Je 32:44 - Sơ̆p Hlabơar Nơ̆r 'Bok Kei-Dei

⁴⁴ Lu đe gô yua jên hu răt mir na, chih hla bơar tĕch, chơ̆m pơsĭt, chih pơklep chă bơngai kơdranh pơsĭt kơ đơ̆ng lăm char Bênjamin, lăm lu anih tăp dăr kơ pơlei tih Jêrusalem, lăm pơlei Juđa păng lăm lu pơlei tơ kông groi dah lăm tơring lăm thŭng păng lu pơlei gah gơal, yua kơ Inh gô chông anhăk bơnă wih brŏk hiôk-hian jơnap.” Noh Kră Yang khan.”

Je 32:44 ပူးပေါင်းရင်းမြစ်များ

Êsai 44:26

Kră Yang pơsĭt nơ̆r lu đĭch đam sư pơma, păng pơsĭt trŏ hloi dôm nơ̆r lu bơngai pơtruh nơ̆r Sư; pơma gah pơlei Jêrusalem khan: “Gô đei bơngai oei lăm noh” păng pơma gah lu pơlei Juđa khan: “Gô pơjing ming,” Inh gô tơiung ming dơ̆ng lu anih đĭ juơ.

Je 13:19

Đĭ-đăng pơlei lăm tơring Negewơ đe gô wang tăp, ưh kơ đei bu pơih gơh lĕch. Đĭ-đăng adrĕch Juđa đe gô rôp pơđĭ ưh pă đei bu klaih.

Je 17:26

Đei bơngai gô truh đơ̆ng lu pơlei Juđa păng truh đơ̆ng jơ̆p-jang pơlei iĕ tăp dăr kơ pơlei Jêrusalem, đơ̆ng lăm char Bênjamin, đơ̆ng tơnăp groi, gah bơmơ̆t, đơ̆ng kông groi, đơ̆ng char glă gah gơal, wă chĕp tơmam soi 'buh, lu tơmam soi thoi phe, 'ba, tơmam 'bâu phu păng tơmam soi bơnê tơ hnam Kră Yang.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Je 30:3

Kră Yang khan: “Gô đei năr, Inh gô chông ba kon pơlei Inh bơngai Juđa păng Isơrael wih brŏk đơ̆ng pơm bơnă. Kră Yang khan: “Inh gô ba lu sư brŏk iŏk teh đak mă Inh đei ăn boih kơ lu yă 'bok lu sư.”

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 32:10

Inh chih kĭ anăn tơ lăm hla bơar răt, chơ̆m pơsĭt, kư̆m đei bơngai kơdranh wă pơsĭt păng kŏng ăn tôm jên noh.

Je 32:37

“'Nâu, Inh gô hơrui akŭm lu sư đơ̆ng jơ̆p kơ dêh char mă đơ̆ng Inh hil mĭl dêh na mă Inh pơpuh lê̆ lu sư tơ noh; Inh gô chông tơwih lu sư brŏk tơ anih 'nâu, wă kơ lu sư oei jang sa rơnŭk rơnua.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Je 33:13

Lăm lu pơlei tơring groi kông păng lu pơlei lăm tơring groi gah bơmơ̆t, lăm lu tơring glă gah gơal, lăm teh đak Bênjamin, tơ lăm rim anih tăp dăr Jêrusalem păng lăm pơlei char Juđa, khŭl triu gô yak rok ala ti đe gô jô̆ lu sư.” Noh Kră Yang khan.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 33:7

Inh gô ăn kơ bơngai Juđa păng Isơrael đei hiôk jơnap, Inh gô tơiung pơdơ̆ng teh đak lu sư thoi sơ̆.

Ob 1:19

Lu bơngai oei tơ gah gơal gô blah iŏk đei kông Êsâu, dôm lu bơngai oei tơ teh thŭng dơnă gô tŏk oei tơ teh khŭl bơngai Philistin: Lu sư gô đei iŏk mir chŭn Êphraim păng mir chŭn Samari; lu bơngai Bênjamin gô đei iŏk Gileat.

Ob 1:20

Dôm lu bơngai Isơrael pơm bơnă oei lăm dêh Kanaan, gô đei bri seh teh choh sư truh tơ Sarephat. Lu bơngai bơnă Jêrusalem oei char Sephahat gô đei iŏk pơlei gah gơal.

Jêphania 2:7

Tơring ei gô jing tơring kơ lu adrĕch adrung Juđa mă oei oei; lu sư gô năm wei triu tơ noh, kơmăng lu sư gô tep pơdơh tơ lăm lu hnam pơlei Askalon; Yua kơ Kră Yang gô năm ngôi hơpong tơ lu sư păng chông tơbrŏk lu bơnă sư.

Sa 7:7

Noh hăm trŏ khan ưh kơ nơ̆r Kră Yang yua lu 'bok khan lê̆ adrol chăl sơ̆ roi tơbăt, kơplah Jêrusalem păng lu pơlei tih tăp dăr sư đei kon pơlei oei păng hrôh ngôh păng kơplah gah gơal păng gah hơlĕch đei kon pơlei oei boih?’ ”