Je 31:28 - Sơ̆p Hlabơar Nơ̆r 'Bok Kei-Dei

²⁸ Thoi Inh wei boih lu sư trŏ kơ buch lê̆, pơrăm lê̆, pơlôch păng pơm kơ sư pơmat-tat, Inh gô tơiung pơdơ̆ng gô pơtăm ming.” Noh Kră Yang khan.

Je 31:28 ပူးပေါင်းရင်းမြစ်များ

Jop 29:2

Ôi hơpơi rŏ kơ inh gơh arih dơ̆ng thoi lĕ khei 'năr ki sơ̆, 'Bơ̆t mă Kră Yang 'Bok Kei-Dei oei wei-lăng inh;

Horiso 102:16

Kră Yang gô pơjing dơ̆ng pơlei Siôn. Sư gô pơdah Sư kơdih lăm tơdrong ư-ang

Horiso 147:2

Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 1:12

Kră Yang khan kơ inh: “Ih 'bôh trŏ boih, Inh hơđơ̆r wă pơsĭt nơ̆r Inh khan.”

Je 24:6

Inh oei răp lăng wă pơm 'lơ̆ng kơ lu sư, Inh gô chông lu sư wih brŏk tơ char âu, Inh gô tơiung pơdơ̆ng ming păng ưh pă pơrăm lu sư dơ̆ng, Inh wă pơtăm ưh kơ wă buch.

Je 32:41

Na jơhngơ̆m Inh hiôk ăn kơ lu sư pŭn hiôk, hăm đĭ tơdrong tơpăt lăm jơhngơ̆m Inh wă pơtăm lu sư lăm teh đak âu.”

Je 32:42

Kră Yang khan: “Thoi Inh ăn boih tơdrong pơrăm tih kơ kon pơlei 'nâu, Inh kư̆m gô ăn tơdrong pŭn hiôk mă Inh đei pơkă boih hăm lu sư năr âu.

Je 42:10

Tơdah lu iĕm kư̆ oei tơ lăm teh đak âu, Inh gô tơiung lu iĕm ưh kơ pơrăm lu iĕm ôh, gô bơ̆ pơpôi pơtăm ưh kơ buch lê̆ ôh; Inh ưh kơ hiôk kơ tơdrong Inh pơrăm lu iĕm boih.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Je 45:4

Ih athei khan kơ Baruk: ‘Kră Yang khan: Tơmam kiơ Inh pơjing boih Inh gô pơrăm lê̆ sư, kiơ mă Inh đei pơtăm boih Inh gô buch lê̆ sư. Inh gô pơm thoi noh tơ jơ̆p-jang lăm dêh Juđa âu.

Êsêkiên 19:12

Mă-lei sư buch đĭ lăm năr hil mĭl păng klơ̆m lê̆ tơ teh. Kial đơ̆ng hơlĕch tơthu pơm kơ tơm sư kro, plei sư hơlŭng, đĭ dơng tih kư̆m jô kro păng ŭnh sa đĭ.

Êsêkiên 36:10

Lăm char ih Inh gô ăn kon pơlei adrĕch adrung Isơrael rai lơ, tơ lu pơlei ih gô đei bơngai oei, lu anih mă đêl pơchah đe gô tơiung hơmet.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Am 9:14

Inh gô chông lu bơngai Isơrael brŏk đơ̆ng pơm bơnă, lu sư gô pơjing pơdơ̆ng dơ̆ng lu pơlei tih mă đêl đe pơrăm păng oei hloi tơ noh. Lu sư gô choh pơtăm mir hơmu păng huch đak sư, gô choh pơtăm war mir pơgar hla 'nhot, plei 'long păng gô sa plei sư.

Sa 8:14

Yua kơ Kră Yang Tih Hloh khan: “Thoi Inh đei ăn tơdrong răm tơ lu iĕm, kơplah lu 'bok yă iĕm pơm tơblĕk Inh, Inh đei pơkă boih wă phak lu iĕm, Inh ưh kơ lê̆ ôh.” Kră Yang Tih Hloh khan thoi noh,

Sa 8:15

“na năr 'nâu kư̆m lei-lăi, Inh pơkă wă pơm 'lơ̆ng kơ pơlei Jêrusalem păng hnam Juđa: Lu iĕm 'nĕ kơ hli!

Jang 15:16

‘Kră Yang 'Bok Kei-Dei khan: Đơ̆ng rŏng kơ noh dơ̆ng Inh gô ăn kơ adrĕch adrung Đawit pơgơ̆r dơ̆ng. Dang ei thoi lĕ kơ hnam sư oei hiah, Inh wă pơm ming dơ̆ng,

Both 30:9

Kơplah noh Kră Yang 'Bok Kei-Dei iĕm: Sư gô ăn tơdrong pŭn tih lăm dôm tơdrong jang đơ̆ng tơpang ti iĕm pơm ăn kơ kon sâu iĕm hrôh ngôh rai lơ, sem dơrong, chek lar păng 'ba hơ'bo đơ̆ng chŭn mir gơh đei mah rơkah rơkai; Kră Yang lăp đon mơnat ăn pŭn hiôk kơ iĕm, thoi Sư lăp đon ăn pŭn hiôk kơ lu 'bok iĕm.