Je 32:19 - Sơ̆p Hlabơar Nơ̆r 'Bok Kei-Dei

¹⁹ Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Je 32:19 ပူးပေါင်းရင်းမြစ်များ

I Pot 8:32

apinh Ih đơ̆ng kơpal plĕnh mơ̆ng păng tơl tơwih sek tơlang ăn kơ đĭch đam Ih, apinh Ih pơm plơ̆ kơ lu bơngai kơnê̆, đơ̆ng sư chă trong pơm kơnê̆ tuh plơ̆ tơ kơpal kơ̆l sư, apinh Ih tơgŭm bơngai 'lơ̆ng tơpăt. Ih apah bơnê kiơ̆ kơ tơdrong 'lơ̆ng tơpăt sư pơm.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Jop 34:11

Kră Yang apah kon bơngai kiơ̆ kơ tơdrong jang lu sư pơm, Pơm kơ rim 'nu bơngai kiơ̆ kơ lu sư oei arih sa.

Jop 34:21

Măt Kră Yang 'Bok Kei-Dei răp lăng tơ trong kon bơngai, Sư lăng 'bôh dôm yak.

Horiso 111:2

Dôm tơdrong jang Kră Yang tih tơpă; Đĭ-đăng bơngai lăp kơ tơdrong jang noh; tă tơchĕng wă kơ băt.

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Horiso 92:6

Lu bơngai kơwao ưh kơ gơh băt, lu bơngai kơtul kư̆m ưh kơ gơh hlôh,

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Tơdrông Pơđơk 8:14

Tơdrong pơgơ̆r, gơh hơgei noh gah Inh. Inh đei pran kơtang.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Êsai 28:29

Tơdrong noh kư̆m lĕch đơ̆ng Kră Yang Tih Hloh, tơdrong tơchĕng Sư hlĭch chrơp dêh tơdrong gơh hơgei Sư 'lơ̆ng tih tơpă.

Êsai 40:13

Bu băt Yang Bơhngol Kră Yang 'Bok Kei-Dei tơchĕng liơ. Bu gơh bơtho pơhrăm pơđâu kơ Sư?

Êsai 59:18

Kră Yang pơm tơwih kiơ̆ kơ tơdrong jang lu sư pơm. Kră Yang hil mĭl kơ lu bơngai blah Sư, pơm 'mong kơ lu bơngai ayăt kơ Sư. Sư gô pơm tơwih kơ lu bơngai oei tơ bŏl đak dơsĭ.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 17:10

Inh boih Kră Yang, Inh lăng 'bôh lăm jơhngơ̆m, pơlong lăng jơhngơ̆m đon tơchĕng, wă pơm tơwih kơ rim 'nu kiơ̆ thoi trong lu sư arih, kiơ̆ 'blep thoi đêl tơdrong lu sư pơm.

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Je 25:14

‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Sa 9:1

Nơ̆r Kră Yang hil kơ char Hadrak, sư gô oei tơ pơlei Đamas. Yua kơ măt bơngai Isơrael păng đĭ-đăng kon bơngai tă kơ lăng tơ Kră Yang ngăl.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Yo 5:29

na lu sư lĕch đơ̆ng bơsat. Lu bơngai đei đon 'lơ̆ng tơpăt sư iung arih đơ̆ng noh sư gô arih ling-lang. Lu bơngai pơm kơnê̆, sư iung arih đơ̆ng noh Inh gô phak sư.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.