Je 31:38 - Sơ̆p Hlabơar Nơ̆r 'Bok Kei-Dei

³⁸ Kră Yang khan: “Gô đei 'năr, pơlei tih đe gô pơdơ̆ng dơ̆ng kơ Inh đơ̆ng Hnam Thôt Hananêl truh tơ 'Măng Jang Mum.

Je 31:38 ပူးပေါင်းရင်းမြစ်များ

Sa 14:10

Đĭ-đăng jơ̆p kơ teh đak gô jing teh dơhnă, iŏk đơ̆ng Gêba truh tơ Rimôn. Gah gơal kơ pơlei Jêrusalem, pơlei tih âu đe gô hơtŏk sư tơ anih sư, đơ̆ng 'măng jang Bênjamin truh tơ 'măng jang mă blŭng-a păng truh tơ 'măng jang mum, đơ̆ng hnam thôt Hananêl dĭng truh tơ anih pơtao hmĕt đak hơmu pơm sik.

II Pot 14:13

Tơ Bêt Sêmes, Jêhôas pơtao đe Isơrael rôp arih Amasia pơtao đe Juđa kon drŏ-nglo Jôas, sâu Ahasia; đơ̆ng noh năm tơ Pơlei Jêrusalem teng pơchah lê̆ dur Jêrusalem đơ̆ng 'măng jang Êphraim truh tơ 'măng jang Mum, ataih kơjung sư truh tơ 'bar-hrĕng hlok.

Je 30:18

'Nâu Kră Yang khan: “Inh gô iŏk tơwih bơsŭn anih hnam Jakôp đơ̆ng lu sư pơm bơnă, Inh gô mơnat ăn kơ sơnăm dơnŏ lu sư; pơlei tơm tih đe gô pơdơ̆ng tơ đêl teh so sơ̆, hnam pơtao đe gô pơdơ̆ng trŏ 'bơ̆t anih so sơ̆.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

II Ho 26:9

Usia kư̆m pơm tơiung lu hnam thôt lăm pơlei Jêrusalem, 'bơ̆t 'Măng Jang Mum, 'Măng Jang Thŭng, 'bơ̆t dur suăn pơm kơjăp hloh.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Je 23:5

Kră Yang khan: “Năr gô truh tơ anăp âu, Inh gô tơiung đei minh pôm dơng tơpăt chăt đơ̆ng adrĕch Đawit, Sư pơm pơtao pơgơ̆r gơh hơgei, pơm tơdrong 'lơ̆ng tơpăt hơnơ̆ng lăm teh đak.

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Ne 2:17

Na inh khan kơ lu sư thoi âu: “Lu iĕm athei lăng tơdrong anat anot kơ lu bơ̆n dang ei; pơlei Jêrusalem đe phă pơrăm păng lu 'măng jang ŭnh kư̆m sa đĭ boih. Bĕ lu bơ̆n pơdơ̆ng man ming dur pơlei Jêrusalem dơ̆ng, wă kơ lu bơ̆n huay pă kơ mơlâu kơ đe.”

Ne 3:1

Êliasip 'bok soi tơm hăm lu 'nhŏng oh sư 'bok soi nai iung man pơdơ̆ng ming 'măng jang Triu. Lu sư 'măn anih noh 'lơ̆ng rơgoh păng pơm 'bar pah tơnang 'măng lu sư 'măn anih noh 'lơ̆ng rơgoh truh tơ hnam Thôt Mêa păng truh tơ hnam Thôt Hananêl.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 33:7

Inh gô ăn kơ bơngai Juđa păng Isơrael đei hiôk jơnap, Inh gô tơiung pơdơ̆ng teh đak lu sư thoi sơ̆.

Horiso 102:17

Sư gô mơ̆ng nơ̆r lu bơngai pơmat-tat krao khan. Ưh kơ đei pơdê lê̆ dôm nơ̆r lu sư apinh.

Sa 2:6

Kră Yang khan: “Ơ! Lu iĕm kơdâu ôn bĕ, kơdâu lĕch đơ̆ng teh đak gah yă-nơ̆m; yua kơ Inh đei pơm kơ lu iĕm tơklah tơklang tơ puăn pah kial tơ plĕnh.” Kră Yang khan thoi noh: