Je 3:17 - Sơ̆p Hlabơar Nơ̆r 'Bok Kei-Dei

¹⁷ Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Je 3:17 ပူးပေါင်းရင်းမြစ်များ

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

I Pot 8:41

Gah lu tơmoi nai lu sư ưh kơ lăm lu bơngai Isơrael Ih, mă-lei yua kơ anăn Ih lu sư đơ̆ng dêh ataih truh,

Horiso 102:23

Sư pơm ăn jơhngơ̆m inh rơdu lăm chăl arih inh, Pơm ăn kơ lu năr arih inh rai djăl.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Horiso 87:3

Ơ pơlei Kră Yang 'Bok Kei-Dei, đe roi boih tơdrong ư-ang kơ ih. Sêla

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsai 59:19

Đơ̆ng gah bơmơ̆t đe gô hli yom kơ anăn Kră Yang. Đơ̆ng gah măt 'năr lĕch gô hli pơyom kơ tơdrong ư-ang Sư; yua kơ Sư gô truh thoi đak krong ro jăng hơyuh kial dui jơhngơ̆m đơ̆ng Kră Yang puh pơđông lê̆.

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Êsai 66:20

Kră Yang khan: “Lu sư gô chông ba đĭ-đăng 'nhŏng oh lu iĕm đơ̆ng jơ̆p-jang kơ dêh char thoi tơmam pơyơ̆r soi sơmah kơ Kră Yang ba lu sư hăm aseh, gre aseh, gre tŭn hơnhŭn hơbang, aseh iĕ, aseh lăk-đa truh tơ kông rơgoh Inh tơ pơlei Jêrusalem.” Lu sư chông ba lu sư hăm gre tŭn, gre aseh, aseh, aseh iĕ lăk-đa: ‘Kŭm thoi kon pơlei Isơrael chĕp tơmam soi phe 'ba lăm ge mong tơmam rơgoh lăm hnam akŭm Kră Yang.

Je 11:8

Mă-lei lu sư ưh kơ chu ôh, kư̆m ưh kơ wă mơ̆ng, lu sư yak kiơ̆ kơ jơhngơ̆m kơnê̆ arăng lu sư kơdih. Yua kơ thoi noh na Inh đei phak lu sư kiơ̆ kơ nơ̆r pơgơ̆p âu, nơ̆r pơgơ̆p mă Inh đei tơtă boih kơ lu sư wă kơ pơm kiơ̆ mă-lei lu sư ưh kơ pơm kiơ̆ ôh.’ ”

Je 12:15

Mă-lei đơ̆ng rŏng kơ Inh buch lê̆ lu sư boih, Inh gô mơnat kơ lu sư dơ̆ng. Inh gô anhăk ba lu sư wih tơ char lu sư kơdih păng iŏk teh jang sa.

Je 12:16

Tơdah lu sư pơnam hŏk pơhrăm iŏk kiơ̆ trong kon pơlei pơla Inh păng pơkă pơkăm hăm anăn Inh. ‘Tơpă Kră Yang arih,’ thoi sơ̆ lu sư kư̆m bơtho kon pơlei Inh pơkă hăm yang Baal, kơplah noh lu sư gô oei kơjăp lăm kon pơlei pơla Inh.

Je 14:21

'Nĕ kơ achăng lê̆ lu nhôn; yua kơ anăn Ih, 'nĕ pơm kơ anih pơtao ư-ang Ih đe pơjăm, Apinh Ih 'blŏk bĕ nơ̆r Ih đei pơgơ̆p hăm lu nhôn păng 'nĕ kơ tŭk.

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 17:12

Tang-dŏ Pơtao mă đe ư-ang đei pơjing boih đơ̆ng blŭng-a, noh anih rơgoh mă lu bơ̆n kơkuh pơyom.

Je 18:12

Mă-lei lu sư oei khan: ‘Măk ai kơ nhôn. Lu nhôn oei kiơ̆ kơ đon nhôn kơdih, rim 'nu kư̆ kiơ̆ kơ jơhngơ̆m đon arăng kơnê̆ kơdih.’ ”

Je 3:19

Gah Inh hơpơi: “Rŏ kơ Inh lăng iĕm thoi kon drŏ-nglo Inh, Inh ăn kơ lu iĕm dêh char 'lơ̆ng, teh jang sa 'lơ̆ng hloh kơ đĭ-đăng lu char nai! Inh hơpơi wă kơ iĕm krao Inh ‘'Bă’ Păng ưh pă weh achăng lê̆ Inh.

Je 31:23

Kră Yang Tih Hloh 'Bok Kei-Dei bơngai Isơrael khan: “Kơplah Inh chông tơwih bơngai bơnă brŏk, lăm char Juđa păng tơ rim pơlei gô khan: ‘Ơ lu anih mă 'lơ̆ng tơpăt Kră Yang, kông rơgoh, apinh Kră Yang ăn kơ anih âu pŭn hiôk!’

Je 33:9

Pơlei âu gô ba anăn Inh đei ư-ang hiôk chơt, tơdrong bơnê, 'bơ̆t anăp đĭ adrĕch adrung kon bơngai lăm teh đak; lu sư gô kơtơ̆ng tơdrong 'lơ̆ng mă Inh ăn pŭn hiôk kơ lu bơngai Juđa păng bơngai Isơrael. Lu dêh noh gô tơrơ lăng krưp kơ tơdrong pŭn hiôk păng tơdrong hiôk-hian Inh ăn kơ pơlei âu.”

Je 4:2

Tơdah iĕm pơkă sĭt hăm tơdrong tơpăt hơnơ̆ng, tơdrong trŏ thoi Kră Yang arih sĭt lei teh đak gô đei pŭn hiôk đơ̆ng Sư, Păng lu sư gô ư-ang kơ Kră Yang,”

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Êsêkiên 1:26

Kơpal gơwang tơ rơwơ̆ng kơpal kơ̆l lu kon sem arih đei rup kiơ noh nhen thoi tang-dŏ pơtao pơm păng tơmo rang; kơpal tang-dŏ noh đei rup hơbŏ thoi bơngai.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Sa 8:8

păng ba lu sư brŏk, lu sư gô oei tơ lăm Jêrusalem, jing kon pơlei Inh, gah Inh jing Kră Yang 'Bok Kei-Dei lu sư lăm tơdrong sĭt păng tơpăt.”

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Rom 1:21

Kon bơngai bơ̆n băt kơ đei 'Bok Kei-Dei, mă-lei kuă bơnê ư-ang kơ Sư, thoi noh kon bơngai bơ̆n tơchĕng rai ưh kơ tơpăt rai kơtul jing măng mu.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Galati 4:26

Mă-lei kư̆m đei minh pôm Pơlei Jêrusalem nai tơ kơpal plĕnh ti đĕch gơh rơngei. Lu bơngai mă gô oei tơ noh gơh rơngei, yua kơ lu sư lui kơ Yêsu Krist. Pơlei noh wă pơtih gia kơ yă Sara mĕ bơ̆n.

Both 29:29

Dôm tơdrong hlơp Kră Yang 'Bok Kei-Dei lu bơ̆n đĕch băt; mă-lei dôm lu tơdrong Sư tơ'bôh ăn kơ lu bơ̆n păng kơ lu kon sâu bơ̆n ling-lang hlŏng hloi, noh lăm khôi juăt âu, wă kơ lu bơ̆n chu pơm kiơ̆.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.