Je 31:13 - Sơ̆p Hlabơar Nơ̆r 'Bok Kei-Dei

¹³ Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Je 31:13 ပူးပေါင်းရင်းမြစ်များ

Esơra 6:22

Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Esther 9:22

yua kơ lăm năr păng khei ei lu bơngai Juđa klaih rơngei đơ̆ng lu bơngai ayăt kơ lu sư păng lu sư gơh đei rơnŭk rơnua. Tơdrong ơh sơ'ngon tơplih boih jing tơdrong chơt hiôk, tơdrong pơmat-tat tơplih boih jing năr sŏng sa chơt hiôk. Sư pơkă kơ lu sư pơm năr noh jing năr giĕng sŏng sa chơt hiôk tơăn băl tơmam lăng jơ̆ng ti păng tơgŭm bơngai dơnuh hin.

Horiso 126:5

Bu rei adrĕch mă lĕch đak măt, Sư gô kĕch iŏk hăm hơri chơt hiôk.

Horiso 148:12

Lu tơdăm păng lu hơdruh hle, lu kră păng lu hơ'lơ̆p.

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 30:11

Ih tơplih boih tơdrong ơh sơ'ngon inh jing tơdrong hiôk chơt Plôh lê̆ ao sơ'ngon inh,f pơhrŭk ăn kơ inh hăm tơdrong hiôk chơt.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 60:20

Măt 'năr ih ưh pă mơ̆t dơ̆ng bơih, măt khei ih kư̆m ưh pă weh hiong, yua kơ Kră Yang bơih tơdrong hơdah ling-lang ăn kơ ih. “Dôm lu năr ih nhơ̆m hmoi ơh sơ'ngon gô tôch đĭ.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Yo 16:22

Iĕm kư̆m thoi noh mơ̆n. Dang ei iĕm sơ'ngon. Mă-lei Inh gô tơ'bơ̆p iĕm dơ̆ng na jơhngơ̆m iĕm chhơp hiôk chơt tơpă, ưh kơ đei bu gơh pơm kơ iĕm sơ'ngon dơ̆ng.

Lu 21:21

Păng lăng mưh 'bôh lu drŏ-kăn đơ̆ng Silô lĕch hơri suang na lu iĕm athei lĕch hloi đơ̆ng pơgar hơmu 'noh, đơ̆ng noh rim 'nu lu iĕm athei rôp iŏk minh 'nu adruh đơ̆ng pơlei Silô 'noh pơm akăn, păng wih brŏk tơ char Bênjamin.