Je 30:15 - Sơ̆p Hlabơar Nơ̆r 'Bok Kei-Dei

¹⁵ Liơ iĕm oei ôr krao yua kơ rơka iĕm? Tơdrong jĭ iĕm hơmet pă gơh klaih boih. Yua kơ tơdrong kơnê̆ iĕm trăp dêh, tơdrong yoch iĕm lơ dêh; noh Inh pơm kơ iĕm.

Je 30:15 ပူးပေါင်းရင်းမြစ်များ

Esơra 9:13

Na đơ̆ng rŏng kơ tơdrong truh phak lu nhôn, noh yua kơ đơ̆ng tơdrong lu nhôn pơm yoch tih dêh, Ih 'bôh ơ Kră Yang 'Bok Kei-Dei lu nhôn! Tơpă Ih ưh kơ wă phak lu nhôn trŏ thoi tơdrong yoch lu nhôn đei pơm ôh păng ăn kơ lu nhôn oei klaih klăi thoi âu;

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Jop 34:6

Mă khan inh 'lơ̆ng tơpăt ră, đe jô̆ boih inh bơngai pơma hơlĕnh; Mă khan inh ưh kơ đei pơm yoch, rơka inh hơmet kư̆m ưh kơ gơh klaih,’

Horiso 107:17

Lu bơngai kơ hlôh đei tơdrong gleh yua kơ pơm tơdrong yoch păng tơdrong kơnê̆.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 5:2

Sư choh teh preh dônh lê̆ tơmo đĭ, sư pơtăm rơih iŏk tơm hơmu bluh 'lơ̆ng, sư pơdơ̆ng minh pôm hnam thôt tŏk-bŏk pơgar păng sir minh pôm sơlŭng wă hmĕt iŏk đak hơmu sư. Sư hơmĕng hơmu sư đei plei 'lơ̆ng mă-lei tă kơ plei đĭ wir.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 15:18

Yua kơ kiơ tơdrong chhŭr nuih inh oei đei ling-lang, jĭ rơka lăm jơhngơ̆m inh rai dêh ưh kơ kĕ kơ klaih? Hăm trŏ Ih pơm kơ inh thoi thong đak ro ưh kơ tơpă, thoi tu đak hrĕng kro?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 30:12

Kră Yang khan: “Tơdrong jĭ rơka iĕm ưh pă gơh klaih boih; rơka jĭ iĕm jrŭ dêh.

Je 30:14

Bơngai mă pơgơ̆p hăm iĕm hiơt kơ iĕm boih, lu sư ưh pă hiơ̆k kơ iĕm boih, Inh teh iĕm rơka thoi lu ayăt teh. Inh teh phak lu iĕm kư̆m thoi lu bơngai kơnê̆ phak, Yua kơ tơdrong kơnê̆ iĕm trăp tơpă, tơdrong yoch iĕm lơ dêh.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 46:11

Ơ adruh hơlai kon adruh Êyiptơ, Năm tŏk bĕ tơ char Gileat iŏk đak pơgang pik; mă ih yua lơ pơgang kư̆m; ưh kơ klaih! Rơka ih hơkar kư̆m ưh kơ tơsir.

Je 6:13

“Iŏk đơ̆ng bơngai kơhlôh truh tơ bơngai hơgei, tă kơ chă lơi ngăl. Đơ̆ng lu bơngai khan lê̆ adrol truh tơ lu 'bok soi kư̆m sa pơgâm.

Nhom 1:5

Bơngai ayăt kơ sư jing yŏng, bơngai blah sư jing pŭn hiôk; Yua kơ 'Bok Kei-Dei pơmat sư, yua kơ tơdrong yoch sư lơ dêh. Lu kon hơ'lơ̆p sư lu ayăt rôp pơm bơnă.

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Nhom 3:39

Yua kơ kiơ mă bơngai oei arih oei jŏk roi, yua kơ pŭ phak đơ̆ng tơdrong yoch sư kơdih.

Nhom 4:13

Noh đơ̆ng tơdrong yoch lu bơngai khan lê̆ adrol sư păng tơdrong kơnê̆ lu 'bok soi sư. Lu sư tŭk boih pham lu bơngai tơpăt.

Mi 1:9

Yua kơ rơka sư ming pă klaih boih. Sư kư̆m năm truh tơ char Juđa, truh boih tơ 'măng jang kon pơlei inh, wă khan truh tơ Jêrusalem.

Mi 7:9

Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Na 3:19

Rơka ih ưh kơ đei pơgang ming klaih, rơka ih jrŭ dêh truh kơ lôch na lu bơngai bu kơtơ̆ng đe roi gah ih lu sư tap ti kơ ih yua ưh kơ đei bơngai bu mă ih ưh kơ đei pơm kơnê̆ thoi ih ngăl juăt kơ pơm ling-lang.