Je 33:24 - Sơ̆p Hlabơar Nơ̆r 'Bok Kei-Dei

²⁴ “Ih hăm đei kơtơ̆ng nơ̆r lu kon pơlei 'nâu pơma: Lu sư khan: ‘'Bar tŏ adrĕch adrung mă Kră Yang rơih boih, na achăng lê̆ dơ̆ng. Lu sư pơjăm kon pơlei Inh, ưh kơ lăng kon pơlei Inh thoi minh pôm dêh char dơ̆ng.”

Je 33:24 ပူးပေါင်းရင်းမြစ်များ

Horiso 71:11

Păng khan: “Kră Yang 'Bok Kei-Dei achăng lê̆ sư boih; Bĕ druh rôp sư, yua kơ ưh kơ đei bu dŏng pơklaih sư.”

Horiso 83:4

Lu sư khan: “Bĕ bơ̆n năm pơlôch pơđĭ adrĕch lu sư đơ̆ng teh đak, Wă kơ pă đei bu 'blŏk kơ anăn Isơrael dơ̆ng.”

Horiso 83:5

Yua kơ lu sư minh jơhngơ̆m pơđâu băl. Lu sư pơkă băl wă blah Ih

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Êsai 11:13

Êphraim ưh pă hil klai dơ̆ng bơih, lu bơngai pơm kơnê̆ kơ Juđa đe gô tơhiong đĭ, Êphraim ưh pă areh kơ Juđa dơ̆ng, Juđa ưh pă pơm kơnê̆ kơ Êphraim dơ̆ng bơih.

Êsai 7:17

Kră Yang gô ăn tơdrong truh kơ ih, kon pơlei ih păng hnam 'bă ih, đơ̆ng năr mă Êphraim tơklah đơ̆ng Juđa kư̆m tam mă đei 'bôh thoi noh wă khan sư gô chông ba pơtao Asiri truh.”

Je 3:7

Inh ngeh khan đơ̆ng rŏng kơ sư pơm đĭ dôm tơdrong noh sư gô wih tơ Inh. Mă-lei sư ưh kơ wih. Oh drŏ-kăn 'blal sư noh Juđa, 'bôh boih.

Je 3:8

Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 31:36

“Tơdah layơ tơdrong juăt âu hiong đơ̆ng anăp Inh, na kơplah noh adrĕch adrung Isơrael kư̆m hiong hlŏng hloi ưh pă jô̆ minh adrĕch 'bơ̆t anăp Inh.” Noh Kră Yang khan.

Je 31:37

Kră Yang khan: “Tơdah đei bu gơh pơtŏ lu tăl plĕnh tơ kơpal ti dah gơh lăng băt kơ hơnă tơ ala plei teh sŭng, na kơplah noh, Inh gô achăng lê̆ adrĕch adrung Isơrael, yua kơ tơdrong yoch mă lu sư pơm.” Noh Kră Yang khan.

Je 33:23

Kră Yang khan kơ Jêrêmi:

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 51:5

Yua kơ Kră Yang 'Bok Kei-Dei Tih Hloh ưh kơ achăng lê̆ ôh lu bơngai Isơrael hăm lu bơngai Juđa. Mă-lei char Babilônb 'bĕnh hăm tơdrong yoch blah plơ̆ Tơ'ngla 'Lơ̆ng Rơgoh Isơrael.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Êsêkiên 25:3

Athei khan kơ kon pơlei Ammôn: Athei mơ̆ng nơ̆r Kră Yang. Kră Yang khan thoi âu: Yua kơ ih đei che bơle khan: “Aha!” Kơ anih rơgoh Inh kơplah đe pơm pơ'mê̆ kơ sư, kơ dêh char Isơrael kơplah sư đĭ juơ, kơ adrĕch Juđa kơplah lu sư đe rôp pơm bơnă,

Êsêkiên 26:2

“Ơ kon bơngai, yua kơ pơlei Tirơ pơma 'bơm gah Jêrusalem: “Ah ha! 'Măng jang lu kon pơlei pơla pơchah đĭ boih! Sư pơih ăn kơ inh boih; inh gô rai tih să, na sư răm đĭ bơih.

Êsêkiên 36:2

Kră Yang khan thoi âu: Yua kơ lu ayăt khan gah ih. “Aha! Lu kông kơjung noh sơ̆ gah lu nhôn boih.”

Êsêkiên 36:20

Tơ lăm dêh char mă lu sư oei, lu sư đei pơm pơ'mê̆ kơ anăn 'lơ̆ng rơgoh Inh, đe pơma 'bơm lu sư khan: ‘Noh lu kon pơlei Kră Yang mă-lei đe puh tơweh lu sư đơ̆ng dêh char Kră Yang.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Êsêkiên 37:22

Inh gô akŭm lu sư jing minh adrĕch adrung lăm char noh, tơ kơpal groi kông Isơrael. Lu sư đei minh 'nu pơtao pơgơ̆r đĕch. Lu sư ưh pă đei 'bar adrĕch adrung păng ưh pă klah 'bar tŏ dêh char pơtao dơ̆ng.