Je 31:20 - Sơ̆p Hlabơar Nơ̆r 'Bok Kei-Dei

²⁰ “Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Je 31:20 ပူးပေါင်းရင်းမြစ်များ

Bl 43:30

Jôsep lăng oh sư, na sư 'brơ̆k mơnat lĕch đak măt sư kơdâu lĕch tơ 'nguaih wă kơ chă anih nhơ̆m. Sư mơ̆t lăm hnam tơ anih sư na nhơ̆m.

I Pot 3:26

Mă-lei mĕ kon nge mă oei arih 'noh ưh kơeng, yua kơ sư 'mêm mơnat kơ kon sư dêh na sư khan kơ pơtao: “Ơ yŏng inh! Apinh ih ăn kơ bơngai 'noh kon nge mă oei arih 'nâu, ih 'nĕ kơ pơlôch sư.” Mă-lei mĕ bơngai nge lôch bơih 'noh khan: “Sư kư̆m ưh kơ trŏ kon inh, păng kư̆m ưh kơ trŏ kon ih blah song băl đĕch.”

Horiso 103:13

Thoi 'bă 'mêm kơ kon hơ'lơ̆p sư dang yơ. Kră Yang 'mêm kơ lu bơngai bu mă hli yom kơ Sư dang noh mơ̆n.

Tơdrông Pơđơk 3:12

Yua kơ Kră Yang teh bơtho bơngai bu mă Sư 'mêm, Thoi 'bă teh bơtho kon sư 'mêm.

Hơri Hiôk 5:4

Pơyô inh 'bot ti sư tơ bơlôh chơkăl 'măng, Jơhngơ̆m inh chhưu pơpơ̆ yua kơ sư.

Êsai 16:11

Jơhngơ̆m inh hmoi kơ Môap thoi brŏ reh sơ'ngon, jơhngơ̆m inh ơh kơ pơlei Kirhêres kư̆m lei-lăi mơ̆n.

Êsai 30:18

Mă tơpă, Kră Yang oei gô wă pơm 'lơ̆ng kơ lu iĕm, Tơpă Sư gô 'mêm mơnat kơ lu iĕm. Kră Yang jơ̆ Kră Yang 'Bok Kei-Dei 'lơ̆ng tơpăt. Pŭn hiôk dêh kơ bơngai bu oei chang gô Sư!

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Je 3:12

Năm bĕ tơ gah yă-nơ̆m ră roi tơdrong 'nâu: Kră Yang khan: ‘Ơ Isơrael bơngai mă ưh kơ tơpăt, brŏk bĕ! Inh lăng tơ iĕm muh măt Inh huay pă thoi 'maih hil boih, yua kơ Inh băt 'mêm mơnat: Inh ưh pă hil ling-lang dơ̆ng boih,’ Kră Yang khan.

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 33:26

Lei Inh gô achăng lê̆ adrĕch adrung Jakôp păng Đawit, đĭch đam Inh, na Inh ưh kơ đei rơih bu lăm kon sâu drŏ-nglo sư wă pơgơ̆r kon sâu Abraham, Isăk păng Jakôp. Tơpă Inh gô ăn kơ lu sư đei pŭn hiôk jơnap păng Inh gô 'mêm mơnat kơ lu sư.”

Je 48:36

Thoi noh, jơhngơ̆m Inh hmoi ôr re thoi 'lal yua kơ char Môap; Inh kư̆m hmoi ôr re thoi 'lal kơ lu kon pơlei Kir Hareset, mŭk tơmam lu sư mong răk hiong đĭ boih.

Nhom 3:22

Noh jơ̆ tơdrong mơnat đơ̆ng Kră Yang. Na lu bơ̆n oei arih, tơdrong 'mêm Sư ưh kơ đei layơ tôch;

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

Luka 15:24

yua kơ kon inh nhen lĕ lôch boih, mă-lei arih dơ̆ng. Sư hiong boih, mă-lei dang ei 'bôh sư dơ̆ng.’ Thoi noh lu sư ngôi pơchơt băl hloi.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Philip 1:8

'Bok Kei-Dei băt mơ̆n inh 'mêm kơ iĕm, kư̆m thoi Yêsu Krist 'mêm kơ iĕm.

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.