Je 30:19 - Sơ̆p Hlabơar Nơ̆r 'Bok Kei-Dei

¹⁹ Gô đei nơ̆r hơri bơnê păng chơt hiôk đơ̆ng 'bơ̆r lu sư. Inh gô ăn kơ lu sư rai lơ, ưh pă tŏ sĕt thoi sơ̆. Inh kư̆m ăn kơ đe ư-ang kơ lu sư; ưh pă pơjăm boih.

Je 30:19 ပူးပေါင်းရင်းမြစ်များ

Esơra 6:22

Lăm tơpơh năr lu sư 'blŏk pơm giĕng 'bĕng ưh kơ đei 'buih pông lu sư đei jơhngơ̆m hiôk chơt; yua kơ Kră Yang pơm ăn păng pơm ăn kơ jơhngơ̆m pơtao Asiri đei mơnat, tơgŭm lăm tơdrong pơjing pơm hnam akŭm Kră Yang 'Bok Kei-Dei đe Isơrael.

Ne 8:12

Đĭ-đăng kon pơlei năm sŏng sa păng huch nhă păng tơgŭm ăn tơmam sa pơm tơdrong hiôk chơt tih; yua kơ lu sư đei hlôh 'bôh nhen dôm lu nơ̆r đei bơtho boih kơ lu sư.

Ne 8:17

Kon pơlei khŭl akŭm lu bơngai đơ̆ng pơm bơnă gơh wih brŏk pơm bơsŭn păng oei tơ noh. Yua kơ đơ̆ng chăl Jôsuê kon drŏ-nglo Nun, truh tơ năr noh, kon pơlei Isơrael tam mă biơh pơm et sa tih thoi noh, đei tơdrong hiôk chơt tih dêh.

Horiso 53:6

Ơ! Kuă kơ kiơ đơ̆ng Siôn tơdrong dŏng pơklaih Isơrael jah truh! Kơplah Kră Yang 'Bok Kei-Dei ba tơbrŏk lu kon pơlei sư đêl pơm bơnă. Kơplah noh Jakôp gô chơt hiôk păng Isơrael gô 'nă hal.

Êsai 12:1

Lăm năr noh ih gô khan: “Ơ Kră Yang inh bơnê kơ Ih. Mă khan Ih hil mĭl kơ inh ră, mă-lei tơdrong Ih hil mĭl ưh pă đei bơih păng Ih pơlung inh bơih.

Êsai 26:15

Ơ Kră Yang Ih đei ăn kon bơngai dêh char âu rai lơ, Ih thim ăn kon bơngai dêh char âu rai lơ, Ih bơih đei tơdrong ư-ang, ih pơih ăn kơ hơdral teh đak nhôn rai să.

Êsai 27:6

Lăm Chăl đơ̆ng âu tơ anăp kơnh đe Jakôp sư gô chăt rơh, Isơrael gô bluh tơ'biĕng păng pơkao, gô đei plei 'bĕnh jơ̆p kơ teh đak.

Êsai 35:10

Lu bơngai mă Kră Yang huai iŏk bơih gô brŏk. Năm mơ̆t tơ pơlei Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, na tơdrong ơh sơ'ngon chhŭr nuih gô hiong đĭ.

Êsai 51:11

Kon pơlei mă Kră Yang huai iŏk bơih gô brŏk, Năm mơ̆t tơ Siôn hăm tơdrong hơri chơt hiôk. Tơdrong hơri chơt hiôk ling-lang gô oei lăm kơ̆l lu sư. Lu sư gô đei tơdrong chơt hiôk, 'nă hal, tơdrong ơh sơ'ngon chhŭr nuih gô hiong đĭ.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 52:9

Ơ lu anih bri juơ pơlei Jêrusalem, iung hơri hiôk chơt hơdai bĕ, yua kơ Kră Yang pơlung kon pơlei Sư, huai iŏk dơ̆ng bơih Jêrusalem.

Êsai 55:5

Na iĕm gô krao pơtơm teh đak mă iĕm ưh tam mă băt. Teh đak ưh tam mă băt kơ iĕm gô kơdâu năm tơ iĕm. Yua kơ đơ̆ng Kră Yang 'Bok Kei-Dei iĕm păng Tơ'ngla 'Lơ̆ng Rơgoh Isơrael, jơ̆ Tơ'ngla pôk ư-ang kơ iĕm.”

