Je 29:22 - Sơ̆p Hlabơar Nơ̆r 'Bok Kei-Dei

²² Đĭ-đăng bơngai Juđa pơm bơnă lăm char Babilôn gô iŏk yua anăn 'bar 'nu bơngai 'nâu hiap tơhuăi, thoi âu: “Apinh Kră Yang ăn kơ iĕm kư̆m thoi Sêđekia păng Ahap, mă pơtao Babilôn đei phang lăm ŭnh,’

Je 29:22 ပူးပေါင်းရင်းမြစ်များ

Bl 48:20

Lăm năr noh sư sơkat ăn pŭn hiôk kơ 'bar 'nu sâu sư 'nei păng khan thoi âu: Yua anăn Ih na kon pơlei Isơrael hơpơi băl đei pŭn hiôk thoi âu: Apinh Kră Yang 'Bok Kei-Dei pơm ăn kơ ih thoi Êphraim păng Manase. Thoi noh, Jakôp pôk Êphraim, adrol kơ Manase.

Horiso 102:8

Prăt năr lu bơngai ayăt pơ'brơh kơ inh; Lu bơngai pơrăm inh yua anăn inh blei hiap.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Da 3:21

Đe hơloh rôp chô̆ hloi pêng 'nu tơdăm noh, chô̆ hơbĭ hăm hơbĕn ao, mă ao tai 'nguaih hai na klơ̆m lu sư tơ lăm ŭnh kơdơ̆r noh.

Da 3:6

Lu đe bu mă ưh kơ drap kơkuh, đe gô klơ̆m lê̆ sư tơ lăm ŭnh kơdơ̆r to.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Ru 4:11

Đĭ-đăng lu kon pơlei păng lu kră 'bơ̆t 'măng jang ei wang tơl thoi âu: Đĭ-đăng lu nhôn pơsĭt tơdrong noh. Hơpơi kơ Kră Yang ăn bơngai drŏ-kăn mơ̆t oei lăm hnam ih nhen thoi bre Rachel păng Lêa, bre sư pơjing boih adrĕch Isơrael. Ăn kơ ih arih jang sa rai tŏk lăm char Êphratha păng anăn ih đei ư-ang lăm Betlehem.