Je 31:40 - Sơ̆p Hlabơar Nơ̆r 'Bok Kei-Dei

⁴⁰ Jơ̆p lăm thŭng atâu đe lôch păng rơnok kơting, đĭ-đăng chŭn dĭng truh tơ thong đak Kidrôn păng truh tơ mum 'Măng Jang Aseh gah hơlĕch, dôm lu 'noh gô klah 'măn lê̆ pha 'lơ̆ng rơgoh ăn kơ Kră Yang păng pơlei oei oei ling-lang ưh kơ đei bu buch lê̆ păng pơrăm dơ̆ng.”

Je 31:40 ပူးပေါင်းရင်းမြစ်များ

II Sam 15:23

Đĭ-đăng kon pơlei lăm pơlei Jêrusalem nhơ̆m ôr re kơplah lu khŭl tơpôl kon pơlei yak năm. Pơtao năm rok trong thŭng Kidrôn păng đĭ-đăng kon pơlei pơla năm rok tơklă tơ trong gah tơmăn glă.

II Pot 11:16

Đe rôp chông yă ei tơ hnam pơtao sư kơplah sư oei rok trong năm mơ̆t tơ anih pơtao 'bơ̆t trong 'măng jang 'măn kơ aseh mơ̆t, na đe pơlôch sư tơ noh.

II Pot 23:12

Pơtao Jôsia kư̆m teng lê̆ lu chơnang soi mă lu pơtao đe Juđa pơm kơpal bơbŭng hnam kơjung, hnam pơtao Ahas; na gah lu chơnang soi mă Manase đei pơdơ̆ng 'bơ̆t 'bar tŏ cham hnam akŭm kơkuh kơ Kră Yang, sư tơlơ̆ păng teh pơchah lê̆, na chĕp ba săi lê̆ kơcheh sư lăm thŭng Kidrôn.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

II Ho 23:15

Na đe rôp yă ei 'bơ̆t 'Măng Jang Aseh, na đe pơlôch hloi sư tơ noh.

Ne 3:28

Lu 'bok soi tơm hơmet gah kơpal kơ 'măng jang Aseh rim 'nu pơm hơmet tơklă hnam lu sư kơdih.

Horiso 48:9

Ơ Kră Yang 'Bok Kei-Dei, lăm Hnam akŭm kơkuh kơ Ih. Lu nhôn tơtĭnh 'blŏk kơ tơdrong 'mêm mơnat đơ̆ng Ih.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 18:7

Tơdah Inh pơma 'bơm kơ minh adrĕch adrung noh gô buch hŭt, pơrăm lê̆, pơlôch lê̆.

Je 32:36

Ih đei khan gah pơlei tih âu pơlei noh pơjao boih lăm ti pơtao Babilôn hăm đao gưm, pơngot rơwĕt, jĭ apoh, mă-lei Kră Yang 'Bok Kei-Dei bơngai Isơrael khan:

Je 8:2

Đe gô sơ̆k kơting noh tơ tŏ măt 'năr măt khei păng lu sơnglŏng đơ̆ng plĕnh ti, noh tơmam mă lu sư 'mêm kơeng, chơchă kơkuh awih awăn, kiơ̆. Lu kơting noh đe ưh pă đei dônh pơpôi, ưh pă 'bŭ dơ̆ng; gô jing thoi mơ̆r kơpal teh.

Êsêkiên 37:2

Sư chông inh nơnăm juang jơ̆p kơ kơting noh; 'bôh tơ lăm thŭng dơnă noh đei kơting lơ păng kro krĕnh boih.

Êsêkiên 37:25

Lu sư gô oei arih sa lăm char mă Inh ăn kơ Jakôp đĭch đam Inh char mă 'bok yă lu sư oei sơ̆. Lu sư, kon sâu lu sư, gô oei tơ noh ling-lang; đĭch đam Inh Đawit jing pơtao lu sư hlŏng hloi.

Êsêkiên 39:29

Inh ưh pă ôn muh măt Inh kơ lu sư dơ̆ng, yua kơ Inh gô ăn Yang Bơhngol 'Lơ̆ng Inh kơ adrĕch Isơrael, Kră Yang khan thoi noh.”

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Sa 14:11

Lu đe gô oei tơ noh, đe ưh pă hiap sư dơ̆ng, mă-lei Jêrusalem gô oei hiôk-hian.

Sa 14:20

Lăm năr noh, gô chhơ̆ chư tơ krĕng-nĕng aseh thoi âu: “'LƠ̆NG RƠGOH KƠ KRĂ YANG!” Lu gŏ lăm hnam Kră Yang gô nhen thoi lu pơnhan kơpal gơ'bang soi.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.