Je 3:25 - Sơ̆p Hlabơar Nơ̆r 'Bok Kei-Dei

²⁵ Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 3:25 ပူးပေါင်းရင်းမြစ်များ

Horiso 106:6

Lu nhôn păng 'bok lu nhôn pơm yoch boih; Lu nhôn đei yoch glăi pơm kơnê̆ tơpă.

Horiso 106:7

Tơ dêh char Êyiptơ 'bok lu nhôn ưh kơ 'bôh tơdrong hlĭch chrơp Ih kư̆m ưh kơ 'blŏk tơdrong Ih 'mêm mơnat dêh Mă-lei rai pơm plơ̆ tơ đak dơsĭ, noh đak dơsĭ 'brê.

Horiso 109:29

Lu ayăt kơ inh gô hrŭk iŏk tơdrong mơlâu. Tơdrong mơlâu gô gom lu sư thoi ao tai,

Tơdrông Pơđơk 13:18

Bơngai bu sơngah kơ tơdrong bơtho pơhrăm gô dơnuh hin păng mơlâu; Mă-lei bơngai bu đei đon iŏk đe chrih bơtho đe gô pơyom.

Tơdrông Pơđơk 5:13

Inh ưh kơ chu bơih nơ̆r lu 'bok bơtho khan; Inh kư̆m kuă kơ pơgling đon mơ̆ng kiơ̆ nơ̆r đe bơtho khan kơ inh.

Êsai 48:8

Iĕm tam mă kơtơ̆ng, tam mă băt. Đơ̆ng sơ̆ đon iĕm tam mă pơih; yua kơ Inh băt kơ iĕm hơlĕnh ling-lang, đơ̆ng năr mĕ iĕm tơpŭ kơ iĕm krao iĕm bơngai blơ̆ blĕch.

Êsai 50:11

'Nâu, đĭ-đăng lu iĕm bơngai tơkuh ŭnh păng tơ̆k ŭnh hơchô̆ hơpaih. Năm rok bĕ gah hơdah ŭnh hơchô̆ hơpaih mă iĕm tơ̆k, Tơdrong 'nâu lu iĕm gô pŭ iŏk đơ̆ng ti Inh, lu iĕm gô 'bĭch lăm tơdrong pơmat-tat!

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Je 14:20

Ơ Kră Yang lu nhôn băt nhôn yoch kơnê̆, păng tơdrong yoch lu yă 'bok lu nhôn pơm; tơpă lu nhôn đei pơm yoch kơnê̆ boih hăm Ih.

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Je 20:18

Yua kơ kiơ đei tơpŭ kơ inh wă kơ inh pơmat-tat, gleh glăn, đĭ chăl arih inh mơlâu ling-lang?

Je 22:21

Inh đei bơtho khan boih kơ ih kơplah ih hiôk jơnap, mă-lei ih khan Inh ưh kơ wă mơ̆ng ôh. 'Nâu tơdrong ih đei pơm boih đơ̆ng ih oei 'lơ̆p sơ̆, ih oei ưh kơ wă mơ̆ng nơ̆r Inh.

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Je 31:19

Tơpă, đơ̆ng rŏng kơ inh weh đơ̆ng Kră Yang, inh tơbral boih; đơ̆ng rŏng kơ inh băt hlôh, inh tŭr kơtơh hmach. Inh mơlâu dêh, Inh pŭ tơdrong mơlâu đơ̆ng pơm yoch đơ̆ng oei tơdăm mơlôh.”

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Je 7:19

Kră Yang khan: “Hăm trŏ lu sư tơblĕk Inh? Hăm trŏ lu sư pơjĭ lu sư kơdih, pŭ iŏk tơdrong mơlâu kơdih?”

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 9:18

Athei lu sư mă kuăng jah nhơ̆m hmoi kơ bơ̆n, Wă kơ măt lu bơ̆n kư̆m lĕch đak măt ăn kơ kon-ngai lăm măt lu bơ̆n đei đak măt ro.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Nhom 5:7

'Bok yă lu nhôn pơm yoch boih, dang ei lu sư lôch đĭ boih. Lu nhôn pŭ iŏk tơdrong kơnê̆ lu sư.

Êsêkiên 2:3

Sư khan: “Ơ kon bơngai Inh wơh ih năm tơ adrĕch adrung Isơrael, truh tơ kon pơlei mă ayăt kơ Inh; lu sư păng lu yă 'bok lu sư pơm yoch ayăt hăm Inh mă truh dang ei;

Êsêkiên 36:32

Kră Yang khan: Ưh kơ sĭ yua kơ lu iĕm na Inh pơm thoi noh, lu iĕm athei băt nhen tơdrong noh, ơ adrĕch Isơrael, lu iĕm athei băt mơlâu kơdih!”

Êsêkiên 44:13

Lu sư ưh kơ gơh năm jê̆ Inh wă pơm 'bok soi 'bơ̆t anăp Inh, lu sư kư̆m ưh kơ gơh năm jê̆ tơmam 'lơ̆ng rơgoh, kư̆m ưh kơ gơh năm jê̆ tơmam mă 'lơ̆ng rơgoh hloh. Mă-lei lu sư gô pŭ tơdrong mơlâu păng lu tơdrong kơnê̆ 'mê̆ krưp mă lu sư hlôi pơm yoch.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Jêphania 1:17

Inh gô ba tơdrong gleh truh kơ kon bơngai. Lu sư gô yak nơnăm thoi lu bơngai măt tol, yua kơ lu sư đei pơm yoch hăm Kră Yang; đe gô 'bet lu sư. Pham lu sư lĕch thoi 'mui teh păng sĕch lu sư thoi 'mê̆ mơ̆r.

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?