Je 31:18 - Sơ̆p Hlabơar Nơ̆r 'Bok Kei-Dei

¹⁸ Inh kơtơ̆ng boih bơngai Êphraim nhơ̆m hmoi: ‘Ih phak bơtho inh boih, thoi đe pơjuăt kon rơmo mă tam biơh tah 'long ăt, inh pŭ iŏk boih. Apinh Ih iŏk inh brŏk bĕ, na inh gơh brŏk đei hiôk-hian, yua kơ Ih boih Kră Yang 'Bok Kei-Dei inh,

Je 31:18 ပူးပေါင်းရင်းမြစ်များ

Jop 5:17

“'Nâu, pŭn dêh kơ bơngai mă Kră Yang 'Bok Kei-Dei teh bơtho, thoi noh 'nĕ kơ lăng hơi, kơ Kră Yang Tih Hloh teh bơtho.

Horiso 118:18

Kră Yang phak bơtho inh dêh tơpă. Mă-lei huay ăn kơ inh truh kơ lôch.

Horiso 119:67

Adrol kơ đei tơdrong pơmat-tat inh đĭ jrok boih; Mă-lei dang ei inh wei răk nơ̆r Ih.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Horiso 31:15

Chăl arihf inh, lăm ti Ih, Apinh Ih dŏng pơklaih inh dơ̆ng ti lu bơngai ayăt păng đơ̆ng lu bơngai pơmat inh,

Horiso 32:9

'Nĕ kơ thoi aseh păng aseh iĕ, ưh kơ đei đon tơchĕng, Iŏk bĕ dam pơhơ̆p, tơlei pơhơ̆p 'nao na gơh pơhơ̆p 'bơ̆r lu sư. Tơdah ưh, lu sư ưh kơ năm jê̆ Ih.

Horiso 80:19

Ơ Kră Yang, 'Bok Kei-Dei Tih Hloh, apinh Ih tơiung lu nhôn dơ̆ng. Păng pơdah bĕ muh măt Ih wă kơ lu nhôn gơh klaih.

Horiso 80:3

Ơ Kră Yang 'Bok Kei-Dei, apinh Ih tơiung lu nhôn dơ̆ng. Pơdah bĕ muh măt Ih wă kơ lu nhôn gơh klaih.

Horiso 80:7

Ơ Kră Yang 'Bok Kei-Dei Tih Hloh, apinh Ih tơiung lu nhôn dơ̆ng, pơdah bĕ muh măt Ih wă kơ lu nhôn gơh klaih.

Horiso 85:4

Ơ Kră Yang 'Bok Kei-Dei Tơ'ngla dŏng pơklaih lu nhôn, apinh Ih tơiung lu nhôn dơ̆ng bĕ. Apinh Ih lê̆ pă blĕk kơ lu nhôn.

Horiso 94:12

Ơ Kră Yang, pŭn dêh kơ bơngai bu mă Ih đei bơtho pơhrăm, Păng bơtho ăn khôi juăt Ih kơ sư.

Tơdrông Pơđơk 26:3

Tơnguĕt yua teh aseh, dam pơhơ̆p ăn aseh iĕ. 'Long băl 'măn kơ teh rŏng lu bơngai kơtul.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Tơdrông Pơđơk 3:11

Ơ dăm, ih 'nĕ kơ klai ơh kơ tơdrong Kră Yang teh bơtho, Kŭm 'nĕ kơ ơh tơdah Sư chrih.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Êsai 51:20

Lu kon pơlei ih lôch hơngơ̆t bơih, lu sư 'bĭch tơ rim mum trong pơlei. Nhen thoi kon juei hrơ̆p lăm hơnhuăl. Nhen thoi 'bĕnh hăm tơdrong Kră Yang hil mĭl păng tơdrong Kră Yang 'Bok Kei-Dei chrih.

