Je 31:14 - Sơ̆p Hlabơar Nơ̆r 'Bok Kei-Dei

¹⁴ Inh gô ăn kơ lu 'bok soi đei tôm tơmam kăl yua, Lu kon pơlei Inh gô đei tôm tơmam kăl yua rơkah rơkai” Noh Kră Yang khan.

Je 31:14 ပူးပေါင်းရင်းမြစ်များ

II Ho 6:41

Dang ei, ơ Kră Yang 'Bok Kei-Dei, apinh Ih păng Hom Pơgơ̆p mơsêh mơyang Ih mơ̆t lăm anih pơdơh âu, Apinh Ih ơ Kră Yang 'Bok Kei-Dei! Hơpơi kơ lu 'bok soi đei hrŭk iŏk tơdrong dŏng pơklaih. Ăn kơ lu bơngai 'lơ̆ng rơgoh Ih chơt hiôk lăm tơdrong Ih 'mêm mơnat!

Ne 10:39

Yua kơ lu kon pơlei Isơrael păng lu bơngai Lêwi gô chĕp ba, 'ba mi, sik hơmu păng đak rơmă ôliwơ 'nao mơ̆t tơ anih 'măn tơmam, tơ anih lu pơnhan kơchŏk tơmam 'lơ̆ng rơgoh, kơ lu 'bok soi bơ̆jang awih awăn, lu bơngai gak 'măng jang păng lu bơngai hơri. “Thoi noh lu nhôn ưh kơ achăng lê̆ ôh hnam akŭm 'Bok Kei-Dei lu nhôn.”

Horiso 107:9

Yua kơ Sư pơm kơ bơngai rơhing gơh hrăp. Ăn kơ bơngai pơngot, sa phĭ rơkah kơ tơmam sa 'lơ̆ng;

Horiso 132:16

Inh gô pơhrŭk ăn tơdrong dŏng pơklaih kơ lu 'bok soi pơlei noh păng lu bơngai 'lơ̆ng rơgoh sư gô hơri 'nă hal.

Horiso 132:9

Ăn kơ 'bok soi Ih hrŭk iŏk tơdrong 'lơ̆ng tơpăt; Lu bơngai 'lơ̆ng rơgoh Ih gô hơri hiôk chơt.

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 36:8

Lu sư gô et sa hiôk hrăp rơkah rơkai lăm hnam Ih Ih gô ăn kơ lu sư nhă đak krong hiôk-hian Ih.

Horiso 63:2

'Bôh tơdrong mơyang păng, tơdrong ư-ang Ih. Thoi inh 'bôh Ih lăm anih rơgoh.

Horiso 63:5

Bơhngol inh phĭ thoi lĕ sa 'ngăl păng rơmă. 'Bơ̆r inh gô ư-ang hăm hơkŭng hơri bơnê kơ Ih.

Horiso 63:6

Kơplah inh 'bĭch kơpal giơng inh 'blŏk kơ Ih. Na inh kral gak prăt măng tơchĕng kơ Ih ling-lang

Horiso 65:4

Pŭn dêh kơ bơngai bu mă Ih đei rơih păng ăn jê̆ Ih. Wă kơ oei tơ cham Ih: Lu nhôn gô phĭ jơnap đei tơmam 'lơ̆ng đơ̆ng hnam Ih.

Horiso 85:13

Tơdrong tơpăt 'lơ̆ng gô năm adrol 'bơ̆t anăp Sư, gô pơm ăn trong kơ jơ̆ng Sư rok.

Horiso 90:14

Ơ! Apinh Ih ăn kơ lu nhôn rim pơgê hrăp jơhngơ̆m kơ tơdrong Ih 'mêm. Wă kơ đĭ lăm chăl arih lu nhôn chơt hiôk hơri bơnê.

Hơri Hiôk 5:1

Ơ mŏ adruh inh, ŭnh om inh, inh mơ̆t lăm pơgar inh boih! Inh dônh 'long pơgang 'bâu phu inh, Inh sa hơkoh sut păng đak sut inh. Inh huch đak hơmu păng đak toh inh.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Je 31:25

Inh gô ăn kơ lu bơngai gleh lap klaih rơhing păng lu bơngai pă kĕ sa phĭ mah.”

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Je 50:19

Mă-lei Inh gô chông bơngai Isơrael brŏk tơ anih 'nhĕt sư. Lu sư gô sa 'nhĕt tơ kông Karmel păng lăm groi Basan, lu sư gô sa phĭ hrăp tơ groi Êphraim păng lăm char Gileat.”

Êsêkiên 34:14

Inh gô wei rong lu sư tơ anih 'nhĕt 'lơ̆p hơdrih; hơdrong lu sư oei tơ kơpal kông Isơrael, tơ noh lu sư gô 'bĭch pơdơh hiôk-hian păng sa 'nhĕt 'lơ̆p hơdrih tơ jơ̆p kơpal kông Isơrael.

Hagai 2:19

lu iĕm hăm pă đei găr adrĕch hơmet lê̆ lăm pơk ưh? Mă khan truh tơ tơm hơmu 'long hơra, 'long ôliwơ, 'long gărnăt, kư̆m ưh kơ đei tơm 'long ayơ mă đei plei. Mă-lei iŏk đơ̆ng năr âu inh gô ăn pŭn hiôk kơ iĕm.”

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Êphêsô 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, yua kơ Sư ăn kơ bơ̆n tôm tơdrong hiôk 'lơ̆ng tơ plĕnh ti. Bơ̆n đei tôm tơdrong noh yua kơ bơ̆n lui kơ Yêsu Krist.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

Both 33:23

Môis sơkat kơ Naptali: Ơ Naptali pŭn hiôk đơ̆ng Kră Yang, 'bĕnh blai tơdrong pŭn hiôk đơ̆ng Kră Yang, ih iŏk bĕ teh gah bơmơ̆t truh gah gơal dơnâu Galilê.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”