Je 29:23 - Sơ̆p Hlabơar Nơ̆r 'Bok Kei-Dei

²³ yua kơ lu sư đei pơm yoch bơlŭk kơnê̆ boih lăm lu bơngai Isơrael, pơm yoch ngôi pơyô kư̆ kă hăm akăn lu bơngai rông 'bôt sư kơdih păng pơma hơlĕnh mă Inh ưh kơ đei athei lu sư. Inh băt păng pơm kơdranh kơ tơdrong noh. Noh Kră Yang khan.

Je 29:23 ပူးပေါင်းရင်းမြစ်များ

Bl 31:50

Dah ih pơjuă pơđep lu kon drŏ-kăn inh păng dah chă akăn plơ̆ng dơ̆ng, athei kơchăng bĕ! Ưh kơ trŏ kon bơngai hmă đĕch ôh sek tơlang kơ bơ̆n mă-lei Kră Yang 'Bok Kei-Dei 'mơ̆i pơm kơdranh kơ ba.

Bl 34:7

Lu kon drŏ-nglo Jakôp brŏk đơ̆ng bri, lu sư 'nao băt tơdrong noh, na lu sư hil hơwĕng dêh; yua kơ tơdrong pơ'brơh pơm kơnê̆ kơ adrĕch adrung Isơrael, 'bĭch hơdai hăm kon adruh Jakôp, noh jơ̆ tơdrong lu sư ưh kơ wă kơ đei thoi noh.

II Sam 13:12

Mă-lei Tamar pơjăng: “Ưh kơ gơh 'nhŏng; 'nĕ kơ pơm pơ'brơh pơgŏ inh, yua kơ lăm char Isơrael ưh kơ đei bu pơm thoi noh. 'Nĕ kơ pơm tơdrong kơnê̆ 'nâu!

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Je 13:27

Inh 'bôh boih tơdrong kơnê̆ iĕm pơm, Ih pơm pơyô kư̆ kă, tơdrong luĕl 'blal. Pơm pơyô kư̆ kă tơ lăm groi dah tơ mir chŭn. Ơ Jêrusalem răm-'băm tơpă kơ iĕm! Iĕm ưh kơ wă hơmet rơgoh dĭng dang yơ?”

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 23:14

Inh 'bôh lăm lu bơngai khan lê̆ adrol lăm pơlei Jêrusalem pơm tơdrong kơnê̆ dêh; Lu sư pơm pơyô kư̆ kă păng yak kiơ̆ trong hơlĕnh pơdăr; lu sư pơdrŭt bơngai pơm kơnê̆ rai dêh, na lu sư ưh pă đei bu 'maih lê̆ tơdrong kơnê̆. Inh lăng rim kơ lu sư thoi pơlei Sôđôm, păng kon pơlei Jêrusalem nhen thoi pơlei Gômôrơ.”

Je 23:16

Kră Yang Tih Hloh khan: “'Nĕ pă mơ̆ng lu bơngai khan lê̆ adrol noh roi kơ iĕm. Lu sư roi ăn kơ iĕm tơdrong hơmĕng ưh kơ đei, lu sư khan lê̆ adrol kiơ̆ thoi lu sư chă đon kơdih, ưh kơ trŏ kơ đơ̆ng nơ̆r Kră Yang bơtho khan ôh.

Je 23:21

Inh ưh kơ đei wơh lu bơngai khan lê̆ adrol noh, mă-lei lu sư oei năm chă roi nơ̆r Sư kơdih. Inh ưh kơ đei athei lu sư mă-lei lu sư oei khan lê̆ adrol.

Je 23:32

Tơpă Inh gô blah lu bơngai khan lê̆ adrol yua nơ̆r hơlĕnh roi tơdrong apo pơm ăn kơ kon pơlei pơla Inh jrok kiơ̆ nơ̆r hơlĕnh kư̆ kă. Inh ưh kơ đei wơh păng ưh kơ đei athei lu sư ôh. Tơpă lu sư ưh kơ đei tơgŭm kiơ kơ kon pơlei pơla âu.” Noh Kră Yang khan.

Je 29:21

'Nâu Kră Yang Tih Hloh, 'Bok Kei-Dei bơngai Isơrael khan thoi âu gah Ahap, kon drŏ-nglo Kôlaia păng Sêđekia, kon drŏ-nglo Maaseia, bơngai mă yua anăn Inh khan lê̆ adrol hơlĕnh: “Inh gô jao lu sư kơ Nebukatnessar, pơtao Babilôn, sư gô pơlôch bre noh 'bơ̆t anăp lu iĕm.

Je 29:31

“Chih roi bĕ kơ đĭ-đăng kon pơlei oei pơm bơnă: 'Nâu Kră Yang khan gah Sêmaia bơngai Nêhelam: ‘Yua kơ Sêmaia khan lê̆ adrol kơ lu iĕm boih, mă Inh ưh kơ athei sư khan păng sư kư̆m pơm kơ iĕm lui kơ nơ̆r sư hơlĕnh.’

Je 5:8

Lu sư thoi aseh tơno rong bek chă kiơ̆ akăn đe nai.”

Je 7:11

Lei lu iĕm lăng hnam âu, anih Anăn Inh, thoi anih tơtông klĕ hă? Âu Inh, Inh 'bôh boih dôm tơdrong noh, Kră Yang khan thoi noh.

Êsêkiên 35:13

Nơ̆r ih pơma pơang blah Inh; păng rai thim nơ̆r blah inh, Inh kơtơ̆ng boih!

Jêphania 3:4

Lu 'bok khan lê̆ adrol tă kơ hơlĕnh pơdăr ngăl; 'bok soi lu sư pơm mơgrĭ kơ anih rơgoh; păng pơm pơhloh kơ tơdrong khôi juăt.

Malachi 2:14

Lu iĕm đei khan: “Yua kơ kiơ?” Yua kơ Kră Yang băt kơ măr iĕm ih hăm akăn ih mă iŏk oei đơ̆ng 'lơ̆p sơ̆, bơngai mă oei hơdai ih păng jing akăn ih đei pơgơ̆p hăm ih boih. Mă-lei ih kư̆m oei sa hơbĕch pơdăr hăm sư 'mơ̆i.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Lu 11:10

Lu kră lăm char Gileat khan kơ Jeptha dơ̆ng: Lu nhôn gô pơm kiơ̆ thoi nơ̆r ih pơma; apinh Kră Yang pơm kơdranh kơ lu bơ̆n.