Je 29:18 - Sơ̆p Hlabơar Nơ̆r 'Bok Kei-Dei

¹⁸ Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 29:18 ပူးပေါင်းရင်းမြစ်များ

II Ho 29:8

Thoi ei na Kră Yang hil mĭl kơ lu bơngai Juđa păng kon pơlei Jêrusalem, Sư pơm ăn kơ đe hli tơrơ păng ăn kơ đe hiĕk ăr, thoi lu iĕm đei 'bôh tơm măt boih.

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Êsai 65:15

Lu bơngai mă Inh rơih iŏk gô yua anăn iĕm wă hiap pơtê̆ kơ đe. Kră Yang gô pơlôch iĕm; Mă-lei Kră Yang gô iŏk anăn plơ̆ng krao tơplih ăn kơ lu đĭch đam Sư.

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 29:17

lei, na 'nâu nơ̆r Kră Yang Tih Hloh khan: “Inh gô ăn đao gưm, pơngot rơwĕt păng tơdrong lôch hơbuh truh tơ lu sư, pơm ăn kơ lu sư thoi plei hơra ôm kơnê̆ dĭng mah đe pă gơh sa.

Je 29:22

Đĭ-đăng bơngai Juđa pơm bơnă lăm char Babilôn gô iŏk yua anăn 'bar 'nu bơngai 'nâu hiap tơhuăi, thoi âu: “Apinh Kră Yang ăn kơ iĕm kư̆m thoi Sêđekia păng Ahap, mă pơtao Babilôn đei phang lăm ŭnh,’

Je 32:24

To lu linh Kalđê wang blah pơlei; lu sư oei bơ̆ teh wă tŏk blah iŏk pơlei. Pơlei âu gô huŏng lăm ti lu sư, kơplah oei tơblah, đei tơdrong pơngot rơwĕt, tơdrong jĭ apoh. Tơdrong Ih khan truh boih, 'nâu âu, Ih 'bôh boih.

Je 34:17

Thoi noh, Kră Yang khan: “Lu iĕm ưh kơ wă mơ̆ng nơ̆r Inh, lu iĕm ưh kơ roi ăn kơ rim 'nu athei ăn kơ lu 'nhŏng oh, lu rông 'bôt iĕm gơh rơngei. Kră Yang khan: 'Nâu Inh ăn kơ iĕm rơngei, năm tơ đao gưm, jĭ hơbuh pơngot rơwĕt, Inh gô pơm ăn kơ iĕm jing bơngai đe lăng 'mê̆ krưp lăm jơ̆p kơ dêh char lăm teh âu.

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Je 44:12

Inh gô pơrăm lu kon pơlei bơngai Juđa oei oei, mă năm boih tơ char Êyiptơ păng oei tơ noh; lu sư gô lôch đĭ tơ noh lu sư gô lôch kơ đao gưm pơngot rơwĕt tih, lăm dêh Êyiptơ. Lu pơm tih pơm iĕ gô lôch đĭ kơ đao gưm pơngot rơwĕt; pơm kơ đe blei hiap, che bơle hiĕk achơ̆, đe lăng 'brơ̆ krưp.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Êsêkiên 12:15

Lu sư gô băt Inh boih Kră Yang kơplah Inh pơm kơ lu sư tơklah tơklang oei tơ lăm lu adrĕch adrung jơ̆p lăm tơring char păng jơ̆p kơ teh đak.

Êsêkiên 22:15

Inh gô pơm kơ iĕm tơklah tơklang jơ̆p kơ teh đak păng Inh gô săi tơraih iĕm tơ jơ̆p lăm khŭl adrĕch adrung nai păng Inh gô pơgoh lê̆ tơdrong 'mê̆-'mach đơ̆ng iĕm.

Êsêkiên 23:46

'Nâu nơ̆r Kră Yang khan: Chông lơ bơngai năm pơm kơ lu sư bĕ, pơjao lu sư ăn kơ tơdrong hli păng đe plah tơgar iŏk.

Êsêkiên 36:19

Inh pơm kơ lu sư tơklah tơklang tơ jơ̆p kơ teh đak, tơ jơ̆p kơ tơring; Inh sek tơlang boih lu sư kiơ̆ kơ trong lu sư kiơ̆ păng tơdrong lu sư đei pơm.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 6:8

Mă-lei, kơplah lu iĕm tơklah tơklang jơ̆p kơ teh đak, Inh oei đei ăn mơ'nah oei arih, klaih đơ̆ng đao hơlă lu teh đak blah iĕm.

Lêwi 26:33

Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Sa 8:13

Ơ hnam Juđa păng hnam Isơrael! Gô đei tơdrong thoi đe hiap iĕm lăm teh đak thoi yơ, na Inh gô dŏng pơklaih lu iĕm păng lu iĕm gô đei tơdrong pŭn hiôk thoi noh. Lu iĕm 'nĕ kơ hli mă-lei ti iĕm athei pran kơtang.”

Jo 5:27

Tơdah đang kơ ăn kơ bơngai drŏ-kăn noh huch đak tăng tơdrong hiap, tơdah bơngai đei pơm kơnê̆ 'mê̆ brư̆ kơđang kơ̆l hơko klo sư lei đak tăng noh pơm kơ sư hơ̆-hang chhŭr nuih klak sư pơpông tih, blu sư ôm, lei na bơngai drŏ-kăn noh jing bơngai đe hiap pơtê̆ lăm lu kon pơlei sư.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.