Je 32:24 - Sơ̆p Hlabơar Nơ̆r 'Bok Kei-Dei

²⁴ To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 32:24 ပူးပေါင်းရင်းမြစ်များ

II Sam 20:15

Na, đĭ-đăng lu linh Jôap lu sư truh wang Seba lăm pơlei Abel tơ Bet Maaka, lu sư năm pơm kơđông jê̆ dur 'nguaih păng oei sir wă kơ dur pơlei păk hơlih.

Êsai 37:33

Thoi noh Kră Yang khan gah pơtao Asiri thoi âu: “Sư gô ưh kơ mơ̆t ôh lăm pơlei tih âu, ưh kơ đei prah minh găr 'brơ̆m hră, tơ noh ưh kơ đei chĕp khêl kư̆m ưh kơ pơm anih kơjăp tăp dăr kơ pơlei wă tơblah hăm sư.

Je 16:4

“Lu sư gô lôch hơbuh krưp dêh; ưh kơ đei bu hmoi ưh kơ đei bu 'bŭ lu sư, akâu bơngai lôch jing mơ̆r kơ teh. Lu sư gô lôch kơ đao gưm păng lôch kơ pơngot rơwĕt. Akâu lôch lu sư gô ăn kơ sem păr păng sem bri sa.”

Je 20:5

Inh kư̆m gô jao dôm lu mŭk tơmam pơlei âu, mŭk tơmam đơ̆ng lu sư chă jang sa, tơmam gĭt mă đei dang ei, tơpă, Inh gô jao ăn dôm lu hu maih pơtao Juđa lăm ti lu bơngai ayăt, gô tơgar iŏk na chĕp ba tơ Babilôn.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 29:17

lei, na 'nâu nơ̆r Kră Yang Tih Hloh khan: “Inh gô ăn đao gưm, pơngot rơwĕt păng tơdrong lôch hơbuh truh tơ lu sư, pơm ăn kơ lu sư thoi plei hơra ôm kơnê̆ dĭng mah đe pă gơh sa.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 32:25

Ơ Kră Yang, Ih khan boih kơ inh: ‘Yua bĕ jên hu ih răt mir na âu păng chă đei bơngai kơdranh pơsĭt, na to pơlei tih âu jao boih lăm ti lu bơngai Kalđê.’ ” Lei liơ?

Je 32:28

Lei na Kră Yang khan: “Inh gô jao pơlei tih âu tơ lăm ti lu bơngai Kalđê, lăm ti Nebukatnessar pơtao đe Babilôn sư gô blah iŏk.

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Je 32:36

Ih đei khan gah pơlei tih âu pơlei noh pơjao boih lăm ti pơtao Babilôn hăm đao gưm, pơngot rơwĕt, jĭ apoh, mă-lei Kră Yang 'Bok Kei-Dei bơngai Isơrael khan:

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Je 33:4

'Nâu Kră Yang 'Bok Kei-Dei Isơrael khan: “Gah lu hnam lăm pơlei tih, hnam pơtao đe Juđa, pơrăm lê̆ boih, wă yua găn tơblah hăm đao gưm lu bơngai Babilôn.

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Je 52:4

Na năr mơjĭt khei mơjĭt, lăm sơnăm mă tơsĭn chăl Sêđekia pơgơ̆r, Nebukatnessar, pơtao Babilôn, chông ba đĭ linh sư năm blah Jêrusalem, lu sư pơm bơsŭn, lu sư bơ̆ teh wă tŏk wang tăp wă blah iŏk pơlei Jêrusalem.

Je 52:6

Truh năr tơsĭn khei puăn lăm sơnăm noh, đei tơdrong pơngot rơwĕt tih lăm pơlei truh tơ kon pơlei oei lăm noh tơmam sa pă đei.

Je 6:6

Kră Yang Tih Hloh đei khan: Kăl bĕ 'long, tuh teh bơ̆ dur na blah pơlei Jêrusalem! 'Nâu boih pơlei tih trŏ kơ phak bơtho sư; lăm pơlei tă kơ đei bơngai pơjuă pơđep ngăl,

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 21:22

Ti gah 'ma pơtao đei hlang lăng tơ'bôh gah pơlei Jêrusalem, athei dan tơmam tơblah wă pơrăm pơlei, nơ̆r wơh athei pơlôch ôr tơblah, dan tơmam tơblah wă pơrăm lu 'măng jang pơlei, sir sơlŭng bơ̆ man bơnơ̆ wang tăp dăr.

Êsêkiên 21:27

Răm đĭ, răm đĭ, Inh gô pơrăm đĭ; tơdrong âu kư̆m ưh pă truh dơ̆ng bơih, dĭng truh tơ yŏng Tơ'ngla tơpăt hơnơ̆ng truh wă sek tơlang. Inh gô pơjao ăn kơ Sư tơdrong noh.

Êsêkiên 26:8

Sư gô yua đao pơlôch lu kon pơlei ih tơ lăm chŭn mir, Sư gô bơ̆ bơnơ̆ ter dur păng hiŏng khêl blah ih.

Êsêkiên 4:2

Ih wang tăp pơlei noh; man pơdơ̆ng dur, pơm kơđông linh, blah pơlei noh păng dan tơroi tŭl dur jum dăr pơlei wă pơrăm sư.

Habakuk 1:10

Lu sư hiĕk pơjăm lu pơtao, hiĕk ăr kơ lu kuan pơgơ̆r păng hiĕk pơjăm kơ lu kơđông kơjăp. Sư kôch teh bơ̆ kơjăp, wă tŏk blah iŏk.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.