Je 33:16 - Sơ̆p Hlabơar Nơ̆r 'Bok Kei-Dei

¹⁶ Lăm lu năr noh; adrĕch Juđa gô đei dŏng pơklaih; Jêrusalem gô oei hiôk-hian păng gô krao anăn Kră Yang boih tơpăt hơnơ̆ng lu nhôn.’ ”

Je 33:16 ပူးပေါင်းရင်းမြစ်များ

Êsai 45:17

Mă-lei bơngai Isơrael, Kră Yang gô dŏng pơklaih. Hăm tơdrong dŏng pơklaih ling-lang ưh kơ đei layơ tôch. Lu iĕm huay pă mơlâu dah rŭng răng dơ̆ng bơih truh tơ đĭ chăl khŏm khŏm.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Je 50:7

Đe bu tơ'bơ̆p lu sư rôp 'buh sa; Lu bơngai ayăt kơ lu sư khan. ‘Lu nhôn ưh kơ pơm yoch ôh, Lu sư pơm yoch boih hăm Kră Yang, Sư boih mă tơmăn 'nhĕt tơpă. Păng tơm tơdrong 'bok yă lu sư gơnang, Sư boih Kră Yang.’

Êsêkiên 28:26

Lu sư oei tơ noh hiôk-hian, pơm hnam pơtăm hơmu. Lu sư oei tơ noh hiôk-hian kơplah Inh sek tơlang phak lu teh đak jum dăr lu sư, lu bơngai mă areh kơ lu sư. Lu sư gô băt Inh bơih Kră Yang 'Bok Kei-Dei lu sư.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Da 9:7

Ơ Kră Yang 'Bok Kei-Dei, Ih 'lơ̆ng tơpă, gah nhôn đei tơdrong mơlâu, thoi năr âu; tơdrong noh gom lê̆ lu bơngai Juđa, kon pơlei Jêrusalem, kơ đĭ-đăng lu bơngai Isơrael oei jê̆, oei ataih, tơ lăm jơ̆p kơ teh đak mă Ih pơm ăn kơ lu sư tơklah tơklang, yua kơ tơdrong lu sư yoch hăm Ih.

Rom 11:26

'Noh na đĭ lu bơngai Isơrael băt kơ 'nhĕng lu bơngai khŭl nai lui kơ 'Bok Kei-Dei, na đĭ lu sư wang lui kiơ̆, lu sư klaih đĭ dôm tơdrong yoch. Tơdrong noh kư̆m thoi đe chih roi lăm hla bơar 'Bok Kei-Dei sơ̆ thoi âu: “'Bok Dŏng Pơklaih wă năm đơ̆ng Pơlei Siôn tơ rim pơlei Isơrael, wă pơpuh tơjăk đĭ dôm tơdrong yoch đe Isơrael.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Both 33:12

Môis sơkat kơ Bênjamin; ăn kơ bơngai mă Kră Yang 'mêm kơeng gơh oei hiôk-hian lăm Sư. Prăt năr đei Kră Yang wei-lăng sư, tơpă bơngai mă Kră Yang 'mêm oei tŏk-bŏk 'bar pah hơngiĕng Sư.

Both 33:28

Thoi noh bơngai Isơrael gô arih hiôk hơđơ̆ng: Kon sâu Jakôp oei tơ noh lăm dêh teh phe 'ba, hơ'bo păng tơm hơmu lơ. Đak ngom đơ̆ng plĕnh ruh hngôm.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.