Je 30:24 - Sơ̆p Hlabơar Nơ̆r 'Bok Kei-Dei

²⁴ Kră Yang hil ưh kơ ngach dĭng mă truh tơ Sư pơm keh dôm tơdrong mă Sư wă pơm. Lăm năr tôch kơnh, lu iĕm gô băt hlôh hơđăl tơdrong 'nâu.”

Je 30:24 ပူးပေါင်းရင်းမြစ်များ

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Êsai 14:24

Kră Yang Tih Hloh pơma pơkăm khan: “Tơpă tơdrong Inh pơkă lê̆ bơih sĭt sư gô đei truh, tơdrong Inh tơchĕng lê̆ bơih sư gô jing.

Êsai 46:11

Inh gô krao sem klang đơ̆ng gah hơlĕch; păng krao bơngai đơ̆ng dêh ataih pơm tơdrong inh wă. Tơdrong Inh pơma bơih, Inh gô pơm keh, dôm tơdrong Inh pơkă bơih, Inh gô pơm.

Je 23:19

To kial hơbŭt đơ̆ng Kră Yang lĕch boih, tơdrong Sư hil thoi phŭt huơ̆r, huơ̆r tơ kơpal kơ̆l lu bơngai pơm kơnê̆.

Je 23:20

Tơdrong Kră Yang hil ưh kơ ngach ôh, dĭng mă Sư pơm pơkeh thoi Sư tơchĕng wă. Lăm năr ei kơnh lu iĕm gô băt hơdah tơdrong noh.

Je 4:28

Thoi noh, teh đak âu gô ơh sơ'ngon, plĕnh gô măng mu, yua kơ Inh đei khan, Inh đei pơkă, ưh pă tơplih, ưh pă gơh hơmet nơ̆r dơ̆ng.”

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Je 49:37

Inh gô pơm kơ bơngai Êlam hli tơrơ 'bơ̆t anăp lu ayăt kơ sư, 'bơ̆t anăp lu bơngai wă pơlôch lu sư.” Kră Yang khan: “Inh gô ăn tơdrong răm truh, ăn tơdrong Inh hil mĭl tơtŏ, tuh tơ kơpal lu sư; Inh gô ăn đao gưm druh lu sư, dĭng truh tơ Inh pơlôch pơrăm lu sư.”

Je 49:39

Mă-lei lăm chăl đơ̆ng rŏng, inh gô tơiung lu bơngai Êlam wih brŏk đơ̆ng pơm bơnă. Noh Kră Yang khan.

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

I Sam 3:12

Năr noh, Inh gô pơm 'blep dôm tơdrong thoi inh đei khan lê̆ adrol boih gah hnam dơnŏ Hêli: Đơ̆ng blŭng-a truh tơ tôch.