Je 32:18 - Sơ̆p Hlabơar Nơ̆r 'Bok Kei-Dei

¹⁸ Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Je 32:18 ပူးပေါင်းရင်းမြစ်များ

Bl 49:24

Đơ̆ng ti Kră Yang mơsêh Jakôp, Thoi noh hră sư huay kơ pơpơ̆; Đơ̆ng Kră Yang wei-lăng triu brĕ, noh tơmo kŭk Isơrael. Na 'bar pah ti sư jing pran.

II Pot 9:26

“Kră Yang khan: Tơpă năr brei Inh 'bôh bơih pham Nabôt păng pham lu kon drŏ-nglo sư: Inh gô pơm plơ̆ kơ ih tơ mir 'nâu mơ̆n. Na hor bĕ atâu sư 'nâu klơ̆m hơtat lê̆ lăm mir chŭn noh kiơ̆ thoi nơ̆r Kră Yang hlôi khan bơih.”

Ne 1:5

Ơ Kră Yang 'Bok Kei-Dei kơ hơtăl plĕnh, wă khan Kră Yang 'Bok Kei-Dei tih hloh păng trŏ kơkuh tơ'ngla wei nơ̆r pơgơ̆p păng jơhngơ̆m 'mêm mơnat kơ lu bơngai mă kơkuh 'mêm kơ Sư păng wei răk dôm nơ̆r tơtă đơ̆ng Sư!

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

Horiso 89:9

Ih boih pơgơ̆r đĭ đak dơsĭ, tơdrŏ poh-yă. Mưh sư poh-yă Ih khă sư thĕng hơđơ̆ng.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Êsai 10:21

Dôm lu bơngai mă oei arih gô wih brŏk. Dôm lu bơngai adrĕch Jakôp noh gô wih brŏk tơ Kră Yang 'Bok Kei-Dei Mơsêh Mơyang.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Je 10:6

Ưh kơ đei yang kiơ thoi Ih ơ Kră Yang. Ih boih Kră Yang Tih Dêh, Ih mơsêh mơyang pran kơtang hloh.

Je 20:11

Mă-lei Kră Yang oei hơdai inh, thoi minh 'nu bơngai linh nuih kơtang; Na lu bơngai pơm kơnê̆ kơ inh gô pơ̆k huŏng, ưh kĕ kơ jei lu sư, yua kơ lu sư oei arih sa ưh kơ 'lơ̆ng, gô pŭ iŏk tơdrong mơlâu tih, mơlâu ling-lang hlŏng hloi ưh kơ đei layơ hiơt.

Je 31:35

Kră Yang; Tơ'ngla mă ăn măt 'năr pơchrang hơdah kơ'năr, ăn măt khei sơnglŏng pơchrang gah kơmăng, pơm kơ đak dơsĭ pơpơ̆ poh-yă hơlôk hơlak.” Kră Yang Tih Hloh noh anăn Sư.

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang:

Je 50:34

Mă-lei Tơ'ngla mă dŏng pơklaih lu sư pran kơtang tơpă; anăn sư Kră Yang Tih Hloh, Sư gô dŏng lu sư tơpă, Ăn jơ̆p kơ teh đak sư hiôk-hian, Mă-lei kon pơlei Babilôn đei chhŭr nuih.”

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.

Habakuk 1:12

Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Mathiơ 27:25

Na đĭ-đăng kơ lu kon pơlei pơla ei khan: “Lê̆ 'Bok Kei-Dei phak nhôn păng lu kon nhôn kư̆m bưh yua kơ nhôn pơlôch Sư.”

Luka 6:38

Iĕm athei mơnat, tơgŭm đe, na 'Bok Kei-Dei kư̆m mơnat tơgŭm iĕm mơ̆n. Sư gô tơgŭm iĕm lơ tơpă kư̆m dang lĕ đe ăn đĕch kơ iĕm minh kơ'mŭng 'ba 'bĕnh blai rơkah rơkai. Iĕm tơgŭm đe dang yơ, 'Bok Kei-Dei gô tơgŭm iĕm dang noh mơ̆n.”

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Both 7:21

'Nĕ hli tơrơ kơ lu sư; yua kơ Kră Yang 'Bok Kei-Dei iĕm oei hơdai iĕm, noh jơ̆ Kră Yang 'Bok Kei-Dei mă pran kơtang hloh păng trŏ kơ hli.