Je 31:9 - Sơ̆p Hlabơar Nơ̆r 'Bok Kei-Dei

⁹ Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 31:9 ပူးပေါင်းရင်းမြစ်များ

I Ho 29:10

'Bơ̆t anăp đĭ-đăng tơpôl, Đawit bơnê kơ Kră Yang khan: Hơri bơnê kơ Ih ơ Kră Yang 'Bok Kei-Dei Isơrael 'bok lu nhôn, đơ̆ng dang ei truh tơ ning-mônh ưh kơ đei layơ tôch!

Horiso 107:7

Dui ba lu sư rok trong tơpăt. Lu sư năm truh tơ pơlei tih mă gơh oei.

Horiso 23:2

Sư ăn kơ inh pơdơh tơ 'nhĕt hơdrih, ba inh tơ đak hlăng.

Horiso 89:27

Inh gô ăn kơ sư jing kon kơdră drŏ-nglo Inh, jing pơtao tih hloh kơ đĭ-đăng pơtao lăm teh âu.

Le 4:22

Lei ih roi tơbăt kơ Pharaôn: Kră Yang khan thoi âu: Isơrael jơ̆ kon drŏ-nglo Inh wă khan kon kơdră Inh,

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 43:20

Lu sem bri, kŏ bri păng sem diydui gô kơkuh ư-ang kơ Inh. Yua kơ Inh ăn đak ro lăm char glă, păng pơm lu tu glung đak tơ char glă, wă kơ kon pơlei mă inh rơih iŏk bơih lu sư đei đak nhă.

Êsai 45:11

Kră Yang Tơ'ngla 'lơ̆ng rơgoh đe Isơrael Tơ'ngla Pơjing khan thoi âu: “Yua kơ lu iĕm jet Inh, gah tơdrong gô truh kơ kon pơlei Inh, gah tơdrong jang đơ̆ng ti Inh.

Êsai 57:14

Sư gô khan: “Man bĕ, pơdơ̆ng bĕ, hơmet bĕ trong! Bơ'nguơih bĕ lu tơdrong găn kon pơlei Inh.”

Êsai 63:13

Mă Tơ'ngla dui ba lu sư tŏk hlôi đơ̆ng lăm sơlŭng jrŭ? Nhen thoi aseh kơdâu tơ char glă, ưh kơ đei pơ̆k.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsai 64:8

Ơ Kră Yang, mă khan thoi noh, Ih oei 'Bă lu nhôn, lu nhôn jơ̆ teh lơ̆n, Ih jơ̆ thơ̆ man lu nhôn; đĭ-đăng lu nhôn jơ̆ tơdrong jang đơ̆ng ti Ih.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 3:4

Hăm trŏ iĕm oei krao Inh: ‘Ơ 'Bă nhôn, Ih boih buăl nhôn đơ̆ng nhôn oei 'lơ̆p sơ̆.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Je 50:4

Kră Yang khan: “Lăm lu năr noh, lăm kơplah noh, bơngai Isơrael păng bơngai Juđa năm hơdai, yak rah nhơ̆m rah, Chơchă Kră Yang, 'Bok Kei-Dei lu sư.

Hôsia 12:4

Sư đei tơglơ̆m hăm linh jang 'lơ̆ng, păng jei sư; sư nhơ̆m păng krao hơdrĭ apinh Kră Yang mơnat ăn. Sư tơ'bơ̆p boih Kră Yang tơ pơlei Bethel păng tơ noh Kră Yang đei bơtho sư.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Malachi 2:10

Đĭ-đăng lu bơ̆n ưh kơ trŏ minh pôm 'bă hă? Hăm trŏ lăp minh Kră Yang 'Bok Kei-Dei đĕch mă pơjing lu bơ̆n? Thoi ei boih liơ mă bơ̆n pơm ưh kơ tơpăt chă hơlĕnh băl tơduă lu bơ̆n, pơm glăi kơ tơdrong pơgơ̆p 'bok yă bơ̆n?

Jo 2:18

Hla-kơ khŭl kơđông linh Êphraim păng lu linh sư athei oei tơ gah bơmơ̆t. Yŏng kơdră bơngai Êphraim noh Êlisama kon drŏ-nglo Amihut;

Mathiơ 3:3

Êsai bơngai pơtruh nơ̆r 'Bok Kei-Dei, sư chih khan lê̆ hơdrol gah Yôhan sơ̆ thoi âu: “Đei minh 'nu bơngai bơtho tơ char glă chơngue ning-mônh khan: ‘Bĕ bơ̆n hơmet trong kơ Kră Yang, păng pơm trong Sư mă tơpăt. Wă khan lu bơ̆n tơbral kơdih tơdrong yoch.’ ”

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Luka 6:21

“Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Rom 8:26

Bơ̆n kơdih ưh kơ gơh, mă-lei đei Yang Bơhngol 'Lơ̆ng tơgŭm bơ̆n. Bơ̆n ưh kơ băt wă krao khan kơ 'Bok Kei-Dei thoi yơ, mă-lei Yang Bơhngol 'Lơ̆ng Sư tơgŭm bơ̆n gơh krao khan hăm đĭ jơhngơ̆m.

II Kor 6:18

Thoi noh na Inh trŏ kơ pơm 'Bă iĕm, iĕm jing kon tơdăm kon adruh Inh. 'Noh tơdrong Kră Yang tơm rơh tih hloh khan kơ bơ̆n.”

Both 14:1

Lu iĕm jing kon Kră Yang 'Bok Kei-Dei lu iĕm, dah đei bơngai lôch 'nĕ kơ 'bet akâu kơdih, dah hơkôih sŏk klĕng;

Both 32:6

Ơ kon pơlei kơhlôh kơwao ưh kơ đei đon tơchĕng, lu iĕm pơm kơ Kră Yang thoi noh hă? Ưh kơ trŏ kơ 'Bă lu iĕm hă, ưh kơ tơ'ngla pơjing iĕm hă? Ưh kơ trŏ Sư pơjing iĕm jing adrĕch adrung Sư hă?

Hêbrơ 12:13

Iĕm athei pơm trong iĕm yak mă tơpăt, wă kơ lu bơngai jĭ cho jo jăn yak huay kơ tơpling jơ̆ng, wă kơ lu sư jah klaih.

Hêbrơ 12:23

Bơ̆n gô tŏk kiơ̆ truh tơ lu kon kơdră 'Bok Kei-Dei mă đe đei chih anăn lu sư tơ Pơlei 'Bok Kei-Dei. Păng bơ̆n gô mơ̆t truh tơ anih 'Bok Kei-Dei tơ'ngla mă sek tơlang đĭ rim 'nu bơngai. Păng bơ̆n gô năm truh tơ bơhngol lu bơngai 'lơ̆ng tơpăt mă 'Bok Kei-Dei ăn hiôk oei hơdai hăm Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Tơdrông Tơ'bôh 7:17

Kon Triu oei hơdai Pơtao bơ̆n 'Bok Kei-Dei, Sư wei-lăng lu đe noh, anhăk ba lu sư truh boih tơ tu đak mă ăn kơ kon bơngai arih ling-lang. 'Bok Kei-Dei sut đak măt lu sư huay pă nhơ̆m hmoi boih.”