Je 31:7 - Sơ̆p Hlabơar Nơ̆r 'Bok Kei-Dei

⁷ Kră Yang khan: “Bĕ bơ̆n hơri chơt hiôk kơ Jakôp; tơkĕch tơjroh bĕ kơ lu adrĕch adrung gĭt kăl, pôk bơnê pơyom bĕ na khan: ‘Kră Yang dŏng pơklaih boih kon pơlei pơla Sư, lu kon pơlei Isơrael mă oei arih.’

Je 31:7 ပူးပေါင်းရင်းမြစ်များ

Horiso 106:47

Ơ Kră Yang, 'Bok Kei-Dei lu nhôn, apinh Ih dŏng pơklaih lu nhôn. Akŭm pơpôi lu nhôn đơ̆ng jơ̆p kơ dêh char. Wă kơ lu nhôn bơnê ư-ang kơ anăn 'lơ̆ng rơgoh Ih păng gơh oei hiôk hơri kơkuh kơ Ih.

Horiso 126:2

'Bơ̆r lu nhôn 'bĕnh kơ nơ̆r hiĕk chơt. Hơpiĕt lu nhôn hơri 'nă hal. Lu đe teh đak khan: “Kră Yang đei tơgŭm lu sư tih tơpă.”

Horiso 14:7

Ơ rŏ kơ đơ̆ng pơlei Siôn tơdrong pơklaih lu bơngai Isơrael jah truh! Kơplah Kră Yang chông ba lu bơnă pơlei pơla Sư brŏk, Kơplah noh Jakôp gô chhôk hơnôk păng lu bơngai Isơrael gô 'nă hal.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Horiso 67:1

Hơpơi apinh Kră Yang 'Bok Kei-Dei 'mêm mơnat păng ăn tơdrong pŭn hiôk kơ lu nhôn. Pơdah muh măt Ih tơ lu nhôn. Sêla

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 37:31

Lăm adrĕch adrung Juđa bơngai oei arih gô Sôr rơh tơ ala păng gô đei plei tơ kơpal.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 52:8

Mơ̆ng bĕ nơ̆r lu bơngai gak! Lu sư hơri hiôk chơt hơdai; yua kơ măt lu sư 'bôh kơplah Kră Yang chông ba bơnă wih brŏk tơ Siôn.

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Je 20:13

Hơri bĕ kơ Kră Yang, Kơkuh bơnê bĕ kơ Kră Yang, Yua kơ Sư dŏng pơklaih boih lu bơngai dơnuh hin Đơ̆ng ti lu bơngai pơm kơnê̆.

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.

Je 31:12

Lu sư gô năm hơri hiôk chơt tơ anih kơjung kơpal kông Siôn; muh măt lu sư chơt hiôk đơ̆ng Kră Yang ăn pŭn hiôk rơkah rơkai: 'Ba mi, sik hơmu, đak rơmă ôliwơ, kon triu, bơbe, sem dơrong, Jơhngơ̆m lu sư thoi pơgar đak hngôm hơiuh, ưh pă đei sơ'ngon kơ kiơ dơ̆ng.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Jôel 2:32

Na bu krao hơpơi kơ Kră Yang gô klaih, Kră Yang đei khan, tơ kông Siôn păng lăm pơlei Jêrusalem, gô đei lu bơngai kơdâu ôn klaih bơih, lu bơngai mă Kră Yang gô krao iŏk.

Am 5:15

Areh bĕ kơ tơdrong kơnê̆, na 'mêm bĕ kơ tơdrong 'lơ̆ng; pơm pơjing bĕ tơdrong 'lơ̆ng tơpăt 'bơ̆t 'măng jang pơlei. Rŏ lăng Kră Yang 'Bok Kei-Dei Tih hloh gô mơnat ăn kơ dôm lu bơngai Jôsep mă oei arih.

Mi 2:12

Ơ Jakôp sĭt Inh gô akŭm pơpôi lu iĕm, tơpă Inh gô akŭm lu bơngai Isơrael mă oei oei, akŭm pơpôi lu sư hơdai hơbĭ hăm triu Bôira minh pôm hơdrong, thoi lu triu lơ lăm tơmăn 'nhĕt lu sư, gô đei nơ̆r hmoi lơ ô-ôs ơ-as thoi đei bơngai lơ.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Jêphania 2:9

Thoi noh Kră Yang Tih Hloh, wă khan Kră Yang 'Bok Kei-Dei kơ bơngai Isơrael khan: “Tơpă thoi Inh oei arih, tơpă Môap gô thoi Sôđôm păng lu kon sâu Ammôn nhen thoi Gômôrơ, jing minh anih 'bĕnh kơ jơla, minh pôm sơlŭng 'boh, minh anih juơ ling-lang hloi, lu kon pơlei Inh mă oei arih răi gô tơgar rôp iŏk lu sư, gah tơmam kon pơlei mă oei oăi gô jing tơmam lu sư iŏk yua.”

Rom 11:5

Na dang ei 'Bok Kei-Dei kư̆m wă rơih iŏk lu bơngai Isơrael thoi noh, lu bơngai noh Sư rơih iŏk yua kơ Sư mơnat.

Rom 9:27

Gah tơdrong lu bơngai Isơrael, Êsai sư khan thoi âu: “Mă lu bơngai Isơrael lơlap lơlang dang pơlao chuơh dơsĭ, hui bơngai klaih đơ̆ng tơdrong yoch,

Both 28:13

Kră Yang gô pôk iĕm jing kơ̆l ưh kơ trŏ kiĕng ôh, tơdah iĕm chu mơ̆ng kiơ̆ dôm nơ̆r tơtă đơ̆ng Kră Yang 'Bok Kei-Dei mă năr 'nâu inh bơtho khan ăn kơ iĕm, iĕm gô oei adrol tơ kơpal ling-lang, ưh kơ trŏ tuch-luch dah oei tơ kơđeh.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.