Je 29:7 - Sơ̆p Hlabơar Nơ̆r 'Bok Kei-Dei

⁷ Chă bĕ tơdrong hiôk-hian jơnap kơ pơlei tih mă Inh đei ăn kơ lu iĕm oei tơ noh pơm bơnă; krao apinh Kră Yang bĕ; yua kơ lu iĕm đei hiôk jơnap noh đơ̆ng pơlei noh hiôk jơnap.”

Je 29:7 ပူးပေါင်းရင်းမြစ်များ

Esơra 6:10

wă kơ lu sư soi pơyơ̆r lu tơmam soi 'bâu phu ăn kơ Kră Yang 'Bok Kei-Dei kơpal plĕnh lăp đon păng krao khan kơ tơdrong arih pơtao păng lu kon drŏ-nglo inh.

Esơra 7:23

Mă tôm tơdrong kiơ Kră Yang 'Bok Kei-Dei kơpal plĕnh đei bơtho khan gah hnam Sư, athei pơm mă tôm bĕ, tơdah ưh kơnh hli kơ tơdrong truh pơmat lăm dêh char, tơ pơtao păng truh tơ lu kon pơtao.

Horiso 122:6

Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Êsêkiên 11:16

Thoi noh, khan bĕ kơ lu sư: ‘'Nâu Kră Yang Tih Hloh khan: Mă Inh đei ăn kơ lu sư năm tơ lu dêh char nai, tơklah tơklang tơ jơ̆p lăm lu teh đak, mă-lei Inh oei 'măn anih 'lơ̆ng rơgoh kơ lu sư tơ lăm lu char mă lu sư oei ưh kơ đunh tŏ noh.’

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Rom 13:5

Thoi noh na bơ̆n athei chu yom kơ lu bơngai mă pơgơ̆r bơ̆n, wă kơ 'Bok Kei-Dei lăp đon kơ bơ̆n păng wă kơ bơ̆n đei jơhngơ̆m hiôk, yua kơ bơ̆n pơm trŏ.