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 60:22

Bơngai tŏ sĕt hloh gô jing rơbâu hơngan. Bu iĕ hloh gô jing minh khŭl kon pơlei pran kơtang Inh bơih Kră Yang gô pơm pơkeh tơdrong 'noh trŏ kơ khei 'năr.”

Êsai 60:9

Tơpă lu bŏl đak dơsĭ răp gô Inh ngơ-ngei, lu duk Tarêsi adrol hloh gô năm ba lu kon drŏ-nglo ih wih đơ̆ng ataih, hơdai hăm hu maih lu sư, wă kơkuh kơ anăn Kră Yang, 'Bok Kei-Dei ih Tơ'ngla 'lơ̆ng Rơgoh Isơrael, yua kơ sư pơm bơih kơ ih đei tơdrong ư-ang.

Je 17:26

Đei bơngai gô truh đơ̆ng lu pơlei Juđa păng truh đơ̆ng jơ̆p-jang pơlei iĕ tăp dăr kơ pơlei Jêrusalem, đơ̆ng lăm char Bênjamin, đơ̆ng tơnăp groi, gah bơmơ̆t, đơ̆ng kông groi, đơ̆ng char glă gah gơal, wă chĕp tơmam soi 'buh, lu tơmam soi thoi phe, 'ba, tơmam 'bâu phu păng tơmam soi bơnê tơ hnam Kră Yang.

Je 3:16

Kră Yang khan: “Mưh lu iĕm chek lar rai lơ lăm teh đak ưh pă bu 'blŏk kơ Hom Pơgơ̆p Kră Yang dơ̆ng! Ưh pă đei bu tơ'blŏk, ưh pă tơchĕng dơ̆ng lăm kơ̆l 'ngok ưh pă đei bu roi gah Hom pơgơ̆p, ưh pă đei bu 'mêm hmach păng ưh pă đei bu pơm plơ̆ng dơ̆ng.

Je 31:27

Kră Yang khan: “Lăm năr tơ anăp âu kơnh Inh gô rei adrĕch kon bơngai hăm adrĕch sem dơrong lăm char Isơrael păng char Juđa.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Je 33:22

Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Êsêkiên 37:10

Thoi noh inh khan lê̆ adrol thoi Kră Yang tơtă kơ inh; hơyuh kial arih mơ̆t boih tơ lăm lu akâu lôch; lu sư iung arih boih păng dơ̆ng hăm jơ̆ng lu sư kơdih, jing kon bơngai lơlap lơlang thoi minh khŭl linh lơ.

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Sa 10:8

Inh wă krao pơpôi lu sư, yua kơ Inh huai iŏk lu sư boih; lu sư đei thim rai lơ thoi sơ̆.

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Sa 2:4

Păng khan kơ sư thoi âu: “Kơdâu năm roi kơ bơngai tơdăm noh bĕ: ‘Jêrusalem gô đei kon pơlei oei păng kư̆m nhen pơlei ưh kơ đei dur war, yua kơ đei lơ kon pơlei păng lu sem dơrong oei tơ lăm noh.’

Sa 8:19

Kră Yang Tih Hloh đei khan thoi âu: “Tơdrong ơ̆t kơ sŏng sa lăm khei puăn păng tơdrong ơ̆t kơ sŏng sa lăm khei pơđăm, tơdrong ơ̆t kơ sŏng sa lăm khei tơpơh, tơdrong ơ̆t kơ sŏng sa lăm khei mơjĭt noh gô đei tơdrong chơt hiôk, 'nă hal păng et sa chơt hiôk kơ hnam Juđa. Thoi noh hưch hanh bĕ tơdrong tơpăt păng chơt hiôk.”

Yo 17:22

Ih ăn kơ Inh oei hơdai hăm Ih hiôk hơiă tơpă, na Inh kư̆m asong ăn kơ lu sư thoi noh mơ̆n, wă kơ lu sư pôm đon dih băl kư̆m thoi ba pôm đon mơ̆n.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.