm char mă Inh gô ăn kơ lu iĕm păng kơ 'bok lu iĕm. Mă-lei lu iĕm ưh kơ wă pơgling đon mơ̆ng kiơ̆ Inh.

Êsêkiên 20:4

“Ơ kon bơngai, ih wă sek tơlang lu sư ưh, ih wă sek tơlang lu sư hă? Athei Ăn kơ lu sư băt tơdrong kơnê̆ krưp lu yă 'bok lu sư.

Êsêkiên 20:8

Mă-lei lu sư oei blah Inh, ưh kơ wă mơ̆ng Inh, ưh kơ hŭt lê̆ rup yang kơnê̆ krưp mă măt lu sư 'maih lăng; kư̆m ưh kơ hŭt lê̆ lu rup yang Êyiptơ. Yua kơ thoi noh Inh khan Inh gô tuh tơdrong Inh hil tơ lu sư, wă kơ hrăp tơdrong Inh blĕk kơ lu sư tơ lăm char Êyiptơ.

Lêwi 25:10

Lu iĕm athei iŏk sơnăm mă pơđăm-jĭt, pơm sơnăm 'lơ̆ng rơgoh păng ră roi tơdrong rơngei kơ đĭ-đăng kon pơlei pơla oei lăm char noh jĭ sơnăm hiôk-hian kơ lu iĕm, bu bu kư̆m wơ̆t iŏk teh jang sa sư kơdih đĭ-đăng gô rơngei wih brŏk tơ hnam dơnŏ sư kơdih.

Am 2:6

Kră Yang khan: Yua kơ đơ̆ng kon pơlei Isơrael rai pơm yoch hloh kơ adrol, na inh ưh kơ lê̆ ôh wă phak lu sư, yua kơ lu sư tĕch boih lu bơngai tơpăt yua kơ jên păng tĕch lu bơngai dơnuh hin yua kơ hơgrop chơkhŏ chuă.

Am 8:6

Wă kơ lu bơ̆n iŏk jên noh na răt iŏk lu bơngai mă pơmat-tat, iŏk minh hơgrop chơkhŏ tơplih bơngai dơnuh hin păng tĕch pơđĭ truh tơ lu 'ba mi bo.

Rom 7:24

Na inh âu boih bơngai ưh kơ yua tơpă, tơdrong kơnê̆ 'bĕnh kơ akâu ling-lang, na inh wă lôch đĕch boih. Dang ei bu gơh dŏng inh âu?

Both 15:1

Tôch kơ rim tơpơh sơnăm, iĕm athei ăn rơngei kơ hre,

Both 15:12

Tơdah đei bơngai Hêbrơ, drŏ-nglo dah drŏ-kăn, tĕch akâu sư kơdih kơ iĕm sư gô jang kơ iĕm lăm tơdrâu sơnăm, na truh lăm sơnăm mă tơpơh, iĕm athei ăn kơ sư rơngei.

Both 15:9

Kơchăng bĕ, 'nĕ kơ răk mong tơchĕng kơnê̆ 'nâu: Sơnăm mă tơpơh jơ̆ sơnăm ăn rơngei wă truh boih! Kơchăng bĕ, wă kơ iĕm huay kơ đei jơhngơ̆m kơnê̆ hăm lu 'nhŏng oh iĕm bơngai dơnuh hin, ưh kơ ăn lu sư gơh tŏk iŏk kiơ, kơnh lu sư krao ôr Kră Yang tơmăk kơ iĕm, iĕm gô đei tơdrong yoch.