Je 30:13 - Sơ̆p Hlabơar Nơ̆r 'Bok Kei-Dei

¹³ Ưh kơ đei bu tơgŭm iĕm, ưh kơ đei pơgang kiơ wă kơ iĕm huay kơ jĭ, rơka jĭ iĕm ưh pă tơsir boih.

Je 30:13 ပူးပေါင်းရင်းမြစ်များ

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Horiso 142:4

Ih lăng gah 'ma kơ inh 'bôh ưh kơ đei bu băt 'blŏk kơ inh; Inh kư̆m pă đei anih ayơ wă ôn kơ'nơp. Ưh kơ đei bu hiơ̆k tơdrong arih inh.

Le 15:26

Sư khan: Tơdah iĕm mơ̆ng nơ̆r Kră Yang 'Bok Kei-Dei, pơm 'lơ̆ng tơpăt 'bơ̆t anăp Inh tơdah iĕm mơ̆ng nơ̆r tơtă păng wei răk dôm tơdrong juăt Inh, lei Inh ưh kơ đei tuh kơ iĕm minh tơdrong jĭ jăn mă inh tuh ăn boih kơ dêh Êyiptơ; Inh boih Kră Yang, tơ'ngla pơklaih iĕm đơ̆ng jĭ jăn.

Êsai 1:6

Đơ̆ng tơpang jơ̆ng truh tơ kơpal kơ̆l, ưh kơ đei 'bơ̆t yơ 'lơ̆ng. Tă kơ pơ'ngeh đêl teh păng rơka pham ro, tam mă ôp hăm pơ̆n hơmet păng tam mă pik đak pơgang rơmă ôliwơ mơ̆n.

Êsai 59:16

Sư 'bôh ưh pă đei bu tơgŭm păng Sư lăng hlĭch ưh pă đei bu krao, chă tơgŭm băl Na Kră Yang yua hloi ti Sư kơdih dŏng pơklaih; păng iŏk tơdrong 'lơ̆ng tơpăt Sư kơdih na tơiung tơgŭm.

Je 14:19

Lei Ih wă achăng lê̆ lu bơngai Juđa hă? Ih kư̆m areh kơ Siôn hă? Liơ ih teh tôn lu nhôn, dĭng mah rơka lu nhôn hơmet pă klaih? Lu nhôn hơmĕng rŏ kơ hiôk-hian, Mă-lei ưh kơ đei tơdrong 'lơ̆ng; lu nhôn wă kơ gơh klaih, mă-lei rai tơ'bơ̆p tơdrong hli krưp.

Je 17:14

Ơ Kră Yang apinh Ih ming pơklaih inh, na inh gơh klaih; apinh Ih dŏng pơklaih inh na inh gơh klaih: Ih boih mă Tơ'ngla inh bơnê ư-ang.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 33:6

“Inh gô ăn kơ lu sư pran kơtang păng ăn kơ lu sư klaih rơngơp; Inh gô pơklaih pơlei âu, Inh gô ăn kơ lu sư hiôk-hian chơt 'nă hal tơpă.

Je 46:11

Ơ adruh hơlai kon adruh Êyiptơ, Năm tŏk bĕ tơ char Gileat iŏk đak pơgang pik; mă ih yua lơ pơgang kư̆m; ưh kơ klaih! Rơka ih hơkar kư̆m ưh kơ tơsir.

Je 6:7

Thoi đak sơlŭng lĕch thoi yơ, tơdrong kơnê̆ lu sư kư̆m lĕch thoi noh. Kơtơ̆ng đei tơdrong kơnê̆ păng pơrăm tơ lăm pơlei noh, tơdrong jĭ jăn, rơka rơkĕch oei 'bơ̆t anăp Inh ling-lang.

Je 8:22

Lăm dêh Gileat hăm pă đei 'long pơgang pơklaih rơka ưh? Hăm pă đei 'bok pơgang tơ noh? Liơ mă rơka lu kon pơlei inh ưh kơ klaih?

Nhom 2:13

Liơ inh gơh pơting hăm iĕm, Wă kơ gơh pơlung iĕm; Ơ kon adruh pơlei Siôn? Yua kơ rơka lu iĕm jrŭ thoi đak dơsĭ. Bu wă gơh ming klaih?

Êsêkiên 22:30

Inh chă lăng minh 'nu bơngai lăm lu sư, wă man pơdơ̆ng ming dur, wă kơ tơplih kơ pơlei, lăm teh đak păng dơ̆ng chĭt bơlôh dur 'bơ̆t anăp Inh, wă kơ Inh huay kơ pơrăm teh đak lu sư; mă-lei Inh chă ưh kơ đei bu.

Êsêkiên 30:21

“Ơ kon bơngai, Inh gơ̆ lê̆ boih ti Pharaôn, pơtao Êyiptơ. Âu, sư ưh pă gơh pơ̆n ming hơmet wă kơ klaih; wă kơ pran dơ̆ng wă kơ gơh chĕp đao.

Hôsia 14:4

Inh gô ming pơklaih tơdrong lu sư blơ̆ blĕch kơ Inh, Inh 'mêm tơpă kơ lu sư boih, Inh pă hil kơ lu sư boih.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Na 3:19

Rơka ih ưh kơ đei pơgang ming klaih, rơka ih jrŭ dêh truh kơ lôch na lu bơngai bu kơtơ̆ng đe roi gah ih lu sư tap ti kơ ih yua ưh kơ đei bơngai bu mă ih ưh kơ đei pơm kơnê̆ thoi ih ngăl juăt kơ pơm ling-lang.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

I Yo 2:1

Ơ lu kon hơ'lơ̆p, dang ei inh đei chih ăn kơ iĕm kơthơ âu wă kơ iĕm huay pă pơm yoch. Mă-lei bơngai bu yoch, sư đei minh 'nu Bơngai pơma kơ 'Bă bơ̆n 'Bok Kei-Dei wă dŏng bơ̆n. Bơngai 'noh anăn Sư Yêsu Krist mă 'lơ̆ng tơpăt.