Je 33:22 - Sơ̆p Hlabơar Nơ̆r 'Bok Kei-Dei

²² Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Je 33:22 ပူးပေါင်းရင်းမြစ်များ

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

Horiso 22:30

Minh adrĕch adrung gô bơ̆jang kơ Sư; Đe gô roi tơdrong Kră Yang kơ adrĕch adrung đơ̆ng rŏng.

Horiso 89:29

Inh gô ăn kơ adrĕch adrung sư kơjăp ling-lang. Păng tang-dŏ pơtao sư oei sot jơnoi thoi năr tơ plĕnh.

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Êsai 66:21

Kră Yang khan: “Inh gô rơih iŏk mơ'nah đơ̆ng lăm lu sư pơm 'bok soi păng bơngai Lêwi.”

Je 30:19

Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Je 31:37

Kră Yang khan: “Tơdah đei bu gơh pơtŏ lu tăl plĕnh tơ kơpal ti dah gơh lăng băt kơ hơnă tơ ala plei teh sŭng, na kơplah noh, Inh gô achăng lê̆ adrĕch adrung Isơrael, yua kơ tơdrong yoch mă lu sư pơm.” Noh Kră Yang khan.

Je 33:18

Lu 'bok soi bơngai Lêwi kư̆m ưh kơ khăi ôh wă dơ̆ng soh pơyơ̆r tơmam soi 'buh, păng tơmam soh pơyơ̆r phe 'ba păng tơmam soi pơyơ̆r nai 'bơ̆t anăp Inh.

Je 33:23

Kră Yang khan kơ Jêrêmi:

Êsêkiên 37:10

Thoi noh inh khan lê̆ adrol thoi Kră Yang tơtă kơ inh; hơyuh kial arih mơ̆t boih tơ lăm lu akâu lôch; lu sư iung arih boih păng dơ̆ng hăm jơ̆ng lu sư kơdih, jing kon bơngai lơlap lơlang thoi minh khŭl linh lơ.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Hêbrơ 11:12

Abraham kră pă kĕ dang lĕ kơ lôch boih, mă-lei 'Bok Kei-Dei ăn kơ sư gơh pơjing lơ kon sâu, dang sơnglŏng tơ plĕnh, dang pơlao chuơh dơsĭ, pă bu kĕ jô̆.