Je 34:1 - Sơ̆p Hlabơar Nơ̆r 'Bok Kei-Dei

¹ 'Nâu nơ̆r Kră Yang khan kơ Jêrêmi, kơplah Nebukatnessar pơtao Babilôn, hăm đĭ-đăng lu linh sư, đĭ-đăng kơ lu teh đak chu kơ nơ̆r sư oei wang blah pơlei tih Jêrusalem păng lu pơlei nai tăp dăr.

Je 34:1 ပူးပေါင်းရင်းမြစ်များ

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Je 32:1

Lăm sơnăm mă mơjĭt chăl Sêđekia pơm pơtao đe Juđa, đei nơ̆r Kră Yang khan kơ Jêrêmi. Noh jơ̆ sơnăm mă mơjĭt-tơhngam lăm chăl pơtao Nebukatnessar pơgơ̆r.

Je 32:2

Kơplah noh lu linh pơtao Babilôn wang pơlei tih Jêrusalem; gah Jêrêmi bơngai khan lê̆ adrol đe rôp phak lăm anih cham lu linh gak hnam pơtao Juđa.

Je 34:7

kơplah lu linh pơtao Babilôn oei blah pơlei Jêrusalem păng đĭ lu pơlei lăm char Juđa, mă oei đei, lăp pơlei Lakis păng pơlei Asêka; đĕch noh 'bar tŏ pơlei tih đei dur kơjăp mă oei đei lăm char Juđa.

Da 4:1

Pơtao Nebukatnessar roi tơbăt ăn kơ đĭ-đăng kon pơlei, lu dêh char, rim nơ̆r pơma, oei tơ jơ̆p kơpal teh thoi âu: Hơpơi kơ iĕm đei hiôk-hian rai dêh!

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Da 5:19

Yua kơ Kră Yang 'Bok Kei-Dei đei ăn boih kơ sư đei pơgơ̆r tih, na đĭ-đăng kon pơlei pơla jơ̆p kơ dêh char, đĭ khŭl bơngai rim kơ adrĕch tă kơ hli yom ngăl 'bơ̆t anăp sư păng hli yom kơ sư, sư pơlôch bu pơlôch, sư wă kơ bu arih, lê̆ arih. Wă pôk bu kơjung, dah tơjur bu kơđeh mơ̆ng kơ sư wă.