Êsai 53:7

Sư đe teh pơjuă păng pơmat, mă-lei ưh kơ đei pơma minh nơ̆r, nhen thoi triu đe dui wă pơm 'nhĕm, nhen thoi triu kơmlo dơ̆ng 'bơ̆t anăp bơngai yuă sŏk sư ưh kơ đei tơlĕch minh nơ̆r.

Êsai 63:16

Mă-lei Ih bơih 'Bă lu nhôn mă khan Abraham ưh kơ băt kơ lu nhôn Isơrael kư̆m ưh kơ jô̆ lu nhôn; Ơ Kră Yang Ih jơ̆ 'Bă lu nhôn. Anăn Ih jơ̆ Tơ'ngla dŏng pơklaih lu nhôn ling-lang đơ̆ng sơ̆.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 17:14

Ơ Kră Yang apinh Ih ming pơklaih inh, na inh gơh klaih; apinh Ih dŏng pơklaih inh na inh gơh klaih: Ih boih mă Tơ'ngla inh bơnê ư-ang.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 31:6

Gô đei năr lu bơngai gak tơ kơpal kông Êphraim ôr krao: Iung bĕ bơ̆n tŏk tơ kông Siôn, năm kơkuh kơ Kră Yang, 'Bok Kei-Dei lu bơ̆n!’ ”

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Nhom 5:21

Ơ Kră Yang, dui tơwih lu nhôn brŏk tơ Ih bĕ, na lu nhôn gơh brŏk, Pơm ming năr lu nhôn jing 'nao thoi sơ̆.

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

Hôsia 10:11

Êphraim thoi minh pôm kon rơmo adruh đĭ pơjuăt boih, wă pơjuă 'ba; mă-lei Inh gô dan 'long ăt tơ kơpal hơko bek 'lơ̆ng sư. Inh gô ăn kơ đe hao kơpal hơko Êphraim; na Juđa gô rơuơ păng Jakôp gô preh pơhĕch teh kơ sư kơdih.

Hôsia 4:16

Lu bơngai Isơrael kơchu thoi rơmo akăn kơchu, na thoi yơ Kră Yang wă 'me rong lu sư thoi kon triu lăm tơmăn 'nhĕt să.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Jôna 3:10

Kơplah noh Kră Yang 'Bok Kei-Dei 'bôh tơdrong lu sư hŭt achăng lê̆ đĭ trong kơnê̆, Kră Yang 'Bok Kei-Dei 'mêm mơnat ưh kơ pơrăm lu sư kiơ̆ thoi sư đei pơkă wă pơrăm.

Jêphania 3:2

Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Malachi 4:6

Sư gô pơm ăn kơ jơhngơ̆m 'bă hơlơ̆k 'blŏk kơ kon sâu sư, kon sâu sư gô hơlơ̆k 'blŏk kơ 'bă lu sư, hli kơnh Inh wă pơrăm teh âu hăm tơdrong hiap.”

Jo 2:18

Hla-kơ khŭl kơđông linh Êphraim păng lu linh sư athei oei tơ gah bơmơ̆t. Yŏng kơdră bơngai Êphraim noh Êlisama kon drŏ-nglo Amihut;

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Jang 3:26

'Bok Kei-Dei wơh Kon Sư năm tơ bơ̆n đe khŭl Isơrael hơdrol 'mơ̆i wă pơklaih đĭ-đăng kơ bơ̆n đơ̆ng tơdrong yoch ăn kơ bơ̆n hiôk ling-lang.”

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Hêbrơ 12:5

Iĕm hiơt boih hă tơdrong 'Bok Kei-Dei pơlung bơ̆n wă kơ bơ̆n huay kơ sơ'ngon? Lăm sơ̆p hla bơar Sư đei chih khan kơ bơ̆n thoi âu: “Ơ dăm, e 'nĕ kơ hli ôh 'Bok Kei-Dei bơtho pơjĭ 'biơ̆ e. E 'nĕ kơ rai pơhơi 'bơ̆t Sư bơtho tơbral e.